Daniel 5:18 - সান্তালী বাইবেল

¹⁸ E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 5:18 Referans Kwoze

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Aposkạmi 26:19

“E Agrippa raj, onate serma khon noa dorson hotete okakoń men ocoakan ona doń batao ạguakada.

Aposkạmi 26:13

Menkhan E maharaj, unre tikin okte tahẽkana. Ar horre siń cando khon hõ bạ̃ṛti jhakjhak mitʼṭecʼ marsal serma khon iń ar iń sãotenko beṛhaete bamberena.

Aposkạmi 7:48

“Menkhan maraṅ Isor do manwakoakʼ benaoakʼ oṛakʼre bae tahenkana. Nạbiye menetʼ leka,

Daniel 6:22

Ińren Isor do acʼren dutkoe kolketʼkote dhạcri kulkoakʼ mocae bondketʼtakoa. Onko do bako ghạl akadińạ, ente Isorakʼ mẽtʼãhãre bin dusạniń tahẽkana. E maharaj, am ṭhen hõ jãhãnakʼ do bạń dosakada.”

Daniel 4:32

Am do hoṛko tala khonem laga ńir ocokʼa ar janwarko sãotem tahena; ar ḍaṅgra leka ghãskom joma. Ar tin hạbicʼ bam aṅgoc maraṅ Isor do manwakoakʼ rajosṭiko cetanreye rajokʼkana ar onako rajosṭi do acʼakʼ kusi lekae em akokana unhạbicʼte eae bochor do parom calakʼa”

Daniel 4:2

Maraṅ Isor iń lạgitʼ okako cinhạ ar hahaṛawakʼkoe kạmi akatʼ ona do kusite apeń baḍae ocoyetʼpea.

Rak̕joṅ 3:38

Maraṅ Isorakʼ moca khonge cetʼ bhalạiyanakʼ ar bin bhạlạiyanakʼ cetʼ baṅ oḍokokʼ kana?

Rak̕joṅ 3:35

maraṅ Isor samaṅre manwakoakʼ ạidạri baṅ aṅgockan,

Jirimiạ 27:7

Tinạkʼ din uniyakʼ disạm reakʼ okte baṅ hijukʼ unạkʼ din sanam jạtrenko do uniren hoponko ar uniren goṛomtetʼkoren golamko hoyokʼa; ona tayom aema jạtrenko ar maraṅ maraṅ rapajko do unige akoren golamko benaoea.

Sereńko 92:8

Menkhan E Probhu Isor, am do jaejug hạbicʼ coṭrem tahẽna.

Sereńko 47:2

Maraṅ Probhu Isor do botoranicʼ kanae; uni kangeae goṭa pirthimiren raj do.

Sereńko 9:2

Iń do amrege hulạs ariń rạskạkʼa. E maraṅ Isor, amakʼ ńutumteń õṛhẽ sereńa.

Sereńko 7:17

Probhu Isor do dhorom reakʼe bicạra, onate iń do uniń sarhaoea; ar iń do maraṅ Probhu Isorakʼ iń õṛhẽ sereńa.

Dosar Biboron 32:8

Maraṅ Isor do tinre eṭakʼ jạtrenko sompottiye hạṭińatʼkoa, ar manwa hoponko tinre eṭakʼ eṭakʼ jạtreye hạṭińketʼkoa, unre Israel jạtrenkoakʼ lekhae disạ dohṛaketʼte eṭakʼ jạtrenkoakʼ simạnakoe ṭhik dohoatʼkoa.

2 Rapajko 25:28

Uni do Jehoyakin sãote mońjteye galmaraokeda ar Babelre uni sãote okoe rajko tahẽkan onko khon hõ ḍher manotakʼ ṭhạ̃ireye duṛupʼkedea.

Jirimiạ 25:9

Iń do utạrren sanam jạtrenko ar ińren golam Babelren Nebukadnesar rajiń hoho ạguiyea. Noa disạm ar onaren hoṛko upạrte ar beṛhaeten sanam jạtrenko upạrte onkoń ạgukoa. Iń do purạte onko hoṛkoń maraokoa ar onko do botoran ar landa-dhutʼan jạtrenkoń hoyocokoa; onkoakʼ disạm do jaejug lạgitʼ iń ḍahao maraoa.

Jirimiạ 27:5

‘ińakʼ maraṅ daṛete ar ektiạri perecʼ tite iń do niạ dhạrti ar ona cetanre okoe manwa ar janwarkoń sirjạu akatʼko, ar okoe lek kanae menteń hudisede uniyakʼ tirege iń do ektiạriń emetʼkana.

Jeheskel 31:11

Ona iạte iń do boṅgan hoṛ jạtren disạm cakʼlaoyicʼakʼ tireń soprot akadea; uni do uniyakʼ bạṛicʼtetʼ lekate uni tulucʼe beohara. Uni doń nihạ̃t giḍi akadea.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Daniel 5:21

Uni do manwa tala khone laga ńir ocoyente mitʼṭecʼ janwarakʼ sobhabe em ocoyena. Ar tinạkʼ din bae aṅgocletʼ, maraṅ Isorge manwakoakʼ rajosṭiko cetanren mạlik kanae ar uni okoeye kusiyae unige rajosṭiko cetanreye duṛupʼede kana, unạkʼ din uni do gadhako sãoteye girobas akan tahẽkana ar ḍaṅgra leka ghãskoe jometʼ tahẽkana ar coṭ reakʼ sisirdakʼteye lohodokʼ kan tahẽkana.

Daniel 4:19

Unre Daniel, metakʼme Beltesasar do kukmũ reakʼ katha hudiskateye botorena ar thoṛa okte lạgitʼe asbasoena. Onate raj doe menkeda, “E Beltesasar, kukmũ se ona reakʼ bhed do alo baṛeye cintạ ocomema.” Beltesasar doe roṛ ruạṛkeda, “E maharaj, niạ kukmũ ar niạ reakʼ bhed do amren bạiriko cetanre baṛe paṛaokʼma.”