Dosar Biboron 1:19 - সান্তালী বাইবেল

¹⁹ “Inạ tayom aboren Probhu Isorakʼ hukumte abo do Horeb buru bạgikate Amorikoakʼ buru ṭoṭha secʼ bon mohnḍa idiyena. Tinạkʼ maraṅ ar tinạkʼ botoranakʼ hahaṅkar talatebon calaolen ona dope ńelakada. Nonkate abo do Kadesre senkate bon seṭerena.

Dosar Biboron 1:19 Referans Kwoze

Dosar Biboron 1:2

Horeb khon Seyir buru reakʼ horte Kadesh hạbicʼ calakʼ do gelmitʼ din hạbicʼ lagaokʼa.

Jirimiạ 2:6

Onko do bako menleda, ‘okare menaea uni Probhu Isor do? One uni Misor disạm khone rakapʼ ạguketʼle, one uni hahaṅkarreye ạyurketʼle; khaṅkar ar khorloṅ reakʼ disạmre khaṅgoṭ ar moron dhund reakʼ disạmrege? Mitʼṭecʼ disạmre one ona secʼte celege bako dãṛãnkan, ar one onare cele hoṛge bako tahenkan?’

Dosar Biboron 8:15

Uni do maraṅ ar botoranakʼ hahaṅkar secʼte, seṅgel biń ar kidiń kaṭkomko talate ar khaṅgoṭ jaega secʼteye taṛam ạgu ocoketʼpea. Uni do dhiri khon ape lạgitʼ dakʼe oḍok ocokeda.

Dosar Biboron 32:10

“Uni do hahaṅkar disạmreye ńamkedea, hińjrạukʼkan mitʼ nisun jaegare. Uni doe esetʼ ạcurkedea, are jotonkedea; ar mẽtʼ reakʼ joti lekage uni doe horhokedea.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Numeri 10:12

Ar Israel hoponko unre sinại hahaṅkarko bạgiyatʼte onḍe khonko mohnḍayena. Ar Paran hahaṅkarre ona rimil ạuri teṅgokʼ hạbicʼ onko do calakʼtegeko tahẽyena.

Numeri 32:8

Disạm ciyạ ạgui lạgitʼ aperen baba-hapṛamko tinre Kades khoniń kolletʼkoa unre onko hõ ṭhik nonkageko kạmileda.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Dosar Biboron 1:20

Ona tayom apeń metatʼpea, ‘abo do Amorikoakʼ buru ṭoṭhate bon seṭerakana; noa do aboren Probhu Isore emabon lạgitʼ.

Dosar Biboron 2:7

“Aperen Probhu Isor do joto kạmiregeye bhor akawatʼpea. Ar noa maraṅ utạr hahaṅkar talate calakʼ jokhecʼ hõ uni do apeye ńel todarot akatʼpea. Niạ pongel bochor aperen Probhu Isor do ape sãoteye tahẽkana ar apeakʼ jãhãn okulạn hõ baṅ hoylentaepea.

Numeri 13:13

Aser gusṭiren Mikayel hopon Sethur; Napthali gusṭiren Bopsi hopon Nabhi ar Gad gusṭiren Maki hopon Geuel.

Numeri 14:14

Unre Misorrenko do ona katha niạ disạmren hoṛko lạiyakoa. Ar E Probhu Isor, niạ disạmren hoṛko ańjomakada, am do Israelrenko sãotem tahenkana, ar E Probhu Isor, am do samna sạmnim sodorakana. Onkoko ańjom akada, amakʼ rimil khunṭi do onko cetanre menakʼa ar siń do rimil khunṭire ar ńindạ do seṅgel khunṭire onko laha lahatem calakʼkana.

Josuạ 10:41

Josuạ do Kades-Barnea khon Gasa hạbicʼ ar goṭa Gosen reakʼ Gibeon hạbicʼ sanam hoṛkoe bhagaoketʼkoa.