Daniel 9:22 - সান্তালী বাইবেল

²² Uni do ińe bujhạuạdińa, “E Daniel, ńitokʼ do am bujhạuam reakʼ daṛe ar bud emokʼ iń hecʼakana.

Daniel 9:22 Referans Kwoze

Daniel 8:16

Iń do mitʼṭen manwawakʼ aṛaṅiń ańjomkeda; ona aṛaṅ do Ulại gaḍa khon hohoateye menkeda, “Gabriel, noa dorson reakʼ mane do nui hoṛ bujhạuaeme.”

Sakariạ 1:9

Iń doń kuliyana, “E ińren Probhu Isor, noako do cetʼkana?” Ar mitʼṭecʼ serma goḍet one okoe do iń sãote kathae roroṛkan tahẽkan uniye menkeda, “Onako cetʼkan ona do amiń udukʼama.”

Johan sodor 4:1

Noa tayom iń do serma reakʼ mitʼṭecʼ duạr jhicʼ akatʼiń ńelkeda. Ar siṅgạ reakʼ saḍe leka okoeyakʼ aṛaṅ coń ańjomkeda uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”

Sakariạ 1:14

Ona iạte uni serma goḍet do ińe metadińạ, “Am do noa lại sodorme, phạdkoren Probhu Isore meneda, ‘Jerusalem lạgitʼ, metatʼme Sion lạgitʼ iń do monre ạḍiń dukokʼ kana.

Daniel 7:16

Okoe onḍeko teṅgo akan tahẽkan iń do onko mitʼ hoṛ ṭhen senkate noako reakʼ manetetʼ iń kuliyana. Unre uni do noa menkate onako reakʼ bhede bhaṅgaoạdińa,

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Amos 3:7

Probhu Isor do acʼren guti nạbiko ṭhen acʼakʼ jãhãnakʼ goṭawakʼ bae sodorle khan cetʼge ohoe cekalea.

Daniel 10:11

Uniye metadińạ, “E Isorren dulạṛiạ Daniel, iń okaṭakʼ katha lạiyam lạgitʼ ona do mońjte moneyakʼme. Ma beretʼme, ente iń do am ṭheniń kol ocoakana.” Uni noa kathae metadiń khan iń do thar tharaokʼ tulucʼ iń teṅgoyena.

Daniel 10:12

Uni do roroṛe ehopʼena, “E Daniel, alom botorokʼa, ente buj ńam lạgitʼ ar amren Isor samaṅre nindhạnokʼ lạgitʼ amakʼ monem lagaoketʼ pạhil hilokʼ khonge amakʼ kathako do ańjom akantama; ar iń do amakʼ kathako iạtegeń hecʼakana.