Dosar Biboron 10:8 - সান্তালী বাইবেল

⁸ Unre Probhu Isor do acʼakʼ bondobos sinduk gokʼ idiy lạgitʼ ar sekʼwa kạmi ńutumte uni samaṅre teṅgokʼ lạgitʼ ar acʼakʼ ńutumte bhorako lạgitʼ Liwikoe bachaoletʼkoa. Ar onko do teheń hạbicʼko kạmikana.

Dosar Biboron 10:8 Referans Kwoze

Dosar Biboron 21:5

Ona tayom naekeko, metakʼme Liwi gusṭiren hoṛko do sapʼsosor kạmi lạgitʼko hecʼ sorokʼa, onko do Probhu Isor ńutumte hoṛko bhorakoa ar reṭepeṭe, dapal tapamre hoṛkoakʼko bicạr chinḍạutakoa ente aperen Probhu Isor do onkoe bachao akatʼkoa.

Dosar Biboron 18:5

ente aperen Probhu Isor do aperen sanam gusṭirenko tala khon Liwiko ar onkoren bõskogeye bachao akawana, jemon jao okte onko do Probhu Isorko sapʼsorae.

Numeri 4:15

“Aron ar uniren hoponko tinre noa sonot jinis ar sonot ṭhạ̃i reakʼ asbab poṭom reakʼ kạmiko sạta ar hoṛko hõ ḍera samṭaokate uṭhạukʼ lạgitʼko sapṛaokʼa unre Kohatren hoponko do noako gokʼ idi lạgitʼko hijukʼa. Menkhan onko do sonotakʼ okaṭakʼ jinisge bako joṭetʼ daṛeakʼa. Arko joṭetʼ lekhan onko doko gujukʼa. Ńapamokʼ tạmbure okako jinis tahen ona do Kohatren hoponkoko gokʼ idiya.

Numeri 3:6

“Am do Liwi gusṭiren hoṛkom ạgukoa ar Aronakʼ tirem jimạkoa jemon onko do Aronko goṛowae.

Johan 15:16

Ape do bape bachao akadińạ, menkhan ińgeń bachao akatʼpete kạmireń dhurạu akatʼpea jemon apeakʼ jionrepe jokʼ ar ona jo do jemon tahẽ akae tahentape. Enḍekhan iń ńutumte Baba ṭhen jãhãnakʼgepe koe uni do onageye emapea.

Jirimiạ 15:19

Unre Probhu Isor doe menkeda, “Monem ạcurletam khan iń do lahate lekań ataṅ ruạṛmea jemon ińem sapʼsorạń; ar ạuṛiyakʼ katha roṛ baṅkate damanakʼ katham roṛ enḍekhan ińakʼ mocategem roṛa. Noko hoṛ do am secʼko ạcurokʼa, menkhan am do onko secʼ alom ạcurokʼa.

2 Bõsbudạ 30:27

Tayomte okoe Liwiko do naekeko tahẽkan onko doko teṅgoyente hoṛko ạsirbadko ematʼkoa, ar Isor do onkoakʼ koejoṅe ańjomketʼtakoa, ente onkoakʼ koejoṅ do uniyakʼ sonot jaega serma hạbicʼ seṭerlen tahẽkana.

1 Bõsbudạ 15:26

Okoe Liwiko do Probhu Isorakʼ bondobos sindukko gokʼ ạguiyetʼ tahẽkan onko do Isorgeye ạyuretʼko tahẽkante eae goṭen phẽṭaṛ ar eae goṭen bheḍako samaṅketʼkoa.

Levitikus 9:22

Ona tayom Aron do hoṛko secʼ ti tiyạrkateye bhoratʼkoa. Uni do kại ńutumte samaṅokʼakʼ, jeredokʼ samaṅokʼakʼ ar sulukren samaṅokʼakʼ reakʼe sạtʼketʼ khan pinḍ khone pheḍena.

Galathiko lạgitʼ Pạul Apostolakʼ ciṭhi 1:15

Menkhan Isor do janam khongeye bachao doho akadiń tahẽkana ar uniyakʼ dayatege apostol hoyokʼ lạgitʼe hohoakadińạ.

2 Korinthiko 6:17

Arhõe meneda, “Onate ape do be pạtiạuko tala khon oḍok hijukʼpe ar begarokʼpe. Ar jãhãn besaphawakʼko alope joṭeda, enḍekhan ińgeń ataṅ darampea.”

Romiko lạgitʼ Pạul Apostolakʼ ciṭhi 12:7

Ar sapʼ dapʼ reakʼ daṛe hoyokʼ khan enḍekhan uni do sapʼ dapʼ giriye kạmi ma. Okoe cecetʼakʼ emokʼ reakʼ daṛeye ńamakatʼ uni doe cetʼakoma;

Romiko lạgitʼ Pạul Apostolakʼ ciṭhi 1:1

Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniyakʼ bhage sombat porcar lạgitʼ hõe bachao akadińạ.

Aposkạmi 13:2

Onko do upạskate Probhu Isorko sewawaekan tahẽkanre sonot Jiu do onkoe metatʼkoa, “Barnabas ar Sạul oka kạmi lạgitʼ iń hohoakatʼkin, ińakʼ ona kạmi lạgitʼ ńitokʼ unkin baṛe begarkinpe.”

