Daniel 11:10 - সান্তালী বাইবেল

¹⁰ Uniren hoponko do lạṛhạiko ehoba, ar aema gadel lạṛhại phạdko jarwakoa, onko do banbạsi leka lạṛhại lạṛhạite dạkhin rajakʼ gaṛ hạbicʼko calakʼa.

Daniel 11:10 Referans Kwoze

Daniel 11:7

“Ar onako din tayom khange uni raj hoponera reakʼ rehetʼ reakʼ kahleko mod khon mitʼṭecʼ kahle do uni rajakʼ jaegare omon rakapʼa, uni do lạṛhại phạdko upạrteye hijukʼa, ar utạrren rajakʼ gaṛteye bolokʼa; ar onko upạrte lạṛhạikateye jitạukʼa.

Daniel 9:26

Ar ona turuigel bar hapta tayom uni ojokʼicʼ doe gocʼ ocokʼa ar uniyakʼ do cetʼge baṅ tahentaea. khan hijukʼkanicʼ cakʼlaoicʼren hoṛko do nagraha ar koejoṅ oṛakʼko maraoa. Ar ona reakʼ mucạtʼ do banbạsite hoyokʼa, ar mucạtʼ hạbicʼ lạṛhại do calao idikʼa; ar ona reakʼ jarkharokʼ do niṭakana.

Jirimiạ 51:42

Babel cetanre jalapuri do rakapʼ hijukʼa, uniyakʼ haḍak ḍabak ḍheoko do uniye unumea.

Daniel 11:26

Okoe do rajakʼ jomakʼ reakʼ hĩsko ńam onkoge uniko maraoea. Uniren maraṅ lạṛhại phạdko tahẽlenre hõ onko do ḍhergeko gocʼ ocokʼa.

Daniel 11:22

Ar uni samaṅ khon lạṛhại phạdko doko laga ńir ocokʼa arko rạputʼ gejer ocokʼa ar bondobosren mạlik hõe rạputʼ gejer ocokʼa.

Jesaea 25:12

Uni do Moabakʼ pạcri reakʼ usul gaṛkoe lạnduṛ giḍikakʼa; onako doe hasareye mesaoa, ar dhuṛi lekae hoeocoya.

Daniel 11:9

Ona tayom utạrren raj do dạkhin rajakʼ rajosṭiteye bolokʼa, menkhan uni do acʼakʼ disạmte ruạṛ calakʼ hoyokʼtaea.