Daniel 6:24 - সান্তালী বাইবেল

²⁴ Okoeko hoṛ do hiskạte Danielko dusilede onko do rajakʼ hukum iạteko ạgu ocoyena ar onkoren bạhuko gidrạko sudhạ ona dhạcri kulkoakʼ khandṛaṅreko khalde ocoyena. Ar onḍe ạuriko ńurokʼrege dhạcri kulko do onkore jhãpko emkeda ar onkoakʼ jaṅko rạputʼ gejerketʼtakoa.

Daniel 6:24 Referans Kwoze

Jesaea 38:13

Ạuri setagokʼ hạbicʼ goṛo ńam lạgitʼ iń doń rakʼkeda. Dhạcri kul leka ińakʼ jaṅkom rạputʼketʼtińạ; ar mitʼ dinrege iń dom ses utạrińạ.

Ester 7:10

Onate Haman okaṭakʼ pạsikaṭ Mordekai lạgitʼe sapṛao doholetʼ hoṛko do onarege Hamanko pạsikedea. Ar ona tayom do rajakʼ edre thirentaea.

Sereńko 54:5

Bạiriko ińakʼ okaṭakʼko bạṛicʼetʼkan ona do onkogeye hala ruạṛakoa; E Probhu Isor, ińakʼ pạtiạrtetʼ iạte onko do marao giḍikakome.

Ester 9:25

Menkhan raj do Hamanakʼ soṛojontro tinreye baḍaekeda unre uni do ona olakʼ hukume emena jemon Jihudiko upạrte Haman oka dusṭạmi phundiye aṭaoletʼ ona do uniyakʼ bohokʼrege paṛaokʼ ar uniren hoponko hõ jemonko pạsi ocokʼ.

2 Rapajko 14:6

Menkhan Moseyakʼ ạn-ạrire oka ol menakʼ ona leka uni do uniren hoponko bae gocʼletʼkoa. Ona puthire Probhu Isorakʼ niạ hukum ol tahẽkana, “Hoponkoakʼ kại gunạkʼte apat se apatakʼ kại iạte hoponko do bako gocʼ ocokʼa, menkhan mimitʼko do akoakʼ kại gunạkʼtegeko gujukʼa.

Dosar Biboron 24:16

“Hoponakʼ kại gunạkʼte apat do bae gocʼ ocokʼa se apatakʼ kại gunạkʼte hopon hõ bae gocʼ ocokʼa. Mimitʼ hoṛ do acʼakʼ kại gunạkʼte gujukʼ hoyokʼtaea.

Kạhtukko 11:8

Dhorom hoṛ do kosṭo khon bańcaoko ńama, menkhan ona kosṭo do bedhoromko cetanre hecʼ paṛaokʼa.

Daniel 3:22

Rajakʼ hukum do ãṭge tahẽkante ar bhaṭa hõ ạḍi lologe tahẽkante seṅgel lepʼ do onko hoṛkoe gocʼketʼkoa okoe do Sedrok, Mesak ar Abed-nego takoko kuṭuṅ idiletʼko.

Kạhtukko 19:9

Eṛe gohayicʼ do sạjạiye ńamgea; ar okoe eṛe gohae em uni doe jarkharokʼa.

Jirimiạ 34:17

“Ona iạtegeń meneda, ape do bape bataoletʼtińạ, ente aperen jạt bhạiko lạgitʼ ape do chaḍao reakʼ bape lại jạhirleda. Ona iạte ńitokʼ iń do ape lạgitʼ chaḍaokʼ reakʼ iń lại sodoreda; ona chaḍaokʼ do hoyokʼ kana lạṛhại, akal ar mahamạrige. Iń do nonka dosań hoyocoe tapea ona ńelte dhạrtiren sanam rajosṭiren hoṛ do botorteko thar tharaokʼa.