Dosar Biboron 1:46 - সান্তালী বাইবেল

⁴⁶ Nonkate ape do Kadesre ḍher dinpe tahẽyena ar onḍege ḍher dinpe khemaokeda.

Dosar Biboron 1:46 Referans Kwoze

Numeri 20:1

Bochor reakʼ pạhilakʼ candore Israelko do Sin hahaṅkar ṭoṭha reakʼ Kades ṭhen senkateko ḍerayena. Ar unre Mạriạm do onḍeye gocʼena arko topakadea.

Numeri 20:22

Inạ tayom Israelko do Kades khonko uṭhạuente Hor buruko seṭerena.

Numeri 14:34

Disạm cikʼyạre oka pongel din lagaolen ona mimitʼ din reakʼ mitʼ bochorkate jotote pongel bochor hạbicʼ ape do apeakʼ behokakʼ lạgitʼ kosṭope joma arpe bujhạua daṛeakʼa, ape upạrteń teṅgolen khan oka hal hoyokʼtapea mente.

Numeri 14:25

Onako buru tala otetre ńitokʼ do Amelekiko ar Kananrenko girobasokʼ kana. Ape do gapage ạcurokʼte Arakʼ dõreao reakʼ horte hahaṅkar secʼpe mohnḍakʼa.”

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Dosar Biboron 2:14

Kades bạgikate Sered soḍokʼ paromokʼte pegel irạl bochor lagao atʼbon tahẽkana. Kades bạgi oṭowakʼ lahare ḍerare okoe palṭonko tahẽkan onko sanamkoge niạ pegel irạl bochor bhitrite Probhu Isorakʼ gokʼakʼ reakʼ katha lekateko gocʼena.

Josuạ 24:7

Menkhan Israelko do iń ṭhenko rakʼ homorketʼ khan onko ar Misorrenko talareń ńut ocokeda. Ar Misorrenko cetanre jalapuri reakʼ dakʼ iń ruạṛ ocoketʼte onkoń unum cabaketʼkoa. Misorrenko cetanre okań cekaletʼ ona ma apnarakʼ mẽtʼtegepe ńelakatʼ. Ar ona tayom do ḍher din hahaṅkarrepe girobasena.