Jeheskel 44:15

“Menkhan Israelko do tinre iń ṭhen khon bạṛicʼ horteko senlena unre Sadok bõsren okoe Liwi do naekeko lekate ińakʼ oṛakʼre pạtiạr salakʼ akoakʼ dạyikko palon akatʼ onkoge iń sewawạń lạgitʼ iń ṭhenko hecʼdaṛeakʼa; onko do mãyãm ar itil samaṅ lạgitʼ iń samaṅreko teṅgo daṛeakʼa. Iń Probhu Isorge noa katha doń menetʼkana.

Jeheskel 44:11

Enhõ mundil oṛakʼ duạr horhoe reakʼ bharko ńamakatʼte onko do ińakʼ oṛakʼ reakʼ sekʼwa kạmiko kạmi daṛeakʼa. Onko do jeredokʼ samaṅokʼren janwarko gur daṛeakoa ar hoṛko lạgitʼ samaṅokʼakʼ porob hõko ạyur daṛeakʼa ar hoṛko sapʼsorako lạgitʼ onko samaṅreko teṅgo daṛeakʼa.

Sereńko 134:2

Sonotakʼ ṭhạ̃i secʼ ti tultape ar Probhu Isor sarhao sereńaepe.

2 Bõsbudạ 29:11

E ińren hoponko, ape do ńitokʼ ar alope duṛupʼ hapekokʼa, ente Probhu Isor samaṅre teṅgokʼ ar uniren sapʼ sosoricʼ lekate kạmi ar dhup jered lạgitʼ uni do apegeye bachao dohoakatʼpea.”

1 Bõsbudạ 23:26

Onate sekʼwa kạmire bebohar lạgitʼ ḍera tạmbu se eṭakʼ jãhãn jinis Liwiko do ar gokʼ idi baṅ lagao akoa.”

1 Rapajko 8:6

Ona tayom naekeko do Probhu Isorakʼ bondobos sinduk niṭ akatʼ ṭhạ̃ire, mundil oṛakʼ reakʼ bhitri kandhare, metakʼme sonot utạrakʼ ṭhạ̃ire Kerubkinakʼ phạ̃kṛạ̃kʼ latarreko dohokada.

Dosar Biboron 17:12

Jãhãe hoṛ bạḍại salakʼ uni bikʼcạricʼakʼ katha se aperen Probhu Isorren sapʼdapʼicʼ naekeakʼ katha bae ańjom, enḍekhan uni do khạṭige gocʼ giḍikae hoyokʼa. Ar Israelko tala khon nonkan bạṛicʼ hoṛ dope marao utạrkoa.

Numeri 3:31

Kohatrenkoakʼ dạyik do tahẽkana goha sinduk, ṭebil, diuhe dohowakʼ, pinḍkin, sonot ṭhạ̃i reakʼ asbabko ar sonot utạr ṭhạ̃i reakʼ orwal ńel jut ar onako sãoteakʼ eṭakʼ jotowakʼ kạmiko.

Levitikus 8:9

Ona tayom dạhṛi do Aronakʼ bohokʼreye horokʼadete sonot mukuṭ, metakʼme ona sona reakʼ pat do dạhṛi reakʼ samaṅ secʼe lagaoadea. Ar Mose do Probhu Isore hukumade leka sanamakʼgeye kạmikeda.

Dosar Biboron 31:9

Mose do ạn-ạriko olkate Liwi gusṭiren naekeko, okoe do Probhu Isorakʼ goha sindukko gokʼ bhạriạ idiyetʼ tahẽkan, onko ar Israelren sanam murubbiko onae ematʼkoa.

1 Bõsbudạ 15:2

Inạ tayom uni doe menkeda, “Isorakʼ sinduk do Liwiko chaḍa ar okoe hõ jemon aloko gokʼ bhạriại ente Probhu Isorakʼ sinduk gokʼ idi ar jaejug hạbicʼ uniyakʼ sewae lạgitʼ Probhu Isor do onkogeye bachao akawana.”

Sereńko 134:1

E Probhu Isorren golamko, okoe do Probhu Isorakʼ oṛakʼre ńindạ jokhecʼ unipe sapʼsorae kan, ape jotoge Probhu Isorakʼ sarhao sereńpe.

Dosar Biboron 21:3

Ar mạ̃ṛĩ khon okaṭakʼ nagraha do joto khon sorre menakʼ nagraharen murubbiko do nonkan mitʼṭen phẽṭaṛko hataoea okoe do kạmire baṅ lagaoakade ar tarenre tishõ arãṛ baṅ lade akawade.

1 Bõsbudạ 23:13

Amramren hopon dokin hoyokʼkana Haron ar Mose. Haron ar uniren bõsko do jaejug lạgitʼ Isor ńutumteko begar ocoyena jemon onko do sonot utạrakʼ jinisko reakʼ bharko ataṅ daṛeakʼ, ar Probhu Isor samaṅre seṅgelteakʼ samaṅokʼakʼ ko samaṅ daṛeakʼ, ar uni samaṅre sekʼwa kạmiko kạmi daṛeakʼ ar uni ńutumte bhorko emdaṛeakʼ.