Dosar Biboron 1:38 - সান্তালী বাইবেল

³⁸ menkhan amren gokʼṛoyicʼ Nun hopon Josuạ doe bolokʼa. Am do Josuạ udgạu emaeme, ente unige disạm doe dokhola ar Israelko ạidạri lekateye emakoa.

Dosar Biboron 1:38 Referans Kwoze

Dosar Biboron 3:28

Ar Josuạ cetʼe cekaea ona baṛe lạiyaeme; ona sãote udgạu ar dil emaeme, ente uni do lahate senkate hoṛkoe parom idikoa ar okaṭakʼ disạm ńel lạgitʼem menetʼ tahẽkan ona do onkom ạidạriakoa.’

Numeri 14:30

Ar girobasokʼ lạgitʼ oka disạm emapeyiń gokʼletʼ eken Jephun hopon Kaleb ar Nunren hopon Josuạ chaḍa ar okoe hõ ona disạmte bako bolo ńama.

Kạhtukko 22:29

Am do cetʼ nonkan jãhãe hoṛem ńel akatʼkoa oko do gạkhuṛ titeye kạmikan? Uni do rajko lạgitʼe kạmiya, ar hoṛko tabere do baṅa.

1 Samuel 16:22

Unre Sạul do Jisại ṭhen kathae kolgotʼkada, “Dạud do ińakʼ kạmirege dhurạu akae tahẽocoaeme, ente uni do ạḍiń kusi akawadea.”

Dosar Biboron 31:23

Probhu Isor do Nunren hopon Josuạ noae hukumadea, “Daṛeanicʼ hoyokʼme ar monre dil dohoyme. Ente oka disạm emokʼ lạgitʼ iń gokʼletʼ ariń kiriạlen onḍe do amgem idikoa. Ar ińge am sãoteń tahena.”

Dosar Biboron 31:14

Inạ tayom Probhu Isor do Moseye metadea, “Amakʼ gujukʼ din do sor hecʼakana. Am do Josuạ hohowaeme ar ńapamokʼ tạmbu ṭhen hạjirokʼme. Onḍe uni do kạmi reakʼ bhariń emaea.” Onate Mose ar Josuạ do ńapamokʼ tạmbu ṭhen senkate Probhu Isor samaṅrekin teṅgoyena.

Numeri 26:65

Probhu Isor do noko Israeko reaṅgeye menleda, onko do khạṭige hahaṅkarreko gujukʼa. Onko modre Jephunren hopon Kaleb ar Nunren hopon Josuạ chaḍa ar okoe hõ jiwetʼ do bako tahẽkana.

Numeri 14:38

Eken Nun hopon Josuạ ar Jephunren hopon Kaleb jiwetʼkin tahẽyena.

Numeri 13:16

Mose do noko hoṛko Kanan disạm cikʼyạ ạgui lạgitʼe kolletʼkoa. Ar Nunren hopon Hosea do Josuại ńutumkedea.

Numeri 13:8

Ephrayim gusṭiren Nun hopon Hosea;

Exodus 33:11

Manwa cetʼleka gate sãote samna sạmni kathako roṛ ṭhik onkage Probhu Isor hõ Mose tulucʼe galmaraoetʼ tahẽkana. Ar noa tayom Mose do Israelkoakʼ ḍerateye ruạṛ senokʼkan tahẽkana menkhan Nunren hopon Josuạ do ńapamokʼ tạmbu khon bae oḍokokʼkan tahẽkana. Ente Josuạ ńutuman nui juạn koṛa do Moseren gokʼṛoyicʼe tahẽkana.

Exodus 24:13

Noa katha ańjomkate Mose do acʼren gokʼṛoyicʼ Josuại soṅgekedea are mohnḍayena. Ar ona tayom uni do Isorakʼ buruteye rakapʼena.

Josuạ 1:1

Probhu Isorren guti Moseyakʼ gujukʼ tayom Probhu Isor do Moseren gokʼṛoyicʼ Nanren hopon Josuại metadea,

Numeri 34:17

“Sompotti lekate okoe disạmko hạṭińape unkin dokin hoyokʼkana naeke Eleasar ar Nunren hopon Josuạ.

Josuạ 11:23

Probhu Isor Mose okae hukumade tahẽkan onkage Josuạ do goṭa disạme dokholana ar gusṭikoakʼ sompotti lekate ona do Israelko talareye hạṭińatʼkoa. Unre disạmre lạṛhại do thirakan tahẽkana.

Jirimiạ 40:10

Iń apnarge Mispareń tahena ar Babelren okoeko abo ṭhenko hijukʼ onko ṭhen ape huyạte kathań roṛa; menkhan ape do darkha rasa, niron din reakʼ pholḍol ar sunumko samṭao jarwaepe ar apeakʼ bhajankore bae dohoepe ar okako ato ar nagrahakope dokhol akatʼ onḍege girobasokʼpe.”