Daniel 3:28 - সান্তালী বাইবেল

²⁸ Unre Nebukadnesar doe menkeda, “Sedrok, Mesak ar Abed-negoren Isorakʼge sarhao hoyokʼtae ma, okoe do acʼren serma goḍetko kolkate acʼren gutikoe bańcaoketʼkoa. Noko do uni cetanre biswạskatege rajakʼ hukumko bebataoleda ar akoren Isor chaḍa ar jãhãn debota sewawako bodolte gujukʼ hõ rạjigeko tahẽkana.

Daniel 3:28 Referans Kwoze

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Johan sodor 12:11

Bheḍa Hoponakʼ mãyãm ar apnarakʼ gohate onko do uniko bhagao akadea. Onko do apnar dulạṛ baṅkate akoakʼ jiwi emokʼge rạjiko tahẽkana.

Romiko lạgitʼ Pạul Apostolakʼ ciṭhi 12:1

Enḍekhan E boehako, Isorakʼ noako daya iạtege iń do asokaeteń nehõrape kana, apeakʼ hoṛmo do jiwetʼ, sonot ar Isore kusiyakʼ dãṛẽ menkate uni ṭhen samaṅtape. Ar onage apeakʼ lek reakʼ sewa do hoyokʼa.

Sereńko 147:11

menkhan okoe uniko botorae ar uniyakʼ dulạṛre asko dohoyetʼ, onko iạtege Probhu Isor doe rạskạkʼa.

Aposkạmi 5:19

Menkhan ńindạ jokhecʼ Probhu Isorren mitʼṭen goḍet do hajot reakʼ silpińkoe jhicʼkeda ar bahrete oḍok ạguketʼkoteye metatʼkoa,

Daniel 3:25

Uniye menkeda, “Enḍekhan iń do pon hoṛ seṅgelre dãṛãbaṛae kaniń ńeletʼkoa. Onko do raṛage menakʼkoa ar jãhãnakʼge baṅ hạ̃n akantakoa, ar ponicʼ hoṛ do ńelokʼte debota lekae ńelokʼkana.”

Mathae 4:10

Unre Jisu do uniye metadea, “Men ńir joṅme Soetan. Sonot sostorre ol menakʼa, am do amren Probhu Isorgem sewawaea, ar uni eskargem dewa sewawaea.”

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Sereńko 62:8

E ińren hoṛko, Isorge ińren hirlạ; ape do jaoge unire bhorsa akan tahenpe, uni ṭhen apeakʼ ontor dul tape. (Sela)

Philipiko lạgitʼ Pạul apostolakʼ ciṭhi 1:20

Ińakʼ purạ biswạs menakʼtińạ je, okaṭakʼte hõ iń do bạń lajao ocokʼa, bickom dil menakʼtińạ, cetʼleka lahate iń hotete Mạsiyakʼ ṭhonok sodorokʼkan tahẽkan onkage ńitokʼ hõ hoyokʼa baṅ doń gujukʼ ar baṅ doń jiwedokʼ;

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

2 Bõsbudạ 32:21

Onate Probhu Isor do mitʼṭen goḍete kolkedea uni do Ạsurren rajakʼ ḍeraren sanam lạṛhại birko, mukhiyạko ar subedarkoe marao giḍikatʼkoa. Onate Senakerib doe lajaoente apnarakʼ disạmteye ruạṛ calaoena. Ar acʼren debotawakʼ mundilteye boloyen khan unire adom hoponko do uniko gocʼkedea.

2 Bõsbudạ 20:20

Dosar hilokʼ ạḍi setakʼre onko do Tekoa hahaṅkar secʼko oḍok calaoena. Ar oḍok calakʼ lahare Jehosaphat do teṅgoyenteye metatʼkoa, “E Jihudạ ar Jerusalemren hoṛko, ińakʼ katha ańjompe. Ape do aperen Probhu Isor cetanre bhorsa dohoype, enḍekhanpe ṭarhao tahẽ daṛeakʼa. Uniren nạbiko cetanre pạtiạu dohoype, ar onatepe jo bahakʼa.”

1 Patras 1:21

Isor do gocʼko khon uniye jiwetʼ beretʼkedete ṭhonoke danadea ar uni hotete ape do Isorrepe biswạs akana; ar onatege apeakʼ biswạs ar as do Isor cetanre menakʼtapea.

Ibriko 11:37

Dhiriteko tiń ocoyena, ạriteko getʼ paṛakʼ ocoyena ar tarwaṛeteko gocʼ ocoyena. Onko doko santao ocolena ar bạṛicʼko beohar ocolena, ar akoṭreko paṛaoen khan bhiḍi ar meromakʼ harta horokʼkateko ạcur baṛaekan tahẽkana.

Ibriko 1:14

Serma goḍetko do cetʼ sanamkoge sapʼsosor Jiuko doko baṅkana? Okoe kại khon bańcaoko ńam onko sapʼsorako lạgitʼge coṅ onko mako kol ocoakan.

