Daniel 11:35 - সান্তালী বাইবেল

³⁵ Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Daniel 11:35 Referans Kwoze

Sakariạ 13:9

Niạ tesar hạṭińrenko do seṅgel talateń idikoa; rupạ cetʼlekako khạṭi ocoy onkage onko doń khạṭikoa ar sona cetʼlekako biḍạu aṭkar onkage onkoń biḍạu aṭkarkoa. Onko do ińko hohowạńạ ariń roṛ ruạṛakoa; ińiń metakoa, ‘noko do ińren hoṛ kanako,’ ar onkoko mena, ‘Probhu Isor do aleren Isor kanae.’ ”

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Johan sodor 2:10

Am do okako dukem jom lạgidokʼkan onate thoṛa hõ alom botorokʼa. Ańjomme, Soetan do ape modren adomko biḍạupe lạgitʼ hajotreye bhoraopea, ar gel din hạbicʼ ape do kosṭope joma. Am do gujukʼ hạbicʼ pạtiạr akae tahenme, enḍekhan jitạukʼ reakʼ mala leka jioniń emama.

Kạhtukko 17:3

Rupạ biḍạu aṭkar lạgitʼ do galao reakʼ jinis menakʼa ar sona biḍạu aṭkar lạgitʼ jinis do culhạ, menkhan manwa ontor do Probhu Isorgeye biḍạu aṭkara.

Jakob 1:2

E ińren boehako, ạḍi lekan biḍạurepe paṛaokʼlenre ona do rạskạ reakʼ kana mente alope hudisa,

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 8:10

Ona do hara harate sermaren ipilko hạbicʼ seṭerena ar adom ipil do otreye ńurhạketʼkoa ar jaṅgateye lebetʼ gańjaoketʼkoa.

Dosar Biboron 8:16

Uni do hahaṅkarre Mannae jom ocoketʼpea, ona reakʼ katha aperen hapṛamko do bako baḍaekan tahẽkana. Ape biḍạu aṭkarpe ar apeakʼ bạḍại rạpudtape lạgitʼ uni do onae ematʼpe tahẽkana jemon mucạtʼ hạbicʼ apeakʼ bhạlại hoyokʼtapea.

Johan sodor 17:17

Noa reakʼ karon do kana, Isor do onkoakʼ monre nonkan monejoṅakʼe emakatʼkoa jemon uniyakʼ katha purạukʼtae. Onate onko do mitʼ monte uni janwar ṭhen akoakʼ sanam daṛeko danaea, jemon Isorakʼ katha ạuri purạukʼ hạbicʼ uni doe raj daṛeakʼ.

Johan sodor 14:15

Ona tayom mitʼṭen serma goḍet mundil oṛakʼ khone oḍok hecʼena ar okoe ona rimilreye duṛupʼ akan tahẽkan uni ãṭ aṛaṅteye metadea, “Amakʼ datrom calaotam, phosol gedme, ente phosol samṭao reakʼ okte do hoyakana; ar dhạrti reakʼ phosol do purạte beleakana.”

Johan 20:25

Ar eṭakʼ celako do Thomako lạiyadea, “Ale do Probhule ńel akadea.” Khan Thoma do onkoe metatʼkoa, “Iń do tin hạbicʼ uniyakʼ banar tire jạlại reakʼ cinhạ bạń ńel, ar bhugạkʼre kạṭupʼ bạń gutui ar kokhare ti bạń sog unhạbicʼ ohogeń pạtiạulena.”

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Mathae 26:56

Menkhan noa joto do hoyena jemon nạbiko reakʼ olakʼko purạukʼ.” Unre celako do Jisuko ńir bạgiyadea.

Mathae 16:17

Jisui roṛ ruạṛadea, “Jona hopon Simon, am dom bhạgangea, ente okoe manwa hõ am ṭhen noa do bae sodor akada; menkhan ińren sermaren Babageye sodor akatʼmea.

Daniel 12:4

Menkhan am, Daniel do, mucạtʼ okte ạuri hijukʼ hạbicʼ noa nạbi katha reakʼ puthi bondkate ona reakʼ kathako chapkate dohokakʼme. Onako dinre ḍherkoge hanḍe nanḍeko calakʼa ar ạkil do baṛhaokʼtakoa.

Daniel 11:33

“Onko hoṛko modre okoekoakʼ bujhạu reakʼ daṛe menakʼtako onko do ḍher hoṛko cetʼakoa, enhõ thoṛa okte hạbicʼ onko talare ḍherkoge tarwaṛe ar seṅgel lepʼ, kạidạu ocokʼ ar luṭ ocokʼteko gurokʼa.

Daniel 11:29

“Niṭ akatʼ oktere uni do arhõ dạkhin disạm cetanre jhãpe ema, menkhan pạhil dom leka niạ dom do baṅ hoyokʼa.

Daniel 11:27

Ar nukin banar rajge bạṛicʼakʼ secʼkin mohnḍakʼa ar ṭebilre duṛupʼkate apan ạpin talare eṛe kathakin roṛa, menkhan onate bạkin jo bahakʼa, ente unkinakʼ jotowakʼ reakʼ mucạtʼ do niṭ akatʼ okterege hijukʼa.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”

2 Bõsbudạ 32:31

Disạmre okaṭakʼ hahaṛa kạmi ńellen ona reaṅ kuliye lạgitʼ tinre Babelren mukhiyạko do goḍetko kolkedea unre Isor do uni biḍạue lạgitʼ iạteye bạgi oṭo akade tahẽkana, jemon uniyakʼ monre menakʼakʼ sodorokʼtae.

Aposkạmi 13:13

Noa tayom Pạul ar uniren sãotenko do jahajte Paphos khon Pamphuliạ disạm reakʼ Perga nagrahateko calaoena. Unre Johan do onko bạgikate Jerusalemteye ruạṛ senena.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Jesaea 27:9

Niạ hotete Jakobakʼ kại reakʼ rin do puruchunokʼtaea, menkhan uniyakʼ joto kạiko sạṅgiń giḍikatae lahare cun dhiri leka uniyakʼ pinḍ reakʼ dhirikoe gejertaea; onate Asera muṭhạn se dhup-pinḍko do ar baṅ tahena.

Daniel 12:3

Okoeyakʼ bujhạu reakʼ daṛe menakʼtako, metakʼme okoe do ḍher hoṛko dhorom reakʼ horteko ạguakatʼko onko do sermaren marsal ar jolokʼkan ipil leka jaejug jol akanko tahena.