Dosar Biboron 10:22 - সান্তালী বাইবেল

²² Aperen okoeko hapṛam do Misorteko senlen onko do lekhare eken eae gel hoṛko tahẽkana ar ńitokʼ aperen Isor do sermaren ipilko lekae saṅge ocoakatʼpea.

Dosar Biboron 10:22 Referans Kwoze

Genesis 46:27

Misor disạmre Josephren okoekin hoponkin janamlen ar Jakobakʼ gharońjren okoe do Misorteko calaolen onko do jotote eaegel hoṛko tahẽkana.

Genesis 15:5

Tayomte Probhu Isor do Abram bahrete idikedeteye metadea, “Serma secʼ beṅged me arem daṛeakʼ khan ipilko lekhakom. Am bõsren hoṛ do onko ipil leka alekhako hoyokʼa.”

Dosar Biboron 1:10

Aperen Probhu Isor do nunạkʼe saṅge ocoakatʼpea je, teheń ape do sermaren ipil lekape saṅge akana.

Nehemiạ 9:23

Sermaren ipilko leka onko do alekha hoponkom ematʼkoa ar okaṭakʼ disạmte bolokate ona ạidạri reakʼ katha onkoren hapṛamkom metatʼko tahẽkan ona disạmtem aderketʼkoa.

Dosar Biboron 28:62

Aperen hoṛ do sermaren ipil lekako saṅgelenre hõ aperen Probhu Isorakʼpe bebataoetʼtae iạte thoṛa hoṛge unre jiwetʼpe tahena.

Aposkạmi 7:14

Ona tayom Joseph do acʼren apat Jakob ar gharońjren eṭakʼ sanamkoe hoho ạgu ocoketʼkoa. Onko do lekhare eaegel mõṛẽ hoṛko tahẽkana.

Numeri 26:51

Lekhayen Israelkoakʼ lekha do jotote turui lakh mitʼ hajar eae sae pegelko tahẽkana.

Ibriko 11:12

Onate umer secʼte gocʼ barag hoṛmo hoekatere hõ Abraham do sermaren ipil leka ar jalapuri aṛe reakʼ gitil leka ạḍi utạr gidrạkoren apate hoylena.

Numeri 26:62

Mitʼ cando se ona khon ḍher umerren Liwi herel hoponkoakʼ lekha do bargel pe hajar tahẽkana. Israelko modre noko do eṭakʼ jãhãn jaega bako ạidạri ocolente ar eṭakʼ Israelko sãote hõ nokoakʼ lekha do baṅ hoylena.

Genesis 22:17

khạṭigeń bhorama, ar sermaren ipilko ar jalapuri reakʼ gitil leka amakʼ bõsrenkoń saṅge ocokoa. Am bõsren hoṛ do akoren bạirikoakʼ nagrahako jitạu joṅa,

Dosar Biboron 26:5

Ar ona tayom do Probhu Isor samaṅrepe mena, ‘Aleren hapṛam do Aramren mitʼṭen uḍạcal hoṛe tahẽkana. Uni do eken thoṛa hoṛante Misor disomteye senlena ar onḍeye tahẽkanre uni hotete mitʼṭen maraṅ ar daṛean jạtrenkoakʼ janam hoylena ar onkoakʼ lekha do ḍherge tahẽkana.

Genesis 46:26

Jakob sãote okoe do Misor disạmteko calaoen, metakʼme acʼ apnar bõsren jotote turuigel turui hoṛko tahẽkana; noa lekhare uniren hoponkoren bạhuko do bako sapʼakana.

Dosar Biboron 1:11

Aperen hapṛamkoren Probhu Isor do arhõ hajar doboṛe saṅge ocopema ar acʼakʼ gokʼakʼ lekageye bhorape ma.