Dosar Biboron 1:28 - সান্তালী বাইবেল

²⁸ Abo do cekate onḍebo calakʼa? Aboren boehage coṅ aboakʼ mon mako bạṛicʼ akatʼtabon. Onkoko meneda, onḍenko hoṛ do abo khonko daṛeangea arko maraṅgea; onkoakʼ nagrahako hõ maraṅgetakoa ar beṛhaete pạcri hõ usulgetakoa. Onḍe do Anakren hopon hõko ńelketʼkoa.’

Dosar Biboron 1:28 Referans Kwoze

Bikʼcạrko 1:20

Moseyakʼ gokʼakʼ lekate Kaleb do Hebron nagrahae em ocolena. Kaleb do Anakren pea hopon Hebron khone laga ńirletʼkoa.

Josuạ 15:14

Kaleb do Sesae, Ahiman ar Talmae ńutuman pea Anakiko Hebron khone laga ńirketʼkoa. Noko do Anakren hoponko tahẽkana.

Josuạ 14:8

menkhan okoe boehako iń sãoteko senlen onko do hoṛkoko as chuṭạuletʼkoa. Menkhan iń do ińren Probhu Isorakʼ katha purạteń manao ạguakada.

Josuạ 11:22

Israelkoakʼ disạm modre okoe Anakiko hõ jiwetʼ do ar bako tahẽlena; eken Gasa, Gad ar Asdodre thoṛa gan Anakiko jiwetʼko tahẽyena.

Jeheskel 21:7

Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”

Jesaea 13:7

Ona iạte hoṛkoakʼ ti do lạbṛugokʼa ar sanam hoṛ do dilko adtakoa.

Bikʼcạrko 1:10

Ar Hebronren Kananiko birudteko lạṛhại idiyente onko do Sesae, Ahiman ar Talmaeko bhagaokedea. Hebron reakʼ lahateakʼ ńutum do Kiriạt-Abra tahẽkana.

Josuạ 2:24

Unkin do Josuạkin metadea, “Noa katha do sạri kana je, Probhu Isor do goṭa disạmge aboakʼ tireye jimạ akada. Abo botorte onḍenko hoṛ do jiwi oṭaṅ akantakoa.”

Josuạ 2:11

Ar noako ańjomkate aleakʼ joto as do caba akantalea ar ape botorte aleakʼ dilko hõ ses akan talea. Aperen Probhu Isorge sermaren ar dhạrtiren Isor kanae.

Dosar Biboron 20:8

Naekeko do arhõko mena, ‘ape talare jãhãeko botorokʼkan khan se dil bako ạikạuetʼ khan, enḍekhan ona ńelte eṭakʼ Israel boehakoakʼ mon alo bhiṅgṛạukʼ onate uni do acʼakʼ oṛakʼteye ruạṛ calakʼma.’

Exodus 15:15

Edomren sordarko do botorteko keklesedokʼa; ar Moabren mukhiyạko doko thar tharaokʼa, ar botoranakʼ samaṅreko paṛaokʼte Kananrenko do dilko adtakoa. E Probhu Isor, amren hoṛkoakʼ sen joṅakʼ ạuri mucạdokʼ hạbicʼ, amren chaḍao akan hoṛkoakʼ sen joṅakʼ ạuri mucạdokʼ hạbicʼ amakʼ maraṅ daṛe samaṅre onko jạtrenko do dhiri lekako ńur tahena.

Genesis 11:4

Onkoko menkeda, “Dela, abo lạgitʼ mitʼṭecʼ nagraha bon benaoa ar nonkan mitʼṭecʼ usul oṛakʼ bon benaoa one ona reakʼ cuṛạ do serma hạbicʼ rakabokʼ. Ar noa iạte abo do ńutum hoyokʼtabona ar goṭa dhạrtire babon pasnaokʼa.”

Dosar Biboron 1:29

“Ona ańjomkate apeń metatʼpea, ‘alope botorokʼa, ar onko hoṛ hõ alope botorakoa.

Dosar Biboron 2:10

Lahate Emiko do onako ṭoṭharegeko girobasokʼkan tahẽkana. Emi jạtren hoṛko do daṛeangeko tahẽkana, lekhare hõ ḍher ar Anakiko leka usulgeko tahẽkana.

Dosar Biboron 7:17

“Ape dope hudiskea, ‘noko jạtrenko do abo khon hõko saṅgegea; ar cekate onko dobon laga ńir daṛekekoa?’

Dosar Biboron 20:20

Menkhan okako do jo dare baṅkan ona dope makʼ giḍi daṛeakʼa ar oka nagraharen hoṛ ape upạrte lạṛhại lạgitʼko teṅgokʼ onko ạuripe bhagaoko hạbicʼ onako dare dope makʼ daṛeakʼa ekʼsetʼakʼkope benaojoṅre.