Daniel 2:38 - সান্তালী বাইবেল

³⁸ Ar jãhã ṭhạ̃irege manwako girobasokʼ kan, onḍege uni do otren janwarko ar coṭren cẽṛẽko hõ amakʼ tireye jimạ akatʼkoa ar onko jotoko cetanre mạlike benao akatʼmea; ar amkangeam uni sonaren bohokʼ do.

Daniel 2:38 Referans Kwoze

Jirimiạ 34:1

Babelren raj Nebukadnesar, ar uniren sanam lạṛhại phạdko ar uni tabe reakʼ sanam rajosṭiko ar jạtrenko tinre Jerusalem ar ona beṛhaeteakʼ nagrahako upạrteko lạṛhạikan tahẽkana unre Israelren Probhu Isor do Jirimiại metadea uni do jemon Jihudạren Sedekiạ raj ṭhen senkateye metae, “Iń Probhu Isorge noa katha doń meneda, noa nagraha do Babel raj ṭheniń soprota ar uni do seṅgelteye ḍahao maraoa.

Daniel 1:2

Probhu Isor do uniyakʼ tire Jihudạren raj Jehoyakime soprotkedea ar uni sãote Isorakʼ oṛakʼ reakʼ adomakʼ bhajanko hõe emadea. Ar ona bhajanko uni do Babelte acʼren debotawakʼ mundilre idikate onḍenakʼ khajańci oṛakʼreye dohokada.

Daniel 2:32

Uni boṅga muṭhạn reakʼ bohokʼ do khạṭi sona reakʼ, koṛam ar ti do rupạ reakʼ, lacʼ ar bulu do pitạl reakʼ tahẽkana;

Daniel 2:39

Am tayom eṭakʼ ar mitʼṭecʼ rajosṭi teṅgokʼa ona do am khon huḍiń macha; ar ona tayom do pitạl reakʼ tesar ar mitʼṭecʼ rajosṭi teṅgokʼa, ona do goṭa dhạrti cetanre mạlike calaoa.

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Daniel 4:18

“Noa kukmũge iń Nebukadnesar raj doń kukmũkeda. Ńitokʼ do E Beltesasar, ma lạiyạńme noa reakʼ mane do cetʼkana? Ińakʼ rajren okoe ạkilanko hõ noa reakʼ mane do bako lại daṛeadińa; menkhan am dom daṛeakʼa, ente amre sonot nonkanakʼ menakʼa one ona do niạ dhạrti reakʼ baṅkan.”

Daniel 7:4

Pạhilicʼ doe tahẽkana dhạcri kul leka ar uniyakʼ do cẽṛẽ leka phạ̃kṛạ̃kʼ tahẽkantaea. Ar ńel ńeltege uniyakʼ phạ̃kṛạ̃kʼkin do or chaḍaoena ar uni do ot khon cetanteye rakapʼ ocoyena. Unre uni do manwa leka banar jaṅgateye teṅgoyena ar manwawakʼ ontore emocoyena.