Dosar Biboron 1:21 - সান্তালী বাইবেল

²¹ Ar ńelpe, aperen Probhu Isor emakʼ goṭa disạmge ape samaṅre menakʼa. Aperen hapṛamkoren Probhu Isorakʼ katha leka senkate ape do disạm dokhol joṅpe. Ar alope botorokʼa, ar alope as chuṭạukʼa.’

Dosar Biboron 1:21 Referans Kwoze

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Ibriko 13:6

Onate abo do dilkate bon men daṛeakʼa, Probhu Isor do ińren goṛoyicʼ, iń do bạń botorokʼa; manwa do cetʼko cekayińạ?

Sereńko 46:1

Isorge aboakʼ hirlạ ar daṛe; gạrre uni do gokʼṛoyicʼ kanae.

Numeri 13:30

Unre Mose samaṅre okoeko hoṛ onḍeko tahẽkan Kaleb do onko hape ocoketʼkoteye metatʼkoa, “Onḍe senkate disạm bon dokholgea. Ona do khạṭige bon daṛeakʼa.”

Luk 12:32

“Alope botorokʼa, E huḍiń palrenko, ente aperen Baba do apege acʼakʼ rajosṭi emapeye menjoṅkana.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Sereńko 46:11

Sanam daṛean Isor do abo soṅgere menaea; Jakobren Isorge aboren gaṛ do. (Sela)

Sereńko 46:7

Sanam daṛeanicʼ Isor do abo soṅgere menaea; Jakobren Isorge aboren gaṛ do. (Sela)

Josuạ 1:6

“Am do daṛean hoyokʼme, ar monre dil dohoyme, ente okaṭakʼ disạm emokʼ reakʼ katha nokoren hapṛamko ṭheniń gokʼletʼ, ona disạm do ạidạri lekate amge onkom hạṭińakoa.

Dosar Biboron 20:1

“Lạṛhại senkate bạiri secʼrenko ape khon ḍher sadomko, lạṛhại gạḍiko ar palṭonko ńelkate alope botorokʼa, ente aperen Probhu Isor okoe do Misor disạm khone oḍok ạgu akatʼpe uni do ape sãoteye tahena.

Dosar Biboron 1:20

Ona tayom apeń metatʼpea, ‘abo do Amorikoakʼ buru ṭoṭhate bon seṭerakana; noa do aboren Probhu Isore emabon lạgitʼ.

Dosar Biboron 9:23

Probhu Isor do Kades Barnea khonpe mohnḍakʼ jokhecʼe metatʼpe tahẽkana, ‘okaṭakʼ disạmiń emape lạgidokʼkan onḍe senkate ona baṛe ạidạri joṅpe.’ Menkhan ape do aperen Probhu Isorakʼ hukum upạrtepe ṭhokkeda. Ape do Probhu Isor hõ bape pạtiạuadea, ar uniyakʼ katha hõ bape luturada.

Nehemiạ 9:15

Lacʼ bi ocoytako lạgitʼ amge serma khon jomakʼem ematʼko tahẽkana ar tetaṅ marao ocoytako lạgitʼ do dhiri khon dakʼem oḍok ocoleda. Ar okaṭakʼ disạm emako reakʼem gokʼletʼ tahẽkan onḍe senkate am do ona ạidạri lạgitʼem hukumatʼko tahẽkana.

Dosar Biboron 7:18

Menkhan ape do alope botorakoa. Pharao ar goṭa Misor disạm cetanre aperen Probhu Isor okae cekaletʼ ona baṛe disạipe.

Dosar Biboron 7:21

Ape do alope botorakoa, ente aperen Probhu Isor do ape talare menaea, uni doe maraṅgea are botorangea.

Dosar Biboron 31:6

Daṛeanko hoyokʼpe ar monre dil dohoype. Onko ńelte alope botorokʼa se alope thar tharaokʼa, ente Probhu Isorge ape sãoteye tahena. Uni do tishõ bae bạgiyapea.”