Daniel 11:37 - সান্তালী বাইবেল

³⁷ Uni do acʼren hapṛamkoren debotako hõ bae hetaoakoa ar maejiukoren hạ̃sasicʼ debota hõ baṅ, uni do cele debotage bae hetaoakoa, ente sanamko cetanre acʼ do sorosicʼe udugokʼa.

Daniel 11:37 Referans Kwoze

2 Thessalonikiko 2:4

Isor mente cetʼko menakʼ onako sanamakʼ upạrte ar sewa ocokʼ jotowakʼ upạrteye teṅgokʼte uni do apnarte maraṅe udugokʼa; ar Isorakʼ mundilre duṛupʼkate acʼge Isor menteye udugokʼa.

Jesaea 14:13

Am do mone monetem meneda, ‘ińge sermateń rakapʼa, Isorren ipilko cetanre ińakʼ siṅghạson iń rakabtińạ; okare debotako jarwa midokʼ ona utạr senakʼ buru coṭre siṅghạsonreń duṛupʼa.

1Timothi 4:3

Noko do manwa baṅ baplakʼ lạgitʼko hukumako kana ar adom adom jomakʼ jojomko baron kana. Menkhan biswạsiko, okoe do Isorakʼ sạriyakʼtetʼko baḍae akatʼ, onko do gun manao joharkateko jomma ar ona iạtege Isor do noako jomakʼe sirjạu akada.

Jeheskel 24:16

“E manwa hopon, noa uyukʼrege am ṭhen khon amakʼ mẽtʼ reakʼ hạ̃siń idi lạgidokʼ kana. Enhõ am do alom rakʼ homora, alom raga se mẽtʼ dakʼ alom joroytama.

Soros sereń 7:10

Iń do ińren dulạṛiạren kạnạń ar ińrege uniyakʼ gagoj do menakʼtaea.

Dosar Biboron 21:11

unre onkoren mońje ńelokʼ maejiu ńelte jãhãeye kusi emanlen khan uni do bạhuttetʼ menteye doho daṛeaea.

Dosar Biboron 5:21

‘Jãhãe hoṛren bạhu alom lalocaea. Ar eṭakʼ hoṛakʼ oṛakʼ duạr, jaega-jumi, guti-kạ̃ṛmĩ, daṅgratae se gadhatae se am aḍepaseren hoṛakʼ jãhãnakʼge alom lalocakʼa.’

Genesis 3:16

Ona tayom uni maejiue metadea, “Bhạrti hoṛmom tahenre amakʼ kosṭo do arhõń ḍher ocoytama. Am do bedonte gidrạm janamea. Ar jãwãe lạgitʼem jaljalaokʼa, ar uni do am cetanre mạlike hoyokʼa.”

Genesis 3:5

Isor doe baḍaea, oka hilokʼ ona dare reakʼ jo ben joma enhilokʼ abenakʼ mẽtʼ do saṛokʼ tabena. Ar onate aben do ạkil ben ńama ar Isor leka ben hoyokʼa.”

Daniel 8:11

Ar acʼtetʼ do onko ipilren mạlik soman kanae menteye udukʼena. Uni ńutumte din hilokʼ reakʼ samaṅokʼakʼ porob uni doe bondkeda ar koejoṅ oṛakʼ hõe besonotkeda.

Daniel 11:36

“Utạrren raj do acʼakʼ kusi lekae kạmiya. Uni do bạḍạiteye perejokʼa ar sanam debotako khone maraṅokʼa udugokʼa ar debotaren Isor upạrte hõ maraṅ maraṅ kathae roṛa; ar raṅgao ạuri cabakʼ hạbicʼ uni doe jo bahakʼa, ente okaṭakʼ ṭhik dohoakan ona do hoyokʼgea.

Daniel 11:38

Onko bodolte uni do aotan gaṛkoren debotakogeye manotkoa; ar okoe debotako do akoren hapṛamko bako oromakatʼko onkoge uni do sona, rupạ, damanakʼ mạnik dhiriko ar sandeskoteye manotkoa.

Jesaea 14:14

Iń do rimil reakʼ muthni cetanreń dejokʼa; ar maraṅ Isor soman iń hoyokʼa.’

Jeheskel 28:2

“E manwa hopon, am do Turren cakʼlaoyicʼ metaeme, Probhu Isor do noa kathae meneda, amakʼ ontor do gorbote perecʼ akana, ar am dom menakada, iń doń deb kana, iń do jalapuri talare Isorakʼ duṛupʼakʼreń duṛupʼ akana; menkhan am do ekenem manwa kana, deb dom baṅkana, enhõ am do debota tulnim hudisokʼ kana.