Daniel 5:20 - সান্তালী বাইবেল

²⁰ Menkhan tinre uniyakʼ ontor do usulokʼ ehopʼentaea ar gorboteye perecʼena unre uni do raj siṅghạson khone pheḍ ocoyena ar uniyakʼ ṭhonok do recʼ ocoyena.

Daniel 5:20 Referans Kwoze

Ibriko 3:13

Ona khon tinạkʼ din sonot sostorre “Teheń” katha menogokʼkan, ona reakʼ din hilokʼge ape do apekore udgạu emokʼpe, jemon ape modre okoeyakʼ mon hõ kại reakʼ lilkạrte alo keṭejokʼtape.

Jirimiạ 13:18

Probhu Isor do ińe metadińạ, “Am do raj ar uniren eṅgatem metaea, ‘siṅghạson ṭhen khon pheḍ hijukʼ ben, ente abenakʼ ṭhonokanakʼ mukuṭ do abenakʼ bohokʼ khon ńur akana.

2 Bõsbudạ 36:13

Ona chaḍa Nebukadnesar, okoe do Isor ńutumte uniye kiriạ ocolede, uni upạrteye hulkeda. Uni do hoṭokʼe keṭecʼketʼtaea ar ontore kuṭhinketʼtaete Israelren Probhu Isor secʼ do ar bae ruạṛlena.

2 Rapajko 17:14

Menkhan onko do ona katha bako luturada. Onkoren hapṛamko okoe do akoren Probhu Isor ṭhen bako ṭehãḍokʼkan tahẽkan, onko lekage monko keṭecʼketʼ takoa.

Exodus 9:17

Am do ńitʼ hõ ińren hoṛko upạrtem teṅgo akana ar bam sen ocoako kana.

Kạhtukko 16:18

Bạḍại do bạṛicʼakʼe ạguiya ar phulạukʼ mon do maraokʼge.

Luk 18:14

“Ińiń metapekana, Isor do mạsul-uṭhạuicʼge bin dusi menteye ataṅkedea ar uni do oṛakʼteye ruạṛ calaoena. Menkhan uni Phạrusi doe dusikedea. Okoe acʼteye usulokʼ uni doe copotʼ ocokʼa ar okoeye copotʼ ocokʼ uni doe usul ocokʼa.”

Jirimiạ 19:15

“Israelren Isor phạdkoren Probhu Isore meneda, ‘ańjompe, iń do niạ nagraha ar ona aḍepase reakʼ atoko cetanre oka ghoṭna paṛao ocoe reakʼ kathań menakatʼ ona do onko cetanreń paṛao ocoya, ente onko do hoṭokʼko keṭecʼ akatʼtakoa ar ińakʼ katha hõ bako ańjomleda.’ ”

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Daniel 4:37

Ńitokʼ iń Nebukadnesar do uni sermaren raj sarhao, manot ar ṭhonokiń emaekana, ente uni okaṭakʼe cekae ona do ṭhikakʼgeye onkayeda, ar uniyakʼ jotowakʼ horge dhoromte perecʼgetaea. Ar okoe bạḍạiteko perecʼge uni do onkoe copotʼkoa.

Jeheskel 30:6

Misorren gate disạmkoren hoṛ doko gurokʼa ar uniyakʼ daṛe reakʼ bạḍại hõ cabakʼtaea. Migdol khon Seyene hạbicʼ hoṛko do lạṛhạireko gujukʼa. Iń Probhu Isorge noa katha doń meneda.

Jirimiạ 48:18

Probhu Isore meneda, “E Dibonren hoṛko, apeakʼ ṭhonok reakʼ ṭhạ̃i khon pheḍ hijukʼte khaṅgoṭ otre duṛupʼpe, ente Moabren dhaṅdhasericʼ do ape upạrte hecʼkate apeakʼ gaṛkoe dhaṅdhasertapea.

Jesaea 47:1

Probhu Isore meneda, “E kũạri kuṛi Babel, am do dhuṛire duṛupʼme; E Babel am do siṅghạson bạgikate otre duṛupʼme. Ente Kakosiạ ar sukmạr do ar bako metama.

1 Samuel 6:6

Ape do Pharao ar misriko leka apeakʼ mon do cedakʼpe keṭecʼetʼtapea? Israelkoren Isor do misriko tinre lelhae benaoletʼko unre onko do Israelkoko sen ocowatʼko tahẽkana, arko senlena.

Exodus 18:11

Onate ńit iń bujhạ daṛeakʼ kana, joto debotako khon Probhu Isorgeye maraṅa, ente debotako okako reaṅ Israelko upạrteko gorobokʼkan tahẽkan onako babotre Probhu Isorgeye maraṅa.”

Jeheskel 31:10

“ ‘Ńitokʼ do iń Probhu Isorgeń meneda, ona doe usul akana, ona reakʼ muthni do rimile tiyạkʼ akada, ar usul akante bạḍạite perecʼ akana.

Daniel 8:8

Merom do ạḍiye daṛe idiyena, menkhan uni do tinre acʼakʼ mucạtʼ daṛereye hoyena unre uniyakʼ lạṭu dereń do rạputʼentaea ar ona jaega beṛhaete ponea ńel ńamokʼ leka dereń rakapʼena.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Exodus 9:7

Pharao do hoṛ kolkateye baḍaekeda, Israelkoren mitʼṭen gại-ḍaṅgra hõ bako gocʼakana. Enhõ Pharao do mone keṭecʼketʼtaea; ar hoṛko bae sen ocowatʼkoa.

2 Bõsbudạ 32:25

Menkhan Hiskiạ do monre bạḍại hecʼadea. Uni cetanre cetʼleka bhore ńamketʼ ona leka do bae kạmileda; onate uni cetanre, Jihudạ ar Jerusalem cetanre Probhu Isor doe edreyena.

Daniel 4:26

Rehetʼ sudhạ dare reakʼ gonḍa dohokakʼ reakʼ hukum do hoyokʼ kana, am do tinrem aṅgoca sermaren Isorgeye rajokʼkana unre amakʼ rajosṭi do amgem em ruạṛ ocokʼa.

Daniel 4:28

Noako sanam do Nebukadnesar raj cetanre paṛaoena. Ar gelbar cando tayom tinre uni do Babelre raj doṅgol reakʼ chatreye dãṛãbaṛae kan tahẽkana unreye menkeda, “Ińakʼ maraṅ daṛe hotete ar ińakʼ ṭhonok sodorokʼ lạgitʼ raj naṅgraha lekate okań benao akatʼ ona do cetʼ noa maraṅ Babel do baṅkana?”