Daniel 12:3 - সান্তালী বাইবেল

³ Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.

Daniel 12:3 Referans Kwoze

Mathae 13:43

Unre dhorom hoṛ do akoren sermaren Babawakʼ rajre siń cando lekako jhak jhakaokʼa. Ańjom lạgitʼ lutur menakʼtaeicʼ hoṛ doe ańjomma.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Daniel 11:33

“Onko hoṛko modre okoekoakʼ bujhạu reakʼ daṛe menakʼtako onko do ḍher hoṛko cetʼakoa, enhõ thoṛa okte hạbicʼ onko talare ḍherkoge tarwaṛe ar seṅgel lepʼ, kạidạu ocokʼ ar luṭ ocokʼteko gurokʼa.

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Kạhtukko 11:30

Dhorom hoṛ do eṭakʼkoakʼ jion dare leka; ar okoe eṭakʼkoakʼ mone jitạu akatʼ uni doe ạkilanicʼ kana.

Ibriko 5:12

Nunạkʼ dinte ape do guru hoyokʼ lek tahẽkantapea, menkhan ona bodolte Isorakʼ katha reakʼ arhõ gonḍa khon sikhnạt emape lạgitʼ cecetʼicʼakʼ jạruṛ paṛao akana. Keṭecʼ jomakʼ bodolte kạṭicʼ gidrạko leka arhõ ape do toa ńũũ reakʼ jạruṛ paṛao akatʼpea.

Johan 5:35

Johange ona jolokʼkan diuheye tahẽkana one okaṭakʼ do ḍig ḍigạukʼkan tahẽkan; ar ape do thoṛa okte lạgitʼ uniyakʼ ona marsalre hulạsokʼpe kusilena.

Johan 4:36

Okoe phosole samṭaoetʼkan uni do ńitge kuṛạiye ńameda ar jaejug jion lạgitʼ phosole doho jarwayeda. Onate itạ erokʼicʼ ar phosol samṭaoicʼ, unkin banarge mitʼ sãotekin rạskạkʼ kana.

1 Korinthiko 3:10

Isor ṭhen khon oka dayań ńamakatʼ ona hotetege iń do gạkhuṛ kạrigol leka rehetʼ iń bạisạu akada, ar eṭakʼko do ona cetanre oṛakʼko benaoeda. Menkhan okoe okalekae benaoetʼkan ona reaṅ uni doe sontorokʼma.

Jirimiạ 23:22

Menkhan iń samaṅreko teṅgolen khan onko do ińren hoṛko ṭhen ińakʼ kathako lại jạhirkea ar bạṛicʼ hor ar bạṛicʼ kạmi khon onkoko ruạṛkekoa.”

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

2 Patras 3:15

Disạipe, manwako kại khon bańcaoko ńam lạgitʼ aboren Probhu Isor doe sombhuriyeda. Ar inạ mitʼ kathage aboren dulạṛiạ boeha Pạul hõ Isore emakade akelte apeye olatʼpea.

Ephesiko lạgitʼ Pạul Apostolakʼ ciṭhi 4:11

Unige adom do apostolko, adom do nạbiko, adom do bhage sombat porcarko ar adom do sapʼdapʼko ar cecetʼko menkateye bahalketʼkoa.

Mathae 24:45

“Uni pạtiạricʼ ar budanicʼ guti doe okoe kana, one okoe acʼren kisạ̃ṛ do guti ar kạ̃ṛmĩko okte nạpitre jomakʼ emakoa mente acʼ gharońjrenko cetanreye dohokede?

Mathae 19:28

Jisui metatʼkoa, “Sạrigeń metapekana, okoe ińren celape hoyakan, nãwã janamokʼre Manwa Hopon tinre acʼakʼ ṭhonok reakʼ siṅghạsonreye duṛupʼa unre ape hõ gelbar siṅghạsonre duṛupʼkate Israelren gelbar khũṭkope bicạrkoa.

Aposkạmi 13:1

Antiokiạ manḍerre do thoṛa nạbi ar cecetʼkoko tahẽkana. Onkoakʼ ńutum do Barnabas, Nigerko metaekan Simeon, Kurene nagraharen Lukius, disạm cakʼlaoyicʼ Herod sãoteye ạsul haralen Manaen ar Sạul.

Kạhtukko 3:35

Ạkilan hoṛ do manotko ńama, menkhan bebujko do lajaoreko paṛaokʼa.

Jesaea 53:11

Uni do acʼakʼ jiwi reakʼ duke ńela are tirpitokʼa; Probhu Isore meneda, ‘ińre dhorom golam do acʼakʼ baḍaete ḍher hoṛkoe dhorom ocokoa, ente uni do onkoakʼ sanam ghạṭkoe gogtakoa.

Daniel 12:10

Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.

Exodus 34:35

Ar hoṛko ńeletʼ tahẽkana, Moseyakʼ mẽtʼãhã do malkao akana. Mose do arhõ acʼakʼ mẽtʼãhãe esetʼkakʼkan tahẽkana ar Probhu Isor sãote galmaro lạgitʼ ạuriye calakʼ hạbicʼ uniyakʼ mẽtʼãhã do poṭom esetʼge tahenkan tahẽkana.

Bikʼcạrko 5:31

E Probhu Isor, amren bạiriko nonkageko marao cabakʼma; menkhan okoe amko dulạṛme Onko do siń cando leka daṛeanko hoyokʼma. Inạ tayom disạmre pongel bochor hạbicʼ suluk tahẽkana.

Sosolhayic̕ 12:9

Sosolhayicʼ do ạkilan hoṛe tahẽkana ar hoṛko hõ bidiyại cetʼ idiwatʼkoa. Uni do hudis ar biḍạu aṭkarkate ạḍi utạr kạhtukkoe gathao galaṅkeda.