Daniel 8:12 - সান্তালী বাইবেল

¹² Uniyakʼ kại iạte onko ipilko ar din hilokʼ reakʼ samaṅokʼakʼ porob do uniyakʼ tire calaoena. Ar sạri dhorom do otreye giḍikada ar okaṭakʼe cekaketʼ onaregeye jo bahayena.

Daniel 8:12 Referans Kwoze

Jirimiạ 12:1

E Probhu Isor, am upạrteń mamblakʼ kanre hõ am do jao oktem dhoromgea. Enhõ iń do amakʼ bicạr reaṅ am sãote thoṛaganiń galmaraoa. Bedhoromkoakʼ hor do cedakʼ jo bahakʼkantakoa? Bepạtiạr hoṛ do cedakʼ khạtirjomako girobaso daṛeakʼ kana?

Jesaea 59:14

Ona iạte hokʼ reakʼ bicạr do pạc ruạṛ akana ar dhorom do sạṅgińre teṅgo akana; sạriyakʼtetʼ do horreye tohodokʼ kana, ar sojheteakʼ do baṅ bolo daṛeakʼ kana.

Johan sodor 13:7

Isorren hoṛko lạṛhạikate bhagaoko reakʼ ektiạriye emocoyena ar mitʼke mitʼ bõsren, disạmren, pạrsiren ar jạtren hoṛko cetanre hõ ektiạriye emocoyena.

Daniel 11:28

Utạrren raj do ḍher dhon-duribante acʼakʼ disạmteye ruạṛ calakʼa, menkhan uniyakʼ ontor do sonot bondobos birudre tahena. Uni do acʼakʼ kusilekae kạmiya ar ona tayom do apnarakʼ disạmteye ruạṛ calakʼa.

Daniel 8:4

Iń doń ńelkeda Bheḍa do pạchim, utạr ar dạkhin secʼe uṭicʼetʼ kana. Uni samaṅre cele janwarge bako ṭikạu daṛeada ar uni khon bańcaoko leka do celege bako tahẽkana. Uni do acʼakʼ kusi lekae cekayetʼ tahẽkana are daṛe idiyena.

Sereńko 119:142

Amakʼ dhorom do jaejug hạbicʼkana, ar amakʼ sanam hukumko do sạrigea.

Sereńko 119:43

Amakʼ sạriyakʼ reakʼ katha ińakʼ moca khon alogem rejeńa, ente amakʼ ạn ạriko cetanrege iń doń as akana.

Jobakʼ 12:6

Luluṭkoakʼ tạmbure jãhãn gulmalge bạnukʼa; Onko do Isorko edre ocoyedere hõ khạtirjomako tahenkana; Isorge onko do jotowakʼe emako kana.

1 Samuel 23:9

Dạud do tinreye baḍaekeda, Sạul do uni upạrteye soṛojontro kana unre uni do naeke Abiathare metadea, “Amakʼ ephod nonḍe ạguiyme.”

Sereńko 28:5

Probhu Isorakʼ ti okae kạmi akatʼ onko do ona reakʼ bako hetawakʼkana, onatege uni do onkoe marao giḍikoa, ar bae benao rakapʼkoa.

Daniel 7:21

Ona tayom iń doń ńelkeda ona dereń do Isorren hoṛko upạrte lạṛhạikate onkoe bhagaoetʼko tahẽkana,