Dosar Biboron 10:11 - সান্তালী বাইবেল

¹¹ Probhu Isor doe metadiń tahẽkana, ‘onko ạyur idikom, jemon onkoren hapṛamko ṭhen okaṭakʼ disạm emako lạgitʼ iń gokʼletʼ senkate onako ạidạri daṛeakʼ.’

Dosar Biboron 10:11 Referans Kwoze

Exodus 33:1

Ona tayom Probhu Isor do Moseye metadea, “Amren okoe hoṛko Misor disom khonem oḍok ạguakatʼko onko salakʼ niạ ṭhạ̃i bạgikate ińiń gokʼakawatʼpe disạmte calakʼpe. Iń do Abraham, Isạhak ar Jakob ṭhen noa disạm reakʼgeń kiriạlena, onkoren bõskoń emakoa mente.

Exodus 32:34

Ańjomme, iń okaṭakʼ jaega reakʼ kathań roṛakatʼ ńitokʼ am do senkate hoṛko onḍe idikom. Ińren goḍet do hore udukʼ idiapea. Ar tinre sạjại reakʼ okte hijukʼa unre onkoń sạjạikoa.”

Dosar Biboron 10:10

“Lahate leka iń do niạ dhao hõ pongel siń ar pongel ńindạ buru cetanreń tahẽkana ar Probhu Isor do ińakʼ kathae ańjomketʼtińạ. Ar ape maraope reakʼ sana do baṅ tahẽkantaea.

Dosar Biboron 10:12

“E Israel, amren Probhu Isor do am ṭhen khon ńit cetʼe khojkana? Uni doe khojkana jemon amren Isorem botorae ar uniyakʼ sanamakʼ hortem taṛam, unim dulạṛe ar amakʼ goṭa monte ar amakʼ goṭa jiwite unim sewawae, ar amakʼ bhạlại lạgitʼ teheń am ṭhen Probhu Isorakʼ okako hukum ar niạmiń emokʼkan ona baṛe dohoyme.

Dosar Biboron 1:8

Ńelpe, onako jaega doń emakawatʼpea. Iń Probhu Isor do aperen hapṛam Abraham, Isahak, Jakob ar onko tayom do onkoren bõsko oka disạm emako lạgitʼ iń kiriạlen onḍe senkate ape do ona disạm ạidạri joṅpe.’