Daniel 11:31 - সান্তালী বাইবেল

³¹ Uni ṭhen khon kol ocoakan lạṛhại phạdko doko hijukʼa ar sonot ṭhạ̃i, ar aotan gaṛko bhonḍa ar din hilokʼ reakʼ samaṅokʼakʼko caba ocoya. Ona tayom onko do jarkharakʼ ujạṛakʼgeko bạisại oṭokakʼa.

Daniel 11:31 Referans Kwoze

Daniel 12:11

Ar din hilokʼ reakʼ samaṅokʼakʼ do enhilokʼ khon bond ocokʼa ar ujạṛ utạrakʼ jinisko bạisạu dohokʼa ar enhilokʼ khon mitʼ hajar barsae aregel din do purạukʼa.

Daniel 9:27

Ar uni disạm cakʼlaoicʼ do mitʼ hapta lạgitʼ ḍher hoṛko sãote keṭecʼ mitʼṭecʼ bondobose bandhaoa, ar tala hapta hạbicʼ uni do teṅgenokʼakʼ ar jomakʼ samaṅokʼakʼe caba ocoya; ar jarkharicʼ do hirkhạwakʼko reakʼ phạ̃kṛạ̃kʼteye hijukʼa niṭakatʼ sumạrokʼ jarkharicʼre ạuri dul bubhạukʼ hạbicʼ.”

Mathae 24:15

“Daniel nạbi hotete ujạṛ reakʼ hirkhạwakʼ reaṅ oka roṛ akan ona sonot jaegare teṅgo akanpe ńellere (okoeye paṛhaoetʼkan uni doe bujhạuma),

Mark 13:14

“Ar ujạṛ utạrakʼ hirkhạwakʼ okare tahen baṅ ganokʼ, ona tinre onḍe tahẽ akanpe ńela (Paṛhaoicʼ doe moneyakʼma) unre Jihudạre tahenko do buruteko ńir joṅma.

Johan sodor 17:12

“Oka gel goṭecʼ bohokʼem ńelakatʼ onako do gel goṭen rapajko kanako. Onko do ńit hõ rajosṭi bako ńam akada, menkhan onko do uni janwar tulucʼ mitʼ ghuṛi lạgitʼ rapajko lekate ektiạriko ńama.

Luk 21:20

“Tinre Jerusalem do palṭonko hotete esetʼ ạcurakatʼpe ńela unre bujhạupe, Jerusalem dhaṅ dhaserokʼ din do sorakana mente.

Daniel 8:26

“Am do ńindạ ar setakʼ reakʼ samaṅokʼ reaṅ okaṭakʼ dorsonem ńel ocoyen ona do sạrikana, menkhan noa dorson do chapkate dohokakʼme, ente ona do tayom daram dinre hoyokʼa.”

Daniel 8:24

Uni do ạḍi daṛeanicʼe hoyokʼa, menkhan apnarakʼ daṛete do baṅ. Uni doe marao utạra ar jãhãnakʼgeye cekae onaregeye jo bahakʼa. Uni do daṛean hoṛko ar Isorren hoṛkoe maraokoa.

Jeheskel 9:7

Ona tayom Isor do onkoe metatʼkoa, “Gocʼ hoṛkote bakher raca perejpe ar mundil do bhonḍpe. Do calakʼpe, ar kạmipe.” Onate onko doko oḍokente nagrahate senkate hoṛ gogocʼko ehopʼena.

Rak̕joṅ 2:7

Probhu Isor do uniyakʼ pinḍe nihạ̃t giḍi akada, ar uniyakʼ sonot ṭhạ̃iye dea giḍi akatʼtaea. Uniyakʼ aotan gaṛ reakʼ pạcriko do bạirikoakʼ tireye soprot akada. Porob reakʼ dinko leka bạiriko do Probhu Isorakʼ oṛakʼreko andoṛetʼa.

Rak̕joṅ 1:10

Uniren bạiriko do uniyakʼ damanakʼ jinisko joṭetʼ akatʼtaea; boṅgan hoṛ jạtrenko hõ acʼakʼ sonot ṭhạ̃ite bolokʼe ńelakatʼkoa. Noko doko onko hoṛ kangea okoe do amakʼ somajte bolokʼem baronletʼko.

Jirimiạ 7:30

Probhu Isore meneda, “Jihudạren hoṛ do iń nońjorre bạṛicʼakʼko kạmi akada. Ińakʼ oṛakʼre akoren hirkhạwan boṅgako doho akatʼkote onako bhonḍakada.

Jirimiạ 19:4

Ente onko do ińko bạgi giḍi akadińa ar niạ ṭhạ̃i do debotakoakʼ ṭhạ̃iko benao akada; onko do nonkan debotako ṭhen dhupko jeretʼeda one onkoakʼ katha do akoren hapṛamko se Jihudạren rapajko hõ tisge bako baḍaekan tahẽkan. Ona chaḍa niạ ṭhạ̃i do miridoskoakʼ mãyãmteko perecʼ akada.

Hosea 3:4

Ṭhik nonkage Israelko do ḍher din hạbicʼ rapajko, mukhiyạko, samaṅokʼakʼ porobko, pujạ reakʼ dhiriko, ephod ar boṅgako chaḍageko tahena.