Dosar Biboron 10:21 - সান্তালী বাইবেল

²¹ Unikangea aperen ṭhonok ar unige aperen Isor do. Ape do apeakʼ mẽtʼte oka maraṅ ar botoranakʼ hahaṛa kạmikope ńelakatʼtae ona do ape lạgitʼgeye onka akada.

Dosar Biboron 10:21 Referans Kwoze

Jirimiạ 17:14

E Probhu, bogeyińme, enḍekhaniń bogekʼa; bańcao ińme, enḍekhaniń bańcaokʼa, ente amkangeam ińren sarhaoanicʼ do.

Johan sodor 21:23

Ona nagrahare marsalokʼ lạgitʼ siń cando se ńindạ cando reakʼ jạruṛ do bạnukʼa, ente Isorakʼ ṭhonokge onḍe doe marsala ar Bheḍa Hopon kangeae onḍenicʼ diuhe do;

Sereńko 22:3

Menkhan am dom sonotgea; ar Israelkoakʼ sarhaoakʼ reakʼ siṅghạson rem duṛupʼ akana.

2 Samuel 7:23

Amren Israel jạtrenko leka dhạrtire ar eṭakʼ jãhãn jạtrenko menakʼkoa okoe do am jạtrenko hoeocoko lạgitʼ ar amakʼ ṭhonok sodor lạgitʼ onko chaḍaoko lạgitʼem calaolen? Ar eṭakʼ jạtrenko samaṅre amakʼ ńutumte amren hoṛko lạgitʼ maraṅ ar botoranakʼ kạmim kạmiakada, cetʼleka amren hoṛko Misor disạm khon eṭakʼ eṭakʼ jạtren ar debotakoakʼ ti khonem chaḍao ạguakatʼko?

Exodus 15:2

Probhu Isorge ińakʼ daṛe, unige ińakʼ sereń do; ińakʼ bańcao do unirege menakʼa. Probhuge ińren Isor do; uniyakʼgeń sarhao sereńa. Uni do iń ạpuńren Isor kanae; uniyakʼ ṭhonok reakʼ iń sereńa.

Luk 2:32

Eṭakʼ jạtrenko ṭhen noa do hor udukʼako reakʼ marsal kana, ar amren Israel jạtrenko ṭhen noa do ṭhonokanakʼ kangea.”

Jesaea 64:3

Ar oka bale as akan onkan botorakʼkom kạmiletʼre am dom pheḍ hecʼena ar buruko do am samaṅre daldalaolena.

Jesaea 60:19

Sińre siń cando reakʼ marsal do ar baṅ jạruṛama, ńindạ cando reakʼ terdecʼ marsal hõ baṅa, ente Probhu Isorge amren jaejug reakʼ marsale hoyokʼa, ar amren Isorge amakʼ ṭhonoke hoyokʼa.

Sereńko 109:1

E Isor amiń sarhaoetʼmea; am do alom thir hapekokʼa.

1 Samuel 12:24

Ape do eken Probhu Isor botoraepe ar apeakʼ goṭa ontorte pạtiạr salakʼ uni sewawaepe. Hudispe, ape lạgitʼ uni do tinạkʼ maraṅ maraṅakʼe kạmi akada.

Sereńko 145:6

Hoṛko do amakʼ botoranakʼ hahaṛa daṛe kạmi reakʼ kathako roṛa, ar iń do amakʼ maraṅtetʼ iń lại sodora.

Sereńko 148:14

Uni do acʼren hoṛko lạgitʼ mitʼṭecʼ dereńe rakapʼ akada; mitʼṭecʼ sarhaokʼage acʼren bhoktoko lạgitʼ, Israelko lạgitʼ acʼ sorre menakʼko hoṛko lạgitʼ. Probhu Isorakʼge sarhao hoyokʼtae ma.

Exodus 34:10

Khan Probhu Isor doe roṛ ruạṛkeda, “Iń do mitʼṭecʼ bondobos iń dohoakada. Amren sanam hoṛko samaṅre nonkan hahaṛawakʼkoń kạmiya ona do niạ lahare dhạrtiren cele jạtrenko samaṅre baṅ hoyakana. Ar okoe hoṛko samaṅrem girobasokʼkan onkoko ńela, iń Probhu Isor do ape lạgitʼ okań cekae lạgidokʼkan ona do manwakoakʼ monre botor ar bhuktigeye janam ocoya.

Josuạ 24:18

Niạ disạmren Amoriko ar eṭakʼ sanam jạtrenko do Probhu Isorge abo samaṅ khone laga ńir akatʼkoa. Onate ale hõ Probhu Isor gele sarhaoea, ente uni kangeae aboren Isor do.”