Dosar Biboron 10:9 - সান্তালী বাইবেল

⁹ Ona iạte Liwiko do akoren Israel boehako talare sompotti reakʼ jãhãn hạṭiń se ạidạri do bako ńamleda; aperen Probhu Isorakʼ katha leka Isorge onkoren sompottiye tahẽkana.

Dosar Biboron 10:9 Referans Kwoze

Jeheskel 44:28

“ ‘Naekekoakʼ sompotti do eken ińgeń tahena. Ape Israelko do apeakʼ disạmre jãhãn sompottige alope emakoa; onkoren sompotti do ińgeń hoyokʼa.

Josuạ 14:3

Ar barea tala gusṭirenko Mose do laharege jordan purub secʼre sompottiye ematʼko tahẽkana, menkhan Israelko talare Liwi gusṭiko do jãhãn sompotti bae ematʼkoa.

Numeri 26:62

Mitʼ cando se ona khon ḍher umerren Liwi herel hoponkoakʼ lekha do bargel pe hajar tahẽkana. Israelko modre noko do eṭakʼ jãhãn jaega bako ạidạri ocolente ar eṭakʼ Israelko sãote hõ nokoakʼ lekha do baṅ hoylena.

Aposkạmi 8:21

Ạlińakʼ noa kạmire amakʼ bakhra se ạidạri do bạnukʼtama, ente Isor samaṅre amakʼ ontor do baṅ sojhetama.

Dosar Biboron 12:12

Ar onḍe aperen Probhu Isor samaṅre ape ar apren hoponko, hoponerako, aperen guti-kạ̃ṛmĩko, ato ar nagraharen Liwiko okoe do apnarakʼ mente jãhãn jaega-jumi se sompotti bạnukʼtako onko sanamko sãotepe rạskạ midokʼa.

Dosar Biboron 14:27

Ar okoe Liwiko apeakʼ ato se nagrahareko girobasokʼkan onko do alope hiṛińkoa, ente onko do apnarakʼ mente jãhãnakʼ cetʼge, metakʼme jaega jumi do bạnukʼtakoa.

Dosar Biboron 14:29

Ar onate Liwiko, okoe do apnarakʼ mente cetʼ jaega jumi se sompotti bạnukʼtako ar onḍe menakʼko porjạtrenko, rạnḍiko ar ṭũạr amarko onako jom daṛeakʼa. Onate apeakʼ sanam kạmire aperen Probhu Isor doe bhorapea.