Daniel 11:26 - সান্তালী বাইবেল

²⁶ Okoe do rajakʼ jomakʼ reakʼ hĩsko ńam onkoge uniko maraoea. Uniren maraṅ lạṛhại phạdko tahẽlenre hõ onko do ḍhergeko gocʼ ocokʼa.

Daniel 11:26 Referans Kwoze

Daniel 11:10

Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Johan 13:18

Ape sanamkoakʼ katha do bạń meneda. Iń okoeyiń bachao akatʼko onko doń baḍae akatʼkogea. Menkhan sonot sostor reakʼ noa katha do purạukʼtege hoyokʼa, ‘okoe iń tulucʼ piṭhại jojomkan unige iń upạrte jaṅgae tulketʼtaea.’

Mark 14:20

Jisui metatʼkoa, “Uni do gelbarko modren mitʼ hoṛge, okoe do iń tulucʼ bạṭire piṭhại topoyetʼkan.

Mathae 26:23

Uniye roṛ ruạratʼkoa, “Iń tulucʼ bạṭire okoe tiye topoyetʼkan unige iń doe soprotińạ.

Daniel 11:40

“Mucạtʼ oktere dạkhinren raj do uni tulucʼe ropokʼa; ar utạrren raj do rãt gạḍiko, aswariko ar ḍher jahajante uni upạrte hoe bharḍo lekae hijukʼa. Uni do aema disạmko cetanre jhãpe ema ar banbạsi lekae ạtu saphakoa.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Sereńko 41:9

Okoe doe ińren dulạṛiạ gatekan, okoere ińakʼ nunạkʼ pạtiạu menakʼtiń, ar okoe do iń tulucʼe jom ńũiyetʼkan, uni hõ iń upạrte iḍiye tuletʼtaea.

2 Rapajko 8:14

Inạ tayom Hosael do Elisae ṭhen khon acʼren mạlik ṭhene ruạṛ calaoena. Binhadad do uniye kulikedea, “Elisae do cetʼe metatʼmea?” Hosaele roṛ ruạṛkeda, “Uni doe metadińạ khạṭigem bogekʼa.”