Dosar Biboron 1:1 - সান্তালী বাইবেল

¹ Mose do jordan gaḍa purub secʼ reakʼ hahaṅkar jaegare, metakʼme Arabatre sanam Israelkoe galmaraoatʼkoa. Ar oka jaegareye galmaraoatʼko ona do Sup samaṅ secʼre tahẽkana. Ona reakʼ mitʼ secʼre do Paran, Tophel, Laban, Haserot ar Di-Sahab tahẽkana.

Dosar Biboron 1:1 Referans Kwoze

1 Samuel 25:1

Tayomte Samuel doe gocʼena. Ar Israelren sanam hoṛko do jarwa mitʼkate uni lạgitʼko homor halaṅkeda. Onko do Ramare uniyakʼ oṛakʼregeko topakadea. Ona tayom Dạud do Paran hahaṅkarteye calaoena.

Josuạ 22:7

Manase gusṭiren adha hoṛko do Mose Bason disạme ematʼko tahẽkana, ar onkoren sarecʼ hoṛko Josuạ do Israel boehako sãote jordan gaḍa pạchim secʼre jaegae ematʼkoa. Josuạ do onko bidạko jokhecʼ bhoratʼkoteye metatʼkoa,

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Josuạ 9:10

Ona chaḍa uni do Hisbonren raj ar Astarotre girobasokʼkan Basonren Og raj metakʼme jordan gaḍa purub secʼren Amorikoren rajkin cetanre okam ceka akatʼ ona hõle ańjom akada.

Josuạ 9:1

Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Dosar Biboron 33:2

“Probhu Isor do Sinại khone hecʼena, Ar Seyir khon abo cetanre marsale emena; uniyakʼ marsal do Paran buru khon jhakjhakaoena. Uni do lakh lakh sonot serma goḍetko tala khone hecʼena; ar uniyakʼ jojomsa reakʼ tire do durdurạukʼkan seṅgel tahẽkana.

Numeri 35:14

Noako reakʼ pea do jordan gaḍa purub aṛere tahena ar pea do tahena Kanan disạm talare.

Numeri 34:15

Onko do Jerikho samaṅ secʼ jordan purub aṛere sompottiko ńamkeda.”

Numeri 32:32

Ale do Probhu Isor samaṅre lạṛhại reakʼ khanḍa bhanḍawante gaḍa paromkate Kanan disạmtele calakʼa, menkhan aleakʼ sompotti do gaḍa niạ sa aṛerege tahentalea.”

Numeri 32:19

Ale do Israelko sãote jordan gaḍa hanasa reakʼ sompottiko hõ bale hataoa, ente gaḍa purub secʼ reakʼge coṅ ale male ńametʼkan.”

Numeri 32:5

Ale cetanre daya hoylen khan ale amren golamko do noako jaegage sompotti lekate danaleme. Ar jordan gaḍa hanasa do alom idilea.”

Numeri 13:3

Probhu Isorakʼ hukum ńamkate Mose do onkageye kạmikeda. Uni do Paran hahaṅkar ṭoṭha khon okoekoe kolketʼko onko sanamkoge Israelkoren mukhiyạko tahẽkana.

Numeri 12:16

Inạ tayom Israelko do Hasoret bạgikate Paran hahaṅkarte senkateko ḍerayena.

Numeri 11:35

Inạ tayom hoṛko do Kebrot-Hattawa bạgikate Hasoretre senkateko tahẽyena.

Numeri 10:12

Ar Israel hoponko unre sinại hahaṅkarko bạgiyatʼte onḍe khonko mohnḍayena. Ar Paran hahaṅkarre ona rimil ạuri teṅgokʼ hạbicʼ onko do calakʼtegeko tahẽyena.

Genesis 21:21

Uni do Paran ńutumanakʼ mitʼṭecʼ hahaṅkar ṭoṭhare girobasokʼe ehopʼena. Ar uniren eṅgattetʼ do Misor disạmren mitʼṭen kuṛi sãoteye baplakadea.

Numeri 13:26

Onko mukhiyạ do Paran hahaṅkar reakʼ Kadeste Mose, Aron ar sanam Israel ṭhenko ruạṛ hecʼena. Ar ona disạm reakʼ jotowakʼko lạiyatʼkoa ar jo hõko udukʼatʼkoa.

Habakkuk 3:3

Isor do Teman khone hijukʼkana, uni sonoticʼ do Paran buru khone hijukʼkana. [Sela] Uniyakʼ ṭhonok do sermae tiyokʼakada; dhạrti do uniyakʼ sarhaote perecʼ akana.

Dosar Biboron 2:8

“Onate abo do aboren Seyirren boeha Esao bõsrenko bạgikate bon hecʼena. Arabat reakʼ okaṭakʼ hor do Elat ar Esion Geber khon oḍok hecʼakan ona hor bạgikate Moab reakʼ hahaṅkar secʼtebon parom hecʼena.

1 Rapajko 11:18

Onko do Midiạn khon mohnḍakate Paranteko parom senlena ar onḍe khon thoṛa hoṛ soṅgekate Misorren Pharao raj ṭhenko senlena. Ar Pharao do oṛakʼ-duạr khet-baṛge ar jomakʼko Hadade emadea.

Dosar Biboron 5:1

Mose do sanam Israelko hohoatʼkoteye metatʼkoa, “E Israelko, teheń ape ṭhen okako niạm ar hukumiń sodoretʼkan ona baṛe ańjompe. Ar onako cetʼ dohokakʼpe ar joton salakʼ manao idiype.

Dosar Biboron 27:1

Mose do Israelren murubbiko soṅgekate hoṛkoe metatʼkoa, “Okako hukum teheńiń emapekan onape dohoya arpe manaoa.

Dosar Biboron 29:1

Probhu Isor do Horeb burure Mose hotete Israelko lạgitʼ mitʼṭecʼ bondobose doholeda, noako do ona bondobos reakʼ katha kana okaṭakʼ do Moab disạmre Mose Israelko lạgitʼ bondobos bandhao lạgitʼe metade tahẽkana.

Dosar Biboron 31:1

Mose do Israelren sanamkoe metatʼkoa,