Daniel 11:17 - সান্তালী বাইবেল

¹⁷ Uni do acʼakʼ goṭa rajosṭi reakʼ daṛe salakʼ onḍe hijukʼ lạgitʼe goṭaea ar dạkhinren raj sãoteye gatekʼa. Ar ona rajosṭi marao lạgitʼ uni do acʼren hoponera dạkhinren raj sãoteye baplayea, menkhan uniyakʼ goṭawakʼ do baṅ jo bahakʼtaea se jãhãn bhạlạige baṅ hoyokʼtaea.

Daniel 11:17 Referans Kwoze

Jeheskel 4:7

Am do Jerusalem reakʼ gherao ạcur akan secʼ amakʼ mẽtʼãhãm samaṅtama ar ti cetan khon kicricʼ ocokʼkate ona nagraha upạrtem nạbiya.

Jeheskel 4:3

Ona tayom mẽṛhẽtʼ reakʼ mitʼṭecʼ paṭa hataokate ona do am ar nagraha talare pạcri leka dohoyme ar amakʼ mẽtʼãhã ona secʼ ạcurtam. Onate nagraha do esetʼ ạcur akana mente bujhạukʼa; ar nonkatem ńela, nagraha do gherao ạcur akana. Ar noa do Israel jạtrenko lạgitʼ mitʼṭecʼ cinhạge hoyokʼa.

2 Rapajko 12:17

Onako dinre Aramren raj Hasael doe rakapʼ calaoente Gat upạrteye lạṛhạiyena ar onae hatkeda. Ona tayom Jerusalem akromon lạgitʼ uni doe laha idiyena.

Romiko lạgitʼ Pạul Apostolakʼ ciṭhi 8:31

Enḍekhan noako babotre cetʼbon menkea? Isor abo tulucʼ menae khan enḍekhan jãhãeye hạ̃n daṛekebona?

Luk 11:23

“Jãhãege iń secʼrene baṅkan khan uni do iń upạrten kanae. Okoe iń sãote bae halaṅ uni doe chiṭiạua.

Luk 9:51

Ado sermate calakʼ reakʼ okte hoyentae khan uni do Jerusalemte calakʼ lạgitʼe mon murukkeda.

Mathae 12:30

“Okoe iń secʼrene baṅkan hoṛ do iń upạrten kanae. Okoe iń sãote bae samṭao uni doe chiṭiạua.

Daniel 11:19

Inạ tayom uni do acʼakʼ disạm reakʼ gaṛteye ruạṛ hijukʼa, menkhan uni doe ńurokʼa; ar ńamge bae ńamokʼa.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Jeheskel 25:2

“E manwa hopon, Amonrenko secʼ amakʼ mẽtʼãhã samaṅme ar onko upạrte nạbikatha roṛme.

Jeheskel 17:17

Pharao do acʼren maraṅ lạṛhại phạdko ar aema gadel hoṛkoante lạṛhạire do bae goṛoaea. pinḍhạko upʼ rakabre ar gherao bhitko benaore aema hoṛko gocʼko lạgitʼ.

Kạhtukko 19:21

Manwa monre ạḍi lekan phundi tahena, menkhan Probhu Isor okaṭakʼe ṭhik dohoakatʼ onage hoyokʼa.

Sereńko 56:9

Tinre amiń hohowama, unre ińren bạiri doko dạṛ pạnḍuja; ińiń baḍaea Isor do iń secʼge menaea.

2 Bõsbudạ 20:3

Onate Jehosaphat do botor caṛhaoadeteye goṭawana, Probhu Isor ṭhen goṛoye hataoa mente. Uni do Jihudạ disạm reakʼ sanam ṭhạ̃ikore upạs reakʼe lại sodorkeda.

Habakkuk 1:9

Onko do santao lạgitʼgeko hijukʼkana. Onkoren maraṅ phạdko doko laha hijukʼkana ar gitil leka alekha hoṛko bondi idikoa.