Dosar Biboron 1:45 - সান্তালী বাইবেল

⁴⁵ Ar ruạṛ hecʼkate Probhu Isor ṭhenpe rakʼkeda, menkhan uni do apeakʼ rakʼjoṅakʼ bae ańjomletʼtapea; luture bondketʼtaea.

Dosar Biboron 1:45 Referans Kwoze

Ibriko 12:17

Baḍaegeape, tayomte rakʼ rakʼte ạsirbade koeletʼre hõ enhõ uni doe nihạ̃t giḍi ocoyena, ente mon ạcur reakʼ ạt unre baṅ tahẽkana.

Sereńko 78:34

Uni do onkoe gocʼketʼko tayom sarecʼ hoṛko do uniyakʼ kathako disạkeda; onko do arhõ uni secʼko ạcur ruạṛena ar jitkate uniko ńam baṛakedea.

Luk 24:27

Inạ tayom uni do Moseyakʼ ar joto nạbikoakʼ olakʼ khon ehopʼkate sanam sonot sostorre acʼ reaṅ okako olakan ona jotoe bujhạuatʼkinạ.

Johan 9:31

Baḍaegea bon Isor do kại hoṛakʼ katha bae ańjoma. Menkhan jãhãege Isor sewa hoṛe hoyokʼ ar uniyakʼ sanalekae kạmi enḍekhan Isor do uniyakʼe ańjomtaea.

Jobakʼ 27:8

Isor do acʼ baṅ botoraekanko tinreye maraokoa, unre onko do cetʼ asge baṅ tahentakoa.

Jobakʼ 27:9

Onko cetanre kosṭo hecʼlen khan Isor do cetʼ onkoakʼ rakʼe ańjomtakoa?

Sereńko 66:18

Ińakʼ ontorre bedhoromiń dohokakʼ khan Probhu do ińakʼ katha ohoe ańjomlea.

Kạhtukko 1:25

Ape do ińakʼ hukumkoge bape hetawatʼa, doskoń udukʼatʼpere hõ bape aṅgocleda,

Kạhtukko 1:28

“Unre bebujkoko hohoạńạ menkhan bạń moneyakoa; ińko ńam baṛayińạ menkhan bako ńam daṛeạńạ.