Daniel 8:18 - সান্তালী বাইবেল

¹⁸ Uni do tinre iń sãote kathae roroṛkan tahẽkana unre iń do acetiń taber akan tahẽkana. Uni do ińe sapʼ rakapʼ kedeńteye teṅgokedińa.

Daniel 8:18 Referans Kwoze

Daniel 10:18

Unre manwa leka ńelokʼicʼ uni serma goḍet do arhõ ińe joṭetʼkedińa ar daṛeye emadińa.

Luk 9:32

Unre Patras ar uniren soṅgetenko do jhap jhap dudṛumetʼko tahẽkana. Adoko beṅgetʼ pharnoen khan Jisuakʼ ṭhonokko ńelkeda ar soṅgete bar hoṛ teṅgo akan hõko ńelketʼkinạ.

Daniel 10:16

Unre manwa leka ńelokʼicʼ uni serma goḍet, okoe do iń samaṅreye teṅgo akan tahẽkan, uni do ińakʼ luṭikine joṭetʼketʼtińạ, ar moca jhicʼentińte uniń metadea, “E ińren kĩsạ̃ṛ noa dorson iạte monre ạḍi dukiń ńameda ariń nijor idikʼkana.

Jeheskel 2:2

Uni tinre kathae roroṛkan tahẽkana unre Isorren Jiu do ińreye boloyena ar ińakʼ jaṅgateye teṅgo ocokedińa ar uni do iń tulucʼ galmarao in ańjomkedea.

Aposkạmi 26:6

Isor do aboren hapṛamko ṭhen okaṭakʼe gokʼletʼ tahẽkan onareń asokʼkante ńitokʼ ińakʼ bicạr hoyokʼkantińạ.

Luk 22:45

Ado koejoṅ tayom beretʼkate uni do acʼren celako ṭhene hecʼena. Ar mon reakʼ duk ar laṅgate jạpitʼ akatʼe ńelketʼkoteye metatʼkoa, “Cedakʼpe jạpitʼ joṅkana? Ma beretʼpe ar koejoṅpe jemon biḍạure alope paṛaokʼ.”

Sakariạ 4:1

Ona tayom okoeṭakʼ serma goḍet do iń sãoteye galmarao kan tahẽkan uniye ruạṛ hecʼena ar jạpitʼ khon ebhenkediń lekae ebhenkedińa.

Daniel 8:27

Iń Daniel doń laṅgayena ariń ruạyente thoṛa din giticʼ iń tahẽyena. Ona tayomiń beretʼena ar rajakʼ kạmi lạgitʼ iń senena. Iń do ona dorson ńelkate ạḍiń cintạyena, ente ona dorson reakʼ mane do bạń bujhạuleda.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

Jobakʼ 4:13

Manwa do ńindạ tinre galasaṅe jạpida unre kukmũteń akbakaokʼ kana;

Genesis 15:12

Tinre ạyupʼ hijukʼkan tahẽkana unre Abram doe jạpitʼkeda. Ar kajake jạpitʼ akatʼ tahẽkanre mitʼṭecʼ botoranakʼ ńut do unire hecʼena.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,