Daniel 12:1 - সান্তালী বাইবেল

¹ “Ona jokhecʼ amren hoṛkoren rurukhiyạyicʼ maraṅ serma goḍet Mikayel doe ape sejokʼa. Ar nonkan mitʼṭecʼ kosṭo okte seṭerokʼa one ona do am jạtrenko khon ehopʼkate ona okte hạbicʼ tishõ baṅ hoyakan. Menkhan ona okte do amren hoṛko modren okoekoakʼ ńutum do puthire ol tahen onko do bańcaoko ńama.

Daniel 12:1 Referans Kwoze

Jirimiạ 30:7

Hae, enhilokʼ do ạḍi botoranakʼge hoyokʼa! Onka do ar tisge baṅ hoyokʼa. Ona do Jakobakʼ kosṭo reakʼ okte hoyokʼa, menkhan uni do ona khone bańcao ocokʼa.

Mathae 24:21

Unre nunạkʼ bạṛicʼ kosṭo hoyokʼa one oka do dhạrti etohopʼ khon ńit hạbicʼ baṅ hoyakan ar tisge baṅ hoyokʼa.

Mark 13:19

ente unre nonkan santaoko hoyokʼa one oka do dhạrti sirjạu khon ńit hạbicʼ baṅ hoyakan ar ona tayom do ar baṅ hoyokʼa.

Daniel 10:13

Menkhan Paras rajosṭiren mukhiyạ do bargel pạhil din hạbicʼe tạkicʼ daramledińa. Unre Mikayel ńutuman mukhiyạ serma goḍetkoren mitʼṭen do iń goṛowạń lạgitʼe hecʼena, ente iń do Paras rajko talare iń eskargeń tahẽkana.

Johan sodor 12:7

Ona tayom sermare lạṛhại hoyena. Mikạel ar uniren goḍetko do uni biń tulucʼko lạṛhạiyena ar uni bińren goḍetko hõ.

Johan sodor 20:12

Ona tayom iń do, kạṭicʼ lạṭu joto gocʼ hoṛko ona siṅghạson samaṅre teṅgo akaniń ńelketʼkoa. Inạ tayom do puthiko oṭakʼ ocoyena. Ona tayom ar mitʼṭecʼ puthi hõ oṭakʼ ocoyena. Ona do jion reakʼ puthi tahẽkana. Ar ona puthire noko gocʼ hoṛkoakʼ kạmi reaṅ cetʼleka ol tahẽkan onkage onkoakʼ bicạr do hoyena.

Johan sodor 3:5

Okoeye jitạukʼa uni do nonkan ponḍ kicricʼgeye horoga. Ar iń do jion reakʼ puthi khon uniyakʼ ńutum tishõ bạń meṭaotaea, bickom ińren Baba ar uniren goḍetko samaṅreń aṅgocea.

Luk 10:20

Menkhan bhutko apeakʼ kathako ańjometʼkante alope rạskạkʼa, bickom sermare apeakʼ ńutum ol caṛhao akan iạte hulạsokʼpe.”

Daniel 9:12

Ale ar aleren disạm cakʼlaoko upạrte okaṭakʼ katham roṛakatʼ ona purạu lạgitʼ am do ale cetanre maraṅ muskilem ạguakada. Jerusalem cetanre oka hoyakan onka do dhạrti reakʼ ar okare hõ baṅ hoyakana.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 1:5

Jisu kangeae pạtiạricʼ goha do ar gocʼko khon unige pạhil dhaoe jiwetʼ beretʼakana, ar dhạrtiren rapajkoren raj doe uni kangea. Uni do aboe dulạṛetʼbona ar acʼakʼ mãyãmte kại khone chaḍaoketʼbona.

Jihudạwakʼ ciṭhi 1:9

Menkhan mukhiyạ serma goḍet Mikạyel do Moseyakʼ hoṛmo iạte Soetan sãoteye reṭe peṭekʼkan tahẽkanre uni upạrte jãhãn henosta reakʼ katha menkate dusiye do bae dilleda. Bickom uni doe menleda, “Probhu Isor do ame dhomkaome ma.”

Philipiko lạgitʼ Pạul apostolakʼ ciṭhi 4:3

E sạri juri arãṛtiń am hõń nehõram kana, am do nukin maejiu goṛowạkinme. Unkin do Mạsi reaṅ bhage sombat iạte iń tulucʼ, ar Klement ar ińren eṭakʼ são kạmiyạko tulucʼ kosṭokin sahao akada. Nokokoakʼ ńutum do jion reakʼ puthire olakana.

Ephesiko lạgitʼ Pạul Apostolakʼ ciṭhi 1:21

Uni do serma reakʼakʼ sanam lekan ektiạri, daṛe ar mạlikiko Mạsi gobolreye dohokeda. Ar mitʼke mitʼ ńutum cetanre baṅ do nahakʼ jugre baṅ do darakan jugre, ona sanam cetanre Mạsiyakʼ ńutume dohokeda.

Romiko lạgitʼ Pạul Apostolakʼ ciṭhi 11:26

Nonkate joto Israelko do bańcaoko ńama. Sonot sostorre olakana; Sion khon babańcaoicʼe hijukʼa; uni do Jakob bõsren hoṛko tala khon, bedhoromkoe ocokʼ giḍiya.

Jeheskel 13:9

Ińakʼ ti do onko nạbiko upạrte rakabokʼa okoe do eṛe dorsonko ńeletʼkan ar eṛeyakʼko gona-poṛayetʼkan. Ińren hoṛkoakʼ somajre onkoakʼ ńutum do baṅ tahena, ar Israel disạmre hõ onko do bako ruạṛ hecʼ daṛeakʼa. Ar unrepe baḍae daṛeakʼa, iń kangeạń Probhu Isor do.

Jesaea 9:7

Uniyakʼ mạliki reakʼ baḍhaokʼ ar suluk do baṅ cabakʼa. Uni do Dạudakʼ siṅghạson ar uniyakʼ rajosṭi cetanreye rajokʼa; uni do un okte khon jaejug hạbicʼ hok reakʼ bicạr ar dhoromte onae bandhaoa are ṭarhao utạra. Phạdkoren Probhu Isorakʼ ãṭge noae hoeocoya.

Jesaea 4:3

Enhilokʼ Sionre okoe sarecʼko tahen, metakʼme Jerusalemre tinạkʼ jiwetʼko tahen onko do sonot menteko hoho ocokʼa. Jerusalemre jiwetʼ tahen lạgitʼ onko hoṛkoakʼ ńutum do tạlikare ol caṛhaokʼa.

Sereńko 69:28

Jiwetʼkoakʼ tạlika khon onkoakʼ ńutum do meṭaokʼtako ma, ar Isor botoraekoakʼ tạlikare onkoakʼ ńutum do alo tahen ma.

Sereńko 56:8

Tinạkʼ dhaoiń ńir baṛa akatʼ ona mam baḍaege; ińakʼ mẽtʼ reakʼ mẽtʼ dakʼte amakʼ kupi perejtam. Noako do cetʼ amakʼ puthire ol bạnukʼa.

Johan sodor 17:14

Onko do Bheḍa Hopon upạrteko lạṛhạiya ar Bheḍa Hopon do onkoe bhagaokoa, ente uni do Probhukoren Probhu ar raj koren raj kanae. Ar okoeko hoho ocoakan arko bachao ocoakan ar okoe doko pạtiạrkokan onkoge uni tulucʼko tahena.”

Romiko lạgitʼ Pạul Apostolakʼ ciṭhi 11:15

Isor do Jihudiko bae bạsutako khan ar onkoakʼ giḍi ocokʼ do dhạrtirenkoakʼ samgeakʼkan khan enḍekhan Jihudikoe ataṅlekore do cetʼ hoyokʼa? Ona do cetʼ gocʼko jionko ńamakatʼ leka do baṅa?

Daniel 11:45

Doreão ar mońj sonot buruko talare uni do acʼakʼ raj tạmbui bereda. Menkhan uni do acʼakʼ mucạtʼ secʼgeye mohnḍakʼa ar celege uni do bako goṛowaea.

Jeheskel 34:24

Iń Probhu Isorge onkoren Isoriń hoyokʼa ar ińren guti Dạud do onkoren mukhiyại hoyokʼa. Iń Probhuge noa katha doń meneda.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Jeheskel 5:9

Amren hirkhạwan sanam boṅgako iạte am cetanre okań cekae ona do tishõ bạń onka akada ar tishõ bạń onkaea.

Daniel 7:10

Uni samaṅ khon mitʼṭecʼ seṅgel reakʼ gaḍa do ạtu oḍokena. Ar hajar hajar hoṛ do uniko sewawae kan tahẽkana; ar lakh lakh hoṛ do uni samaṅre teṅgo akaeko tahẽkana. Ado bicạr ehopʼena ar puthiko hõ oṭakʼ hoyena.

Joel 2:2

Ona do ńut ar kaṛaṅ kucạṅ ńutakʼ dinge, hende rimil ar kaṛaṅ ńutakʼ dinge. Buru ar ḍuṅgriko cetanre cetʼleka aṅga hijukʼ reakʼ marsal pasnao idikʼ onkage maraṅ ar daṛean pohokoren phạdko hijukʼkana. Nonkan lạṛhại phạd do lahateakʼ jugre tishõ bako tahẽkana, ar oka jugko hijukʼkan unrehõ bako tahena.

Malaki 3:16

Unre okoe do Probhu Isorko botorae kan tahẽkan onko do ako akore kathako roṛana ar Probhu Isor do onae moneyada. Okoe Probhu Isorko botorae kan tahẽkan ar uni babotre khạndri reakʼko hudisetʼkan tahẽkan onko disạko lạgitʼ onko samaṅre mitʼṭecʼ puthi do olena.

Jirimiạ 30:10

“Onate E ińren golam Jakob, am do alom botorokʼa; E Israel, alom as chuṭạukʼa. Iń do sạṅgiń ṭhạ̃i khon am ar bondi idi ocoakan amren hoponko khạṭigeń bańcaokoa. Jakob do arhõ suluk ar nirạiteye tahena ar okoehõ bako botor ocoyea.