Dosar Biboron 10:17 - সান্তালী বাইবেল

¹⁷ Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Dosar Biboron 10:17 Referans Kwoze

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

Galathiko lạgitʼ Pạul Apostolakʼ ciṭhi 2:6

Manḍerren manotanko bikạukʼkan hoṛko do bhage sombat reaṅ nãwãnakʼ cetʼge bako baḍae ocoakadińạ. Menkhan onko do jãhãekangeko onate ińakʼ do cetʼge baṅ cekakʼtińạ. Isor do hoṛakʼ mẽtʼãhã ńelte bae bicạra.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Dosar Biboron 7:21

Ape do alope botorakoa, ente aperen Probhu Isor do ape talare menaea, uni doe maraṅgea are botorangea.

Johan sodor 19:16

Ar uniyakʼ kicricʼre ar bulure noa ńutum ol menakʼa, “Rajkoren raj, ar Probhukoren Probhu.”

Ephesiko lạgitʼ Pạul Apostolakʼ ciṭhi 6:9

E kisạ̃ṛko, aperen golamko sãote ape hõ onkage beoharpe. Onko do botor alope udukʼakoa, entepe baḍaegea, onko ar aperen doe ini mitʼ Probhu Isor kangeae ar uni do sermare menaea; uniyakʼ mẽtʼãhã samaṅre do jotogeko somangea.

Josuạ 22:22

“Sanam daṛeanicʼ Probhu Isor! Sanam daṛeanicʼ Probhu Isor! Uni mae baḍaege ar Israelko hõko baḍaema. Probhu Isor upạrte jãhãn hul se bebatao reakʼ kạmi hoyakan khan enḍekhan teheń alope rehaelea.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Sereńko 99:3

Onko jạtrenko do uniko sarhaoema; uni do maraṅ ar botoranicʼ Isor kanae; uni doe sonotgea.

Nehemiạ 1:5

Ona tayomiń menkeda, “E sermaren Probhu Isor, am dom maraṅ ar botoranicʼ Isor kana, okoe do amko dulạṛetʼme ar amakʼ hukumko senakʼkan onko lạgitʼ do jaejug dulạṛ reakʼ bondobosem rukhiyạ dohoyeda.

Jirimiạ 20:11

Menkhan Probhu Isor do daṛeanicʼ bir banṭa leka iń são sãote menaea, onate iń khedeńko doko tohodokʼa ar bako jitạu daṛeakʼa. Onko do bako jo baha daṛeakʼa ar lajaoreko paṛaokʼa; onkoakʼ bemanot ocokʼ reakʼ do okoehõ tisge bako hiṛiń daṛeakʼa.

Nehemiạ 4:14

Ona tayom iń do sanamakʼ ńel jut baṛakate lekman hoṛko, maraṅ hudạren hoṛko ar sarecʼ hoṛkoń metatʼkoa, “Onko do alope botorakoa. Menkhan maraṅ daṛeanicʼ ar botoranicʼ Probhu Isorakʼ katha baṛe disạipe ar aperen boehako, koṛa hoponko ar kuṛi hoponko, bạhuko ar oṛakʼ lạgitʼ lạṛhạipe.”

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Kolossiko lạgitʼ Pạul Apostolakʼ ciṭhi 3:25

Ente behokicʼ do acʼe behokakatʼ reakʼ kuṛạiye ńam ruạṛa; Probhu Isor ṭhen mẽtʼãhã beṅgetʼakʼ do bạnukʼ anaṅ.

Mark 12:14

Onko do Jisu ṭhen hecʼkateko menkeda, “E Guru, alele baḍaea, mitʼṭen sạri hoṛ kanam. Ar hoṛ cetʼko hudisme ar bako hudisme, ona do bam moneyakʼ kana, ente am do okoeyakʼ mẽtʼãhã hõ bam beṅgetʼakʼ kana. Ar sạri sạrige Isorakʼ hor reaṅem cetʼako kana. Ado lạiyaleme, Moseyakʼ ạn lekate Romren maharaj khajna emae do ganokʼa se baṅa?

1Timothi 6:15

Uni maraṅ bhạgan Isor, one uni eskar cakʼlaoyicʼ ar rapajkoren raj are Probhukoren Probhu kan, unige acʼakʼ okte nạpitre Mạsiye sodorea.

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Dosar Biboron 24:17

“Upriạ ar ṭũạr amarko lạgitʼ behokakʼ reakʼ do alope bicạra. Ar rạnḍi maejiuko ṭhen khon bandhok lekate kicricʼ hõ alope hataoa.

Dosar Biboron 27:25

‘Sarapangeae uni hoṛ do, okoe do bindusạn hoṛ khun ocoye lạgitʼ ghuse hataoetʼkan.’ Unre sanam hoṛko mena, ‘Amen.’

Jesaea 9:6

Noa jotowakʼ do hoyokʼa, ente abo lạgitʼ mitʼṭen koṛa gidrại janamokʼa, mitʼṭen hopon do abo lạgitʼe emocokʼa. Mạliki do uniyakʼ tarenrege tahena, ar uni ńutum do hoyokʼa hahaṛa sosolhayicʼ, daṛeanicʼ Isor, jaejugren apat, ar sulukren raj.

Jesaea 37:16

“E Probhu Israelkoren raj, am do Kerubkin talarem tahẽnkana, ar am eskarge dhạrtiren sanamakʼ rajosṭiren Isor kanam. Am do serma ar otem benao akada

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Jirimiạ 32:18

Am do hajar hajarko amakʼ asambheṛ dayam udukʼako kana ar apatkoakʼ ghạṭko reakʼ sạjại do onkoren hoponkom emakokana. E maraṅ ar daṛeanicʼ Isor, amakʼ ńutum do sanam daṛeanicʼ Probhuge;