Dosar Biboron 1:30 - সান্তালী বাইবেল

^30-31 Aperen Isor Probhu Isorge ape laha lahateye calakʼa. Uni do ape mẽtʼãhã samaṅre Misor disạm ar hahaṅkarre cetʼleka ape secʼ hoykateye lạṛhạilen ńitokʼ hõ onkageye kạmiya. Arpe ńeletʼkangea, apat jemon hopon ghõṛakateye idiye onkage noa jaegare ạuripe seṭerokʼ hạbicʼ aperen Probhu Isor do goṭa hore ghõṛa ạgu akatʼpea.’

Dosar Biboron 1:30 Referans Kwoze

Exodus 14:14

Ape do eken thir hape akae tahenpe. Probhuge aperen hoykateye lạṛhạiya.”

Nehemiạ 4:20

Jãhãege sakwa reakʼ saḍepe ańjom unrege ale ṭhenpe jarwakʼa. Ar aboren Isor do abo ńutumteye lạṛhạiya.”

Romiko lạgitʼ Pạul Apostolakʼ ciṭhi 8:37

Menkhan okoe apeye dulạṛetʼpe uni hotete noa sanamakʼ talate hõ abo do purạute bon jitạu akana.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Dosar Biboron 3:22

Onko do alope botorakoa; aperen Probhu Isorge ape secʼ hoykateye lạṛhạiya.’

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Josuạ 10:42

Nonkate uni do mitʼ dhaore lạṛhại oḍokkate onko rajko ar onkoakʼ disạmkoe hatkeda, ente Israelkoren Probhu Isor do onko huyạteye lạṛhạilena.

2 Bõsbudạ 32:8

Uni sãote do eken manwakoakʼ daṛe menakʼa, menkhan abo goṛowabon lạgitʼ ar abo secʼte lạṛhại lạgitʼ do aboren Probhu Isor menaea.” Hoṛko do Jihudạren Hiskiạ rajakʼ katha ańjomkate uniyakʼ kathareko ṭehãḍena.

Exodus 14:25

Ona chaḍa uni do rãt gạḍiko reakʼ pạihạ̃ko hõe totʼgiḍikatʼ takoa; onate rãt gạḍi cakʼlao hoṛ do ạḍi kosṭo hoyen takoa. Unre misriko doko menkeda, “Dela, abo do Israelko bạgikate bon dạṛ joṅma, ente Probhu Isorge Israelko secʼ hoykate abo upạrteye lạṛhại kana.”

Dosar Biboron 1:29

“Ona ańjomkate apeń metatʼpea, ‘alope botorokʼa, ar onko hoṛ hõ alope botorakoa.

Josuạ 10:14

Inạ laha se tayom nonkan din do ar tishõ bań hoyakana Probhu Isor do manwakoakʼ katha nonkae dohoakada mente. Enhilokʼ Probhu Isor do Israelko huyạteye lạṛhạilena.

Josuạ 23:3

Ar aperen Probhu Isor do ape lạgitʼ onko jạtrenko cetanre okae ceka akatʼ ona do apeakʼ mẽtʼtegepe ńelana. Aperen Probhu Isor do acʼ apnarge ape huyạteye lạṛhại akana.

Nehemiạ 4:14

Ona tayom iń do sanamakʼ ńel jut baṛakate lekman hoṛko, maraṅ hudạren hoṛko ar sarecʼ hoṛkoń metatʼkoa, “Onko do alope botorakoa. Menkhan maraṅ daṛeanicʼ ar botoranicʼ Probhu Isorakʼ katha baṛe disạipe ar aperen boehako, koṛa hoponko ar kuṛi hoponko, bạhuko ar oṛakʼ lạgitʼ lạṛhạipe.”

Exodus 10:21

Inạ tayom Probhu Isor do Moseye metadea, “Serma secʼ amakʼ ti tiyạrtam. Onate tite ṭunḍuyetʼ leka disạm do ńut cabakʼa.”

Exodus 19:4

Onko do apnar mẽtʼtegeko ńelakada, misrikoń cetʼleka letʼkoa mente. Pajhạṛ cẽṛẽ cetʼleka phạ̃kṛạ̃kʼteye idiko onkage iń do Israelko iń ṭheniń ạgu akatʼkoa.

Dosar Biboron 4:34

Ape do kuli joṅpe, aperen Probhu do apeakʼ mẽtʼ samaṅre Misor disạmre ape lạgitʼ okae cekaletʼ onka jãhãn debota jãhãtisokʼ biḍạu hotete, hahaṛa kạmi hotete, cinhạ kạmikote, lạṛhại talate, keṭecʼ ar daṛeanakʼ tite ar maraṅ ar botoranakʼ kạmiko hotete jãhãn jạtren hoṛko eṭakʼ jạtrenko tala khon apnar lạgitʼe oḍok ạgu akatʼkoa se baṅa.

Dosar Biboron 7:18

Menkhan ape do alope botorakoa. Pharao ar goṭa Misor disạm cetanre aperen Probhu Isor okae cekaletʼ ona baṛe disạipe.

Dosar Biboron 11:3

Misor talare Misorren raj Pharao ar uniyakʼ goṭa disạm cetanre uni okako cinhạ kạmiye kạmiletʼ ar eṭakʼakʼkoe cekaletʼ onako hõ bako ńelakada.

Dosar Biboron 29:2

Mose do sanam Israelko hoho jarwakateye metatʼkoa, “Probhu Isor do Misor disạmren Pharao raj ar uniren sanam raj-kạmiyạrenko cetanre ar uniyakʼ goṭa disạm cetanre okae cekaletʼ ona do apeakʼ mẽtʼtegepe ńel akada.

Dosar Biboron 31:3

Aperen Probhu Isor do acʼge gaḍae parom idipea are ạyurpea. Ar ape samaṅ khon onko jạtrenkoe marao cabakoa ar ona disạmpe dokhol joṅa. Probhu Isorakʼ katha lekage Josuạ do gaḍa paromkate ape laha lahateye calakʼa.

Dosar Biboron 34:11

Probhu Isor do Mose hotete Misor disạmre Pharao raj ar uniren kạmiyạko ar uniyakʼ goṭa disạm cetanre okako hahaṛa kạmi ar cinhạkoe kolletʼ onka do celege bako daṛeakawada.