Dosar Biboron 1:6 - সান্তালী বাইবেল

⁶ “Aboren Probhu Isor do Horeb burureye metatʼbon tahẽkana, ‘noa burure ape do aema dinpe khemaokeda.

Dosar Biboron 1:6 Referans Kwoze

Exodus 3:1

Mitʼ din Mose do acʼren hońhartetʼ Jethro, metakʼme Ruelren bhiḍi-meromkoe gupiyetʼko tahẽkana. Jethro do Midiankoren mitʼṭen naekeye tahẽkana. Mose do hahaṅkar hanasate bhiḍi-meromko gupi gupite Isorakʼ Horeb buruteye seṭerketʼkoa.

Exodus 17:6

Ona tayom iń do Horeb buru ṭhen am samaṅre mitʼṭecʼ dhiri cetanreń teṅgona. Am do ona dhirim dala ar onate hoṛko lạgitʼ onḍe khon dakʼ oḍokokʼa.” Ar Mose do Israelkoren murubbiko samaṅreye onkakeda.

Dosar Biboron 5:2

Aboren Probhu Isor do Horeb burure abo lạgitʼ mitʼṭecʼ bondobose doholeda.

Dosar Biboron 1:5

Mose do Israelko jordan gaḍae paromketʼko tayom Moab disạmre ạn-ạri reakʼ noako katha galmaraoakoe ehopʼena. Uni doe metatʼkoa,

Numeri 9:22

Bar din hoyokʼ se mitʼ cando hoyokʼ se ona khon ḍher din hoyokʼ, tinạkʼ din rimil sekʼwa tạmbu cetanre tahenkan tahẽkan unạkʼ dinge Israelko do ḍerareko tahenkan tahẽkana. Menkhan rimil ocokʼlen khan onko do arhõko mohnḍakʼkan tahẽkana.

Dosar Biboron 9:8

Horeb ṭhen Probhu Isorakʼ edrepe rakapʼ ocoletʼtae jokhecʼ uni do ape marao giḍikapeye menleda.

Dosar Biboron 18:16

Horeb burure oka hilokʼ sanamko Probhu Isor samaṅrepe jarwalen enhilokʼge ape do aperen Probhu Isor ṭhen onagepe khojleda. Apepe menleda, ‘ale do aleren Probhu Isorakʼ katha alo baṛele ańjomma se niạ maraṅ seṅgel hõ alole ńelma; ar baṅkhan ale dole gujukʼa.’