Daniel 6:28 - সান্তালী বাইবেল

²⁸ Nonkate Darjawes ar Parasren raj Koresakʼ rajokʼ oktere Daniel do pạtiạr ar manote ńam idikeda.

Daniel 6:28 Referans Kwoze

Daniel 1:21

Ar Daniel do Kores rajakʼ rajokʼ pạhil bochor hạbicʼ raj kạmire bahal akane tahẽyena.

2 Bõsbudạ 36:22

Jirimiạ hotete roṛlen Probhu Isorakʼ katha purạukʼ lạgitʼ Parasren raj Koresakʼ rajokʼ pạhil bochorre Probhu Isor do Koresakʼ ontorre nonkan uskure danadea ona iạte uni do acʼakʼ sanam rajosṭire roṛte ar ol hotete noae lại sodorkeda:

Jesaea 44:28

Ar Kores reaṅ doń mena, ‘uni do ińren gupiyicʼ kanae; ar iń okań kusiyakʼ ona sanamakʼe kạmiya. Uni do Jerusalem reaṅe mena, ‘arhõ teṅgo ruạṛokʼma,’ ar koejoṅ oṛakʼ reaṅ doe mena, ‘ona reakʼ rehetʼ do bạisạukʼma.”

Daniel 10:1

Parasren raj Koresakʼ rajokʼ tesarakʼ bochorre okoe do Beltesasare ńutum ocolen uni Daniel ṭhen mitʼṭecʼ katha sodorena. Katha do sạrikana ar ona do mitʼṭecʼ maraṅ kosṭo reaṅge. Mitʼṭecʼ dorson hotete uni doe bujhạu ocoyena.

2 Bõsbudạ 36:23

“Parasren raj Kores do niạ kathae meneda, ‘sermaren Probhu Isor do dhạrti reakʼ sanam rajosṭi ińe em akawạdińa ar Jihudạ reakʼ Jerusalemre acʼ lạgitʼ mitʼṭecʼ oṛakʼ benao lạgitʼe bachao akadińạ. Uniren hoṛko modre, metakʼme ape talare okoeye khojkan uni do onḍeye calakʼma ar uniren Probhu Isor do uni sãoreye tahenma.’ ”

Daniel 5:28

UPHARSIN, metakʼme, hạṭińena, amakʼ rajosṭi do hạṭińena ona do Madae ar Parasrenko ṭhen emocoyena.”

Sereńko 77:15

Am do amren hoṛ Jakob ar Josephren bõsko amakʼ daṛe titem chaḍao akatʼkoa. (Sela)

Jirimiạ 32:20

Am do Misor disạmre aema cinhạkom udukʼ akatʼa ar hahaṛawakʼkom kạmileda ar teheń hõ Israel ar sanam manwako talare onakom kạmikana, onate amakʼ ńutum do pasnao idikʼkantama.

Daniel 3:29

Ona iạte iń do noań hukumiń emetʼkana, jãhãn jạtren, disạmren se pạrsiren hoṛ jodi Sedrok, Mesak ar Abed-nego takoren Isor upạrte jãhãe jãhãnakʼe roṛ enḍekhan uni doe makʼ khanḍa khunḍi ocokʼa ar uniyakʼ oṛakʼ-duạr do guricʼ mande leka hoyokʼtaea, ente nonka do cele debotage bako babańcaoa.”