Daniel 2:29 - সান্তালী বাইবেল

²⁹ “E maharaj, am do tinre aṭetʼrem giticʼ akan tahẽkana unre tayom daram dinkore cetʼ hoyokʼa ona reakʼ kathakom hudisjoṅkan tahẽkana. Ar okoe okoakʼko reaṅe sodoretʼkan uni do ame udukʼatʼmea cetʼko hoyokʼa mente.

Daniel 2:29 Referans Kwoze

Daniel 2:28

Menkhan sermare mitʼṭen Isor menaea okoe do okoakʼko reaṅe sodoretʼkan. Ar tayom daram dinkore cetʼko hoyokʼa ona do unige Nebukadnesar raje baḍae ocoakadea. Amakʼ kukmũ, metakʼme aṭetʼre giticʼkate okaṭakʼ kukmũm ńelakatʼ ona do ńitokʼ iń lạiyama.

Amos 4:13

Disạipe, okoe buru boṭkocʼkoe benao akatʼ, ar hoeye sirjạu akatʼ ar manwa ṭhen acʼakʼ ganḍon joṅakʼkoe sodor ocoy, okoe do marsale ńut ocoy ar dhạrti reakʼ buru boṭkocʼko cetanteye daṛan kan uniyakʼ ńutum do phạdkoren Probhu Isorge.

Daniel 2:47

Raj do Daniele metadea, aperen Isor do sạrige Isorkoren Isor kanae, rapajkoren Probhu kanae ar okoakʼko sodoricʼ hõ kanae, ente am do noa okoakʼko reaṅem sodor daṛeada.

Daniel 2:22

Uni do khạndri ar okoakʼko babotreye sodoretʼkana; unigeye baḍaea ńutre do cetʼ menakʼa; uni sãote do marsal tahẽnkana.

Jeheskel 38:10

“ ‘Enhilokʼ amakʼ monre do aema lekan hudisko hecʼama ar mitʼṭecʼ bạṛicʼ bundisem perejokʼa.

Genesis 41:25

Unre Joseph do Pharaoe metadea, “Maharajakʼ noa banar kukmũ do mitʼgea. Isor okae ceka lạgidokʼkan onage Maharaj ṭhene sodor akada.

Daniel 2:23

E ińren hapṛamkoren Isor, amiń sarhaoetʼme kana, ariń õṛhẽyetʼme kana, ente am do ạkil ar daṛeyem em akawạdińa; ale do okaṭakʼ am ṭhen khon baḍae joṅle khojletʼ ona do ińem baḍae ocoakadińạ; rajakʼ kukmũ reaṅ am do alem baḍae ocoakatʼlea.”

Daniel 2:45

Ente am dom ńel akada, buru khon mitʼṭen dhiri do begor manwa titege chaḍao ńurena ar ona dhiri do, pitạl, jaṭaṅ hasa, rupạ ar sonae gejerkeda; maraṅ Isor do noako hoyokʼ lạgidokʼ ghoṭnakoge am doe baḍae ocoakatʼmea; kukmũ do khạṭigea ar ona reakʼ bhedtetʼ hõ sạrigea.