Daniel 8:16 - সান্তালী বাইবেল

¹⁶ Iń do mitʼṭen manwawakʼ aṛaṅiń ańjomkeda; ona aṛaṅ do Ulại gaḍa khon hohoateye menkeda, “Gabriel, noa dorson reakʼ mane do nui hoṛ bujhạuaeme.”

Daniel 8:16 Referans Kwoze

Luk 1:26

Elisabet turui cando bhạrti hoṛmoe tahẽkanre Gabriel ńutuman mitʼṭen serma goḍet do Isor ṭhen khon Gạlil reakʼ Nasaret atoren Mạriạm ńutuman mitʼṭen kũạ̃ri kuṛi ṭhene kol ocoyena.

Luk 1:19

Serma goḍete menkeda, “Iń doń Gabriel kana; iń do Isor samaṅre teṅgo akaniń tahenkana. Am saõte galmarao ar noa bhage sombat emam lạgitʼge Isor doe kol akadińạ.

Daniel 8:2

Ona dorsonre iń do Elem Prodes reakʼ Susan gaṛiń ńelkeda. Ona dorson talare iń do Ulại gaḍa aṛereń tahẽkana.

Johan sodor 22:16

“Iń Jisuge ińren goḍet iń kol akadea, jemon uni do ape ṭhen manḍerko lạgitʼ noako reaṅ gohae em daṛeakʼ. Ińge Dạud reakʼ rehetʼ ar bõs, ar ḍag ḍagaokʼkan bhurkạ ipil do.”

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Aposkạmi 10:13

Inạ tayom okoe coṅ roroṛkane ańjomkedea, “E Patras, ma beredokʼme, ar gocʼkate jomkom.”

Aposkạmi 9:7

Ar okoeko hoṛ Sạul sãoteko calakʼkan tahẽkan, onko do hahaṛakʼ tulucʼko teṅgo hapeyena. Onko do kathako ańjomkeda menkhan celege bako ńel ńamletʼkoa.

Sakariạ 2:4

Uni doe menkeda, “Am do ńir senkate uni juạn koṛa metaeme, ‘Jerusalemre manwa ar janwar doko ḍher akante onare jãhãn pạcri do baṅ tahena.

Sakariạ 1:9

Iń doń kuliyana, “E ińren Probhu Isor, noako do cetʼkana?” Ar mitʼṭecʼ serma goḍet one okoe do iń sãote kathae roroṛkan tahẽkan uniye menkeda, “Onako cetʼkan ona do amiń udukʼama.”

Daniel 10:14

Ar ńitokʼ doń hecʼakana bujhạu ocome lạgitʼ darakan dinkore amren hoṛkore cetʼ hoyokʼa mente. Ente dorson do darakan dinko reakʼkangea.”

Johan sodor 1:12

Okoe kathae roroṛkan tahẽkan uni ńele lạgitʼ iń ạcuren khan sona reakʼ eae goṭecʼ diuhe dohowakʼ iń ńelkeda.

Daniel 7:16

Okoe onḍeko teṅgo akan tahẽkan iń do onko mitʼ hoṛ ṭhen senkate noako reakʼ manetetʼ iń kuliyana. Unre uni do noa menkate onako reakʼ bhede bhaṅgaoạdińa,