Aposkạmi 4:19

Patras ar Johan dokin roṛ ruạṛkeda, “Apeakʼ hukum liń manaoa se Isorakʼ hukumko liń senakʼa? Isorakʼ mẽtʼãhã samaṅre okaṭakʼ ṭhika, ona do apege bicạrpe.

Daniel 6:26

Ińiń hukumetʼ kana, ińakʼ rajosṭiren sanam hoṛ do jemon Danielren Isorko botorae arko ḍobokʼaema, ente uni kangeae jiwetʼ ar jaejugicʼ Isor do. Uniyakʼ rajosṭi do tishõ baṅ maraokʼtaea, ar uniyakʼ ạidạri do tishõ baṅ mucạdokʼtaea.

Daniel 4:34

Ona okte purạuen khan iń Nebukadnesar do serma secʼ iń beṅgetʼkeda ar ińakʼ bud do ruạṛ hecʼadińạ. Unre iń do Coṭ utạrricʼ iń sarhaokedea; okoe do jaejug jiwetʼ menae uniń ḍobokʼadea ariń sarhaokedea. Ińiń menkeda, “Isorakʼ rajosṭi do jaejug hạbicʼ reakʼ rajosṭikana; uniyakʼ rajosṭi do piṛhike piṛhi tahena.

Sereńko 34:22

Probhu Isorge acʼren golamkoe chaḍaoetʼkoa; okoe unireko hirlạkʼkan okoehõ onko do sạjại bako ńama.

Sereńko 33:21

Unirege aboakʼ mon do rạskạkʼ kana, ente abo do uniyakʼ ńutumre bon bhorsa akana.

Sereńko 33:18

Menkhan Probhu Isorre okoeyakʼ botor menakʼ, ar uniyakʼ dulạṛre okoe asko dohoyetʼ, onko cetanre uniyakʼ daya do tahẽnkana;

Esra 6:11

Iń do arhõń hukumeda, jodi niạ hukum jãhãe bae batao enḍekhan uniyakʼ oṛakʼ khon mitʼṭecʼ koalipe or boja ar onape coeloya ar unipe sobokʼ tabeya. Ar uniyakʼ niạ behok iạte uniyakʼ oṛakʼ do mạilạ ḍhipi leka hoyokʼtaea.

Esra 1:3

Uniren hoṛko modre, metakʼme ape talare okoeye khojkan uni do Jerusalemte senkate Probhu Isorakʼ oṛakʼe benaoma, ente uni do Jerusalemre menaea. Ar okoe onḍeko senokʼ onkoren Isor do onko soṅgetegeye tahena.

1 Bõsbudạ 5:20

Noko sãote lạṛhại jokhecʼ Isor do onkoe goṛowatʼko tahẽkana. Uni do Hagariạko ar onkoren sanam hoṛko onkoakʼ tireye jimạletʼkoa, ente lạṛhại jokhecʼ onko do Isor ṭhenko koejoṅkan tahẽkana. Ar uni cetanreko bhorsalen iạte uni do onkoakʼ koejoṅe ańjomletʼ takoa.

Genesis 9:26

Uni do arhõe menkeda, “Bhạgangeae Shemren Probhu Isor do. Ar Kanan do Shemren golame hoyokʼma.

Sereńko 103:20

E Probhu Isorren daṛean goḍetko, okoe do uniyakʼpe bataoetʼtae ar uniyakʼ hukumpe manaoetʼkan, ape do uni sarhaoepe.

1 Korinthiko 13:3

Jãhãnakʼge menakʼtiń ona joto do reṅgecʼ orecʼko jom ocoko lạgitʼ iń danlere ar atar giḍikʼ lạgitʼ ińakʼ hoṛmoń alaelere hõ, dulạṛ bạnukʼtiń khan cetʼ porho hõ bạnukʼtińạ.

Jesaea 12:2

Sạriyakʼren, Isorge ińren babańcaoicʼ do; iń do uniregeń bhorsakʼkana, ar bạń botorokʼa. Probhu Isorge, ińakʼ daṛe ar ińakʼ sereń; ińren babańcaoicʼ doe uni kangea.”

Jesaea 50:10

Ape modre okoe Probhu Isore botorae kan, ar uniren gutiyakʼ kathae bataoetʼtaea, ar marsal bạnukʼte ńũtreye taṛametʼkan, uni do Probhu cetanreye pạtiạukʼ ma ar uniren Isor cetanre bhorsa akane tahenma.

Daniel 6:16

Sesre raj doe hukumkeda ar hoṛ do senkate Danielko sapʼkedea ar dhạcri kulakʼ khandṛaṅreko khadlekedea. Unre raj do Daniele metadea, “Jaoge amren okoeṭakʼ Isorem sewawae kan unige am doe rukhiyạmema.”