Daniel 10:20 - সান্তালী বাইবেল

^20-21 Unre uni do ińe metadińa, “Amem baḍaea cetʼ lạgitʼ am ṭheniń hecʼakana? Sạriyakʼ puthire oka olakan ona baḍae ocome lạgitʼgeń hecʼakana. Parasren mukhiyạ upạrte lạṛhại lạgitʼ iń do usạrateń ruạṛ calakʼa ar ińiń calaolen tayom Junạnren mukhiyạ hõ lạṛhại lạgitʼe oḍok hijukʼa. Amren hoṛkoren mukhiyạ uni Mikayel chaḍa ar okoehõ uni upạrte teṅgo goṛowạńko do bạnukʼkoa.

Daniel 10:20 Referans Kwoze

Daniel 8:21

Uni upʼan merom doe hoyokʼkana Junạn reakʼ rajosṭi ar uniyakʼ banar mẽtʼkin tala reakʼ maraṅakʼ dereń do hoyokʼ kana ona rajosṭiren pạhilicʼ raj.

Daniel 10:13

Menkhan Paras rajosṭiren mukhiyạ do bargel pạhil din hạbicʼe tạkicʼ daramledińa. Unre Mikayel ńutuman mukhiyạ serma goḍetkoren mitʼṭen do iń goṛowạń lạgitʼe hecʼena, ente iń do Paras rajko talare iń eskargeń tahẽkana.

Aposkạmi 12:23

Herod do unre Isor bae sarhaoledete Probhu Isorren mitʼṭen goḍet do uniye ńẽtʼkedea, arko tejokedete uni doe gocʼena.

Daniel 7:6

“Ona tayom iń do ar mitʼṭecʼ janwariń ńelkedea. Uni do ńelokʼte hunḍạr lekae tahẽkana. Uniyakʼ deare do cẽṛẽkoakʼ phạ̃kṛạ̃kʼ leka ponea phạ̃kṛạ̃kʼ tahẽkana. Nui janwarakʼ do ponea bohokʼ tahẽkantaea ar uni do raj ektiạriye emocoyena.

Jesaea 37:36

Ona tayom Probhu Isorren goḍet do oḍok senkate Ạsurrenkoakʼ ḍeraren mitʼ lakh irạlgel mõṛẽ hajar hoṛe gocʼketʼkoa. Ar dosar hilokʼ setakʼre hoṛko to tinreko beretʼena unre sanam jaegare eken mạ̃ṛĩko ńelkeda.

Esra 4:4

Unre onkoakʼ disạmreko girobasokʼ kan eṭakʼ eṭakʼ jạtrenko do Jihudạren hoṛkoakʼ tiko lạbṛukʼ ketʼtakoa ar botor udukʼakoko ehopʼena jemon ona oṛakʼ aloko benao daṛeakʼ.