Daniel 2:45 - সান্তালী বাইবেল

⁴⁵ Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.

Daniel 2:45 Referans Kwoze

Jesaea 28:16

Onatege Probhu Isor do niạ kathae meneda, “Ńelpe, biḍạu aṭkarkate mitʼṭecʼ dhiriyiń bachao akawana; ona do Sion reakʼ konac dhiri lekateń bạisạu akada. Okoe onareye pạtiạukʼ uni do ṭarhao akane tahena.

Genesis 41:32

Noa kukmũ do Maharaj bar dhaoe ńel ocoakana. Noa reakʼ mane do hoyokʼkana, Isor doe niṭ dohoakada ar hako pakoge ona doe hoeocoya.

Malaki 1:11

Purub khon pạchim hạbicʼ sanam jạtrenko talare ińakʼ ńutum do maraṅokʼa. Iń ńutumte sanam ṭhạ̃irege dhupko jeredokʼa ar samaṅokʼ lạgitʼ sapha jinisko ạgukʼa, ente sanam jạtrenko talare ińakʼ ńutum do maraṅokʼtińạ.

Sereńko 48:1

Aboren Isorakʼ nagrahare, ar uniyakʼ sonot burure, Probhu Isor doe maraṅgea ar joto khon bạ̃ṛti sarhao lek kanae

2 Samuel 7:22

E Probhu Isor, am dom maraṅgea! Am leka do ar celege bạnukʼkoa ar am chaḍa eṭakʼ jãhãn Isor hõ bạnukʼkoa; noa katha do aleakʼ luturtegele ańjomakada.

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

Genesis 41:28

Isor okae cekae lạgidokʼkan ona do Maharaje udukʼ akawadea, ar ona kathage iń do Maharaj ṭheniń lạiyeda.

Johan sodor 19:17

Tayomte mitʼṭen serma goḍet siń cando talare teṅgo akaniń ńelkedea. Ar okoeko cẽṛẽ sermareko uḍạu baṛaekan tahẽkan onko sanamko do ãṭ aṛaṅte hohowateye metatʼkoa, “Dela, Isorakʼ maraṅ bhoj jom lạgitʼ hecʼ jarwakʼpe!

Johan sodor 4:1

Noa tayom iń do serma reakʼ mitʼṭecʼ duạr jhicʼ akatʼiń ńelkeda. Ar siṅgạ reakʼ saḍe leka okoeyakʼ aṛaṅ coń ańjomkeda uni doe metadińạ, “Am do nonḍe rakapʼ hijukʼme. Ar noako tayom oka hoyokʼ lạgidokʼkan onań udukʼama.”

Johan sodor 1:19

Onate okam ńelketʼ, okaṭakʼ ńit hoyokʼkan ar noako tayom okaṭakʼ hoyokʼ onako ol dohokakʼme.

Luk 17:20

Ado Phạrusiko modren adomko do Isorakʼ raj tis hijukʼa menteko kulikedea. Unre Jisui roṛ ruạṛatʼkoa, “Isorakʼ raj hijukʼre jãhãn cinhạ do baṅ ńelokʼa.

Mathae 24:35

Serma ar dhạrti do cabakʼa, menkhan ińakʼ katha do jaejug hạbicʼ tahena.

Mathae 21:24

Jisui metatʼkoa, “Mitʼṭecʼ kathań kulipea. Arpe lạiyạń khan enḍekhan iń hõ apeń lạiyapea oka ektiạrite noakoń kạmikana mente.

Sakariạ 12:3

Enhilokʼ tinre sanam jạtrenko Jerusalem upạrteko jarwakʼa unre uni do sanam jạtrenko lạgitʼ mitʼṭecʼ hamal dhiri lekań hoeocoyea. Ar okoe ona dhiri rakapʼ reakʼko kurumuṭui onko do apnargeko ghạl ocokʼa.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 2:24

Daniel do Ariyek ṭhene calaoena. Raj do Ariyekge uniren ạkilanko gocʼko lạgitʼe hukumade tahẽkana. Daniel do Ariyeke metadea, “Rajren ạkilanko do alom gocʼkoa. Raj ṭhen dela idiyińme; iń do rajakʼ kukmũ reakʼ bhediń bhaṅgaoaea.”

Sereńko 145:3

Probhu Isor doe maraṅgea ar joto khon sarhaoanicʼ lek kanae; okoe hõ uniyakʼ maraṅtetʼ do bako bhujhạu daṛeakʼa.

Sereńko 135:5

Ińiń baḍaea Probhu Isor doe maraṅgea; aboren Probhu Isor do joto debotako khon hõe maraṅgea.

Sereńko 96:4

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon uni doe botorangea.

Jobakʼ 36:26

Isor doe maraṅgea menkhan abo do babon bujhạu orom daṛeae kana. Uniyakʼ umer baṅ tinạkʼ ona do ohoge bon baḍae daṛelea.

Nehemiạ 9:32

“E aleren Isor, am dom maraṅgea, am do daṛean ar botoranicʼ Isor kanam. Am do amakʼ asambheṛ dulạṛ reakʼ bondobosem rukhiyạ dohoyeda. Asuren rajkoakʼ okte khon ehopʼkate teheń hạbicʼ okako duk ale cetanre ar aleren rapajko, mukhiyạko, nạbiko, aleren hapṛamko ar aleren sanam hoṛko cetanre calakʼ kan ona do amakʼ mẽtʼre thoṛage baṛe hoyokʼma.

Nehemiạ 4:14

Ona tayom iń do sanamakʼ ńel jut baṛakate lekman hoṛko, maraṅ hudạren hoṛko ar sarecʼ hoṛkoń metatʼkoa, “Onko do alope botorakoa. Menkhan maraṅ daṛeanicʼ ar botoranicʼ Probhu Isorakʼ katha baṛe disạipe ar aperen boehako, koṛa hoponko ar kuṛi hoponko, bạhuko ar oṛakʼ lạgitʼ lạṛhạipe.”

1 Bõsbudạ 16:25

Probhu Isorgeye maraṅa ar sanamko cetanre unige sarhaoanicʼ lek kanae; sanam debotako khon hõ uni doe botorangea.

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Daniel 2:29

“E maharaj, am do tinre aṭetʼrem giticʼ akan tahẽkana unre tayom daram dinkore cetʼ hoyokʼa ona reakʼ kathakom hudisjoṅkan tahẽkana. Ar okoe okoakʼko reaṅe sodoretʼkan uni do ame udukʼatʼmea cetʼko hoyokʼa mente.

Daniel 8:25

Uniyakʼ phorphundi iạte uni do eṛekateye jo bahakʼa ar jotoko khon maraṅe hudisokʼa. Ar hoṛko do tinre nirdạndiko hudisokʼa unre uni do ḍher hoṛe maraokoa ar disạm cakʼlaokoren mukhiyạko upạrteye teṅgona. Ar mucạtʼre uni doe marao ocokʼa, menkhan manwawakʼ daṛete do baṅa.

Genesis 41:26

Eae goṭecʼ moṭa soṭa gại reakʼ mane do hoyokʼ kana eae bochor ar danawanakʼ eae goṭecʼ guhum gele reakʼ mane hõ eae bochor kana. Amakʼ banar kukmũge mitʼgea.

Sereńko 2:9

Mẽṛhẽtʼ ṭheṅgate am do onkom rạputʼkoa ar hasa reakʼ bhajan lekam tawakʼ gejer cabakoa.”

Hagae 2:22

Iń do eṭakʼ eṭakʼ jạtren rapajkoakʼ siṅghạson koń ulṭạu giḍikatakoa ar onkoakʼ ektiạriń marao utạra. Iń do rãt gạḍiko ar onaren cakʼlao koń ulṭạu giḍikoa; sadomko ar aswariko do uniren boehawakʼ tarwaṛeteko gujukʼa.