Daniel 11:40 - সান্তালী বাইবেল

⁴⁰ “Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 11:40 Referans Kwoze

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Jesaea 5:28

Onkoakʼ sar do dhargetakoa, onkoakʼ akʼ do ṭuniạuge menakʼtakoa; onkoren sadomkoakʼ khurạ do cok muki dhiri leka jhalkaokʼ kana, ar onkoakʼ rãt gạḍiko reakʼ pạ̃ihạ̃ko do hoe bharḍo leka.

Johan sodor 16:12

Ona tayom turuyicʼ serma goḍet do maraṅ gaḍa Phurạtre acʼakʼ bạṭi reakʼe dulkeda. Onate purub disạmren rapajkoakʼ calakʼ hor tearokʼ lạgitʼ ona gaḍa reakʼ dakʼ do ańjetʼena.

Sakariạ 9:14

Ona tayom Probhu Isor do acʼren hoṛko talareye sodorokʼa; uniyakʼ sar do bijli leka malkaokʼtaea. Probhu Isor do sakwae oroṅa ar dạkhin reakʼ birbão hoe lekae laha calakʼa;

Daniel 12:4

Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.

Jeheskel 38:4

Am do tayom secʼ iń ạcurmea ar amakʼ jambere bạ̃ṛsiń lagaoa ar amakʼ goṭa lạṛhại phạdko sãote, metakʼme sanam sadomko, mońj kicricʼ horokʼakatʼ aswariko ar lạṭu kạṭicʼ ḍhalko ar tarwaṛeko sudhạ mitʼ maraṅ okocʼ dol sãote amiń oḍok ạgumea.

Jirimiạ 4:13

Ńelpe, uni do rimilko lekae oṭaṅ hijukʼkana. Uniyakʼ rãt gạḍiko do bharḍo leka hijukʼkana ar uniren sadomko do pajhaṛ cẽṛẽ khon hõko coṭkargea. Hae, hae, abo do bon jarkharena!

Jesaea 21:1

Jalapuri-hahaṅkar reaṅ nạbi katha: Dạkhin disạmte birbao hoe sen idikʼkan leka, ona do hahaṅkar khon hijukʼ kana mitʼṭecʼ botoranakʼ disạm khonge.

Johan sodor 9:16

Ar tayomteń ańjomkeda, sadomre decʼakan palṭonko do lekhare gel hajar gun gel hajar reakʼ dobṛa tahẽkana.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

Jesaea 66:15

Ńelpe, Probhu Isor do seṅgelteye hijukʼa ar uniyakʼ rãt gạḍiko do hoe bharḍo lekage hijukʼa. Unre uni do acʼakʼ edreye sodortaea, uniyakʼ eger do seṅgel lepʼ leka sodorokʼa.

Daniel 11:7

“Ar onako din tayom khange uni raj hoponera reakʼ rehetʼ reakʼ kahleko mod khon mitʼṭecʼ kahle do uni rajakʼ jaegare omon rakapʼa, uni do lạṛhại phạdko upạrteye hijukʼa, ar utạrren rajakʼ gaṛteye bolokʼa; ar onko upạrte lạṛhạikateye jitạukʼa.

Daniel 11:11

“Unre dạkhinren raj do edreteye oḍok hijukʼa ar utạrren raj upạrteye lạṛhạiya. Utạrren raj do maraṅ lạṛhại phạdkoe teṅgolekore hõ enhõ onko doko bhagao ocokʼa.

Daniel 11:13

Utạrren raj do pạhil lạṛhại phạdko khon arhõ maraṅ lạṛhại phạdkoe jarwakoa; ar thoṛa bochor tayom uni do maraṅ lạṛhại phạdko ar ḍher mal jalkoanteye laha idikʼa.

Daniel 11:25

“Uni do maraṅ lạṛhại phạdante dạkhinren raj upạrte acʼakʼ daṛe ar dile uskurtaea. Dạkhinren raj do maraṅ daṛean lạṛhại phạdkoanteye lạṛhạiya, menkhan uni upạrte oka soṛojontro hoyokʼ ona iạte bae teṅgo daram daṛeakʼa.

Daniel 11:39

Uni do bidesren debotakoakʼ goṛote kajak kajak gaṛko acʼakʼ kusi lekae laṛcaṛa, ar jãhãege uniko aṅgoce onko doe manotkoa are maraṅkoa; ar onko do aema hoṛko cetanre mạliki cakʼlaokoe benaokoa, ar jumi jaega do damteye hạṭińakoa.

Daniel 12:9

Uniye menkeda, “E Daniel, noako reaṅ do alom cintạkʼa, ente mucạtʼ okte ạuri hijukʼ hạbicʼ noako katha do bondkate chap dohoakana.

Habakkuk 3:14

Am do amakʼ ṭheṅgate uniren lạṛhại hoṛkoren matham sobokʼedea. One onko do chirchạtur cabale lạgitʼ hoe bharḍo lekako hijukʼkan, one onko nandanicʼ oko okote jome lekako rạskạkʼkan.

Jeheskel 38:9

Amren sanam lạṛhại phạdko ar am sãoten ḍher jạtrenko do ona disạm cetanre jhãp em lạgitʼ hoe bharḍo lekako laha idikʼa; ar ape do rimil leka disạmpe chạplạu eseda.