Daniel 10:19 - সান্তালী বাইবেল

¹⁹ Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Daniel 10:19 Referans Kwoze

Jesaea 35:4

Ḍurukiạ monanko metakope, “Ape do daṛeanko hoyokʼpe, ar alope botorokʼa. Aperen Isor doe hijukʼa, uni do halahạli ar sạjại emokʼ lạgitʼgeye hijukʼa; ar hecʼkateye bańcaopea.”

Josuạ 1:9

Iń do amiń hukum akatʼmea, onate daṛean hoyokʼme ar monre dil dohojoṅme. Ar alom botorokʼa se alom as chuṭạukʼa, ente jãhãtegem senokʼ onḍege amren Probhu Isor do am sãoteye tahena.”

Bikʼcạrko 6:23

Menkhan Probhu Isor do uniye metadea, “Suluk hoyokʼtam ma, ar alom botorokʼa. Am do bam gujukʼa.”

Daniel 9:23

Am do koejoṅem ehopʼletʼrege Isor doe roṛ ruạṛe em akatʼmea, ar ona baḍae ocome lạgitʼgeń hecʼakana, ente uni do ạḍiye dulạṛetʼmea. Ona iạte ona katha moneyakʼme ar dorson baṛe bujhạu joṅme.

Johan sodor 1:17

Uni ńelte iń do gocʼicʼ leka uniyakʼ jaṅga ṭheniń bhindạṛena. Unre uni do acʼakʼ jojomtite capokedińteye metadińạ, “Alom botorokʼa. Iń kangeạń pạhilicʼ ar mucạtʼicʼ do,

2 Korinthiko 12:9

Menkhan uni doe metadińa, “Ińakʼ dayage am lạgitʼ ḍhera, ente nijorrege ińakʼ daṛe do sodorokʼa.” Onate ińakʼ nijorakʼko reaṅakʼre ạḍi kusikateń sarhaokʼa, jemon Mạsiyakʼ daṛe ińre tahen.

Johan 14:27

“Iń do ape lạgitʼ suluk iń doho oṭokakʼ kana, ińakʼ sulukge apeń emape kana; dhạrti cetʼ lekae emokʼkan onka do bạń emokʼ kana. Apeakʼ ontor do alo khad badaokʼtapema ar monre botor hõ alo tahentape ma.

2Timothi 2:1

Ado E bachatiń, Mạsi Jisuakʼ dayate am do daṛeanicʼ hoyokʼme.

Johan 19:26

Jisu do acʼren eṅgattetʼ ar uniye dulạṛedekan tahẽkan cela teṅgo akane ńelketʼkin khan eṅgattetʼe metadea, “E go, ńeleme nũkʼũitam hoponme.”

Johan 21:20

Patras do tayom secʼe beṅgetʼ ạcurketʼ khan, Jisui dulạṛedekan tahẽkan cela pańjakane ńelkedea. Nui celage, kedokʼ jokhecʼ Jisuakʼ koṛamre ṭenḍarkateye menletʼa, “E Probhu Isor, bạirikoakʼ tireye soprotme, uni doe okoe kana?”

Johan 11:36

Onate Jihudikoko menkeda, “Ma ńelepe, uni do Lasar tinạkʼe dulạṛede tahẽkana.”

Johan 11:5

Jisu do Martha ar uniren bokot kuṛi ar Lasare dulạṛetʼko tahẽkana.

Johan 11:3

Onate unkin boeha kuṛi do Jisu ṭhen noa kathakin roṛgotʼkada, “E Probhu Isor, okoeyem dulạṛedekan uni do ruạteye kạhil akana.”

1 Korinthiko 16:13

Ape do jagwar akae tahenpe, biswạsre keṭecʼte teṅgo akan tahenpe, jhũkokʼpe ar daṛeanko hoyokʼpe.

Hagae 2:4

Ona tayom am do onkom metakoa, Probhu Isore meneda, ‘E Serubabel, am do dil joṅme; E maraṅ naeke Josuạ, dil joṅme; E disạmren sanam hoṛko, apehõ dil joṅpe ar kạmipe; ente iń phạdkoren Probhu