Daniel 5:6 - সান্তালী বাইবেল

⁶ Ar onate uniyakʼ mẽtʼãhã do keklesetʼentaea ar nunạkʼ botor caṛhaoadea, uniyakʼ ḍanḍa do lạbṛucʼentaea ar gunṭhi kin hõ thar tharaokʼ ehopʼentaea.

Daniel 5:6 Referans Kwoze

Nạhum 2:10

Uni doe luṭ ocokʼkana, are eken ti ocokʼkana are marao ocokʼkana. Uniren hoṛkoakʼ ontor do norom akana, ar gunṭhi do lakaṛ lukuṛokʼkantakoa; onkoakʼ ḍanḍare daṛe do bạnukʼa, onko mimitʼkoakʼ mẽtʼãhã do mulin akantakoa.

Daniel 7:28

“Nonḍege ona kukmũ reakʼ mucạtʼtetʼ do. Iń Daniel do ińakʼ noako hudis iạte nunạkʼ botoriń ạikạukeda je, ińakʼ mẽtʼãhã do keklesetʼentińa, menkhan kukmũ reakʼ bisoe do monreń rebetʼ dohokada, okoe hõ bạń lạiyatʼkoa.”

Jeheskel 7:17

Mimitʼkoakʼ ti do lạbṛujokʼtakoa ar mitʼke mitʼ gunṭhi do nijorokʼa.

Daniel 4:5

Ar tinre ińakʼ aṭetʼreń giticʼ akan tahẽkana unre mitʼṭecʼ kukmũ ńelteń botorena; kukmũte okakoń ńelketʼ ona do ińakʼ monre botore caṛhaoạdińa.

Jeheskel 21:7

Onko do tinre amko kulimea, ‘cedakʼem kũhrạukʼ kana?’ Am dom mena, ‘okaṭakʼ sombat hijukʼkan ona lạgitʼ iń kũhrạukʼ kana. Unre sanamkoakʼ mon do udạsokʼa ar ti do lạbṛujokʼtakoa; onkoakʼ mon do latwagokʼa ar gunṭhi do nijor cabakʼtakoa. Probhu Isore menetʼ kana, ona do hijukʼkana; ar hoyokʼte hõ hoyokʼgea.’ ”

Sereńko 69:23

Onkoakʼ mẽtʼ do kãṛãkʼtako ma jemon aloko ńeńel, ar onkoakʼ dea do jaejug kubjạ akan tahentako ma.

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”

Ibriko 12:12

Onate apeakʼ borocʼ ti ar nijor gunṭhiko do daṛe ocoytape.

Daniel 3:19

Unre Sedrok, Mesak ar Abed-nego cetanre Nebukadnesar do ạḍiye raṅgaoena ar uniyakʼ mẽtʼãhã reakʼ boron hõ pheraoentaea. Uni doe hukumkeda jemon bhaṭa do nindarako jol khon eae dobṛa bạ̃ṛtiko jol ocoy.

Daniel 2:1

Nebukadnesarakʼ rajokʼ dosarakʼ bochorre raj do mitʼṭecʼ kukmũe ńelkeda; ar ona kukmũ iạte uniyakʼ mon do khadbadaokʼ ehopʼentaea, ar jạpitʼge bae jạpitʼ daṛeada.

Jesaea 35:3

Lebṛecʼ ti do keṭecʼ ocoytape; ar lakaṛ lukuṛ gunṭhi hõ kajaktape.

Jesaea 5:27

Onko do okoehõ bako laṅgakʼa, ar bako tohodokʼa; okoehõ bako dudṛuma; onkoakʼ ḍanḍa totolakʼ do baṅ raṛakʼtakoa, panahe reakʼ phitạ hõ baṅ topagokʼtakoa;

Sereńko 22:14

Iń do dakʼ lekań dul giḍi ocoakana, ińakʼ sanam jaṅ reakʼ joṛaoko do chaḍao akantińạ, ińakʼ ontor do mom leka hoyakante iń bhitrirege cher lambao idikʼkana.

Daniel 5:5

Unre acʼkage manwawakʼ mitʼṭen ti do hecʼkate raj oṛakʼ reakʼ diuhe dohowakʼ ṭhen bhit cetanre okʼolkan ńel ńamena. Ar olokʼkan jokhecʼ raj do ona tiye ńel ńamkeda.

Jirimiạ 50:43

Babelren raj do onko babotre khobore ańjom akada ar uniyakʼ ti do lạbṛukʼ akantaea. Ar bedonokʼkan maejiu lekage haso rakapʼ akawadea.