Daniel 11:33 - সান্তালী বাইবেল

³³ “Onko hoṛko modre okoekoakʼ bujhạu reakʼ daṛe menakʼtako onko do ḍher hoṛko cetʼakoa, enhõ thoṛa okte hạbicʼ onko talare ḍherkoge tarwaṛe ar seṅgel lepʼ, kạidạu ocokʼ ar luṭ ocokʼteko gurokʼa.

Daniel 11:33 Referans Kwoze

Johan 16:2

Sunạgog khonko oḍok idipea; ar nonkan okte hijukʼ kana one okoe apeko gocʼpe onko doko monejoṅa, Isorgeko sewawae kana mente.

Mathae 24:9

“Unre santaope lạgitʼko soprotʼpea arko gocʼpea. Iń iạte sanam hoṛko hirkhạwapea.

Malaki 2:7

Isorakʼ monsubạ babotre cecetʼakʼ emokʼ do naekekoakʼ lek kana, menkhan ona cecetʼakʼ jemon alo adokʼ. Ona chaḍa Isorakʼ katha baḍae lạgitʼ do naekeko ṭhenge calakʼ jạruṛa, ente onko do phạdkoren Probhu Isorren paṭhaona hoṛ kanako.

Johan sodor 17:6

Ariń ńelkedea, uni maejiu do Isorren hoṛkoakʼ mãyãm ar okoe do Jisu reaṅ gohako emakatʼ onkoakʼ mãyãm ńũteye bul akana.

Ibriko 11:34

ar jolokʼ seṅgel reakʼ daṛeko nimbhạuleda, tarwaṛe khonko rukhiyạlena, nijor khonko daṛe ocolena, lạṛhạire daṛeko udukʼleda ar bidisiạ palṭonkoko laga ńirletʼkoa.

Daniel 12:10

Ḍherkoge, sapha, niphuṭ arko khạṭi ocokʼa, menkhan dusṭạmi hoṛ do bedhorom iditegeko tahena. Dusṭạmiko do celege bako bujhạu daṛeakoa, menkhan ạkilanko doko bujhạu daṛeakogea.

Johan sodor 7:14

Adoń metadea, “Ńelme, ona do amgem baḍaea.” Uni doe metadińạ, “Ona maraṅ saset khon okoeko hecʼakan onko doko noko kangea. Onko do akoakʼ kicricʼko Bheḍa Hoponakʼ mãyãmte ạrupʼkateko ponḍ akatʼtakoa.

Johan sodor 6:9

Ar mõṛẽakʼ mohor chape raṛayetʼ tahẽkanre iń do pinḍ latarre nonkan hoṛkoakʼ jiwikoń ńelkeda, one okoe do Isorakʼ katha ar goha iạteko gocʼ ocolen tahẽkan.

Johan sodor 2:13

Am okarem tahenkan ona doń baḍaegea; onḍe do Soetanakʼ siṅghạson menakʼa. Enhõ am do ińre pạtiạr menama ar iń cetanre amakʼ pạtiạu do bam baṅ akada. Okare Soetane tahenkan onḍe ińren pạtiạricʼ goha Antipas do ape samaṅreye khũn ocolenre hõ am do amakʼ pạtiạu bam baṅlakʼa.

Johan sodor 1:9

Iń aperen boeha Johan do Jisu tulucʼ iń kolom mitʼ akante ape tulucʼ inạ duk, inạ rajosṭi ar inạ soboriren bhạgiyạdariń hoyakana. Iń do Isorakʼ katha ar Jisuakʼ gohań porcarletʼte Patmosko metakʼ dipreń doho ocolena.

2Timothi 4:6

Ente iń do ńit hoń coḍor ocokʼ kana; ar ińakʼ gujukʼ okte do seṭer akana.

2Timothi 1:12

Ar ona iạte noako dukiń jomakada; ar enrehõ bạń lajaokʼkana, enteń baḍaea okoereń bhorsa akana mente. Iń doń khạṭi akawana, uni ṭhen okań dohoakatʼ ona do Mạsiyakʼ hijukʼ din hạbicʼ rukhiyạ lạgitʼ daṛe menakʼtaea mente.

1 Korinthiko 4:9

Ińakʼ bujre Isor do ale apostolko ses utạrko menkateye udukʼ akatʼlea, gocʼ ocokʼ lạgitʼ ṭarhao akanko lekage. Ale do goṭa dhạrtirenko ṭhen, metakʼme sermaren goḍetko ar manwako ṭhen tamasa lekale hoyakana.

Aposkạmi 14:21

Ado Derbere bhage sombat porcarkate Pạul ar Barnabas do ạḍi utạrkin celaketʼkoa. Ona tayom Lustra, Ikonium ar Pisidiạ Prodes reakʼ Antiokiạte ruạṛ senkate onḍenko celakoakʼ biswạskin kajakketʼte onkokin daṛe ocoketʼkoa ar pạtiạure ṭarhao tahen lạgitʼkin udgạuketʼkoa. Unkinkin menkeda, “Isorakʼ rajte bolokʼ lạgitʼ ạḍi utạr duk jojom hoyokʼ tabona.”

Aposkạmi 11:26

ar uniye ńamkede khan Antiokiạteye ạgukedea. Barnabas ar Sạul do goṭa bochor manḍerren hoṛko sãotekin tahẽyena ar ạḍi utạr hoṛkin cetʼatʼkoa. Ar noa Antiokiạrege celako do pạhil Khristanko ńumocoyena.

Mathae 28:20

Ar okakoń hukum akatʼpe onako doho cetʼakope. Ńelpe, jug mucạtʼ hạbicʼ iń do ape tulucʼ minạńa.

Mathae 20:23

Unre Jisui metatʼkinạ, “Ińakʼ bạṭi reakʼ ma ben ńũiyge, menkhan ińakʼ jojomsa ar ińakʼ leṅgasa aṛere duṛupʼko reakʼ ektiạri do bạnukʼtińạ. Ona do ińren Baba okoe lạgitʼe dohoakatʼ onkogeko ńama.”

Mathae 13:11

Uniye roṛ ruạṛatʼkoa, “Ape do serma raj reakʼ okoakʼkope baḍae ocoakana, menkhan onko do baṅ em akatʼkoa.

Mathae 10:21

“Boeha do boehattetʼe soprotea gocʼ ocoye lạgitʼ ar apat do hopontetʼ, ar hoponko do go-baba upạrteko teṅgona arko gocʼ ocokoa.