Dosar Biboron 1:44 - সান্তালী বাইবেল

⁴⁴ Ona ńelte okoe Amoriko ona burureko girobasokʼkan tahẽkan onko do ape upạrte lạṛhại lạgitʼko oḍok hecʼena. Ar mitʼ jhãk dumur leka apeko lagaketʼpea ar Seir reakʼ Horma nagraha hạbicʼko tuṛ idiketʼpea.

Dosar Biboron 1:44 Referans Kwoze

Sereńko 118:12

Dumur lekageko tudrạu esetʼ akadińạ; ar jạnum jhạuạ reakʼ seṅgel leka onko do usạrateko ĩṛicʼgotʼena. Probhu Isor ńutumte iń do khạṭigeń marao cabakoa.

Numeri 14:45

Onko ńelte buru ṭoṭharen Amalekiko ar Kananrenko do pheḍ hecʼkate onkoko jhuṭiạuketʼkoa ar Horma nagraha hạbicʼko laga idiketʼkoa.

Jesaea 7:18

Enhilokʼ Probhu Isor do Misor disạm reakʼ sạṅgiń gaḍako khon rõ ar Ạsur disạm khon dumurkoe gol ạgukoa.

Numeri 21:3

Probhu Isor do onkoakʼ nehõre ańjomketʼtakoa ar Kananrenko do onkoakʼ tireye jimạkatʼkoa. Ar Israel hoponko do onkoakʼ atoko ar nagrahako maraoketʼtakoa. Ona iạte ona jaega reakʼ ńutum do Hormako (ona reakʼ mane do “ḍahao maraokʼ ”) dohokeda.

Dosar Biboron 32:30

Mitʼ hoṛ do cekate hajar hoṛkoe lagakoa, ar bar hoṛ ńelte cekate gel hajar hoṛko ńir pharakokʼa, onkoakʼ asray buru bạirikoakʼ tire onko bae ạkhrińleko khan, ar Probhu Isor hõ bạirikoakʼ tire onko bae soprot leko khan?

Dosar Biboron 28:25

“Probhu Isorgeye nonkaea jemon ape do aperen bạiriko samaṅrepe bhagao ocokʼ. Ape do mitʼ horte jhãpe ema menkhan onko do eae horteko dạṛ pạnḍuja. Dhạrtiren eṭakʼ sanam rajosṭiren hoṛ do apeakʼ halot ńelte botorteko keklesedokʼa.

Josuạ 7:5

Nagraha reakʼ phaṭok khon Ae nagraharen hoṛko do Israelkoko khudạu idiketʼkote Sabarim reakʼ tapol jaegare onkoren pegel turui hoṛko gocʼketʼkoa. Onate Israelkoakʼ mon reakʼ jor do rạputʼentakoa.