Daniel 11:27 - সান্তালী বাইবেল

²⁷ Ar nukin banar rajge bạṛicʼakʼ secʼkin mohnḍakʼa ar ṭebilre duṛupʼkate apan ạpin talare eṛe kathakin roṛa, menkhan onate bạkin jo bahakʼa, ente unkinakʼ jotowakʼ reakʼ mucạtʼ do niṭ akatʼ okterege hijukʼa.

Daniel 11:27 Referans Kwoze

Sereńko 12:2

Manwa do manwa ṭhen eṛeko roṛetʼkana; onko do luṭite kathako roṛa ar ontor do eṛete perecʼgetakoa.

Habakkuk 2:3

Ente noa dorson reakʼ katha hoyokʼ lạgitʼ ńithõe tạṅgiyeda, menkhan usạratege hijukʼkana ar ona dorson do eṛe mente baṅ sạbudokʼa. Bilom lenrehõ ona lạgitʼ koyokʼ hor akae tahenme; ona do niṭ akatʼ okterege purạukʼa. Ar noa katha do ol dohokakʼme:

Daniel 11:35

Ar ạkilanko modre adom adomko doko gurokʼa jemonko niphuṭ ocokʼa, arko pạṛchạ ocokʼ arko sapha ocokʼ mucạtʼ okte hạbicʼ, ente unhõ mucạtʼtetʼ do niṭ akatʼ okterege hoyokʼa.

Sereńko 64:6

Onko do bedhorom reakʼ motlob aṭaokateko mena, “Abo do sanam secʼ hudis cintạkate mitʼṭecʼ bon goṭayeda.” Sạrige manwa mon ar ontor reakʼ khạndritetʼ do ohoge jokha daṛelena.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 8:19

Uni doe menkeda, “Edre okte reakʼ mucạtʼ dinkore oka hoyokʼ ona do amiń lạiyam kana, ente dorson do hoyokʼkana mucạtʼ dinko reakʼ niṭ akatʼ okte reaṅ.

Kạhtukko 26:23

Hasa bhajanre jiṛipʼ jiṛibokʼ lasraoakʼ leka kana, bạṛicʼ monre cĩkạ̃ṛ luṭi do.

Kạhtukko 12:20

Okoe bạṛicʼ phundiko aṭaoetʼ onkoakʼ ontorre do phạsiạratetʼ tahena, menkhan okoe bhạlại reakʼ solhako emokʼ onkoakʼ ontorre do rạskạ tahena.

Sereńko 58:2

Se, apeakʼ monre behok reakʼ monsubạ menakʼtapea; bicạr reakʼ tulạte dhạrtire ape do santaogepe soṅeda.

Sereńko 52:1

E daṛeanicʼ bir banṭa, cedakʼ am do bạṛicʼakʼko iạtem gorbokʼkana? Isorakʼ dulạṛ reakʼ mucạtʼtetʼge bạnukʼanaṅ.

1 Thessalonikikko 5:1

E boehako, oka okte ar oka dinre ona hoyokʼa, ona reaṅ thoṛa olape reakʼ do jãhãn jạruṛ bạnukʼa. Ape do pusṭạutepe baḍaegea, ńindạ cetʼleka kombṛoe hijukʼa, onkage Probhu Isorakʼ ona din hõ hijukʼa.

Aposkạmi 17:31

ente uni do nonkan mitʼṭecʼ dine nenḍa akada one ona dinre acʼe bahal akade mitʼṭen hoṛ hotete manwako dhoromteye bicạrko. Uni do gocʼko khone jiwetʼ beretʼ akadete sanam manwako ṭhen noae sạbud akada.”

Aposkạmi 1:7

Jisui metatʼkoa, “Okaṭakʼ din se okte Baba do acʼakʼ ektiạrireye dohoakatʼ ona do bape baḍae ocoakana.

Daniel 11:29

“Niṭ akatʼ oktere uni do arhõ dạkhin disạm cetanre jhãpe ema, menkhan pạhil dom leka niạ dom do baṅ hoyokʼa.

Daniel 10:1

Parasren raj Koresakʼ rajokʼ tesarakʼ bochorre okoe do Beltesasare ńutum ocolen uni Daniel ṭhen mitʼṭecʼ katha sodorena. Katha do sạrikana ar ona do mitʼṭecʼ maraṅ kosṭo reaṅge. Mitʼṭecʼ dorson hotete uni doe bujhạu ocoyena.

Jeheskel 17:9

“Am do onkom metakoa, Probhu Isore meneda, ‘uni do cetʼe hara rakabokʼgea? Cetʼ uni do ona reakʼ rehetʼ bae or toda ar ona reakʼ thopako bae geda jemon rohoṛokʼ ar nãwã sagenakʼ sanam sakamko tolmojokʼ? Ar ona reakʼ rehetʼ sudhạ or totʼ giḍikakʼ lạgitʼ ḍher hoṛakʼ jạruṛ do baṅ lagaokʼa.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Sereńko 62:9

Somajren huḍińko do bhap leka, ar napṛakʼko do eṛeakʼge; tulạre onko do jotoge hoe khon hõko rawalokʼa.

2 Samuel 13:26

Unre Absalom do raje metadea, “Am bam calakʼ khan tobe do ińren boeha Amnon ale sãote sen ocoaeme.” Raj do uniye kulikedea, “Cedakʼ ape tulucʼ doe calakʼa?”

Daniel 11:28

Utạrren raj do ḍher dhon-duribante acʼakʼ disạmteye ruạṛ calakʼa, menkhan uniyakʼ ontor do sonot bondobos birudre tahena. Uni do acʼakʼ kusilekae kạmiya ar ona tayom do apnarakʼ disạmteye ruạṛ calakʼa.

Daniel 8:17

Iń okareń teṅgo akan tahẽkan ona ṭhạ̃ireye hecʼen khan iń do botorte otreń bhindạṛena. Uni do ińe metadińạ, “E manwa hopon, noa dorson je ses dinko babot reakʼkan ona baṛe bujhạume.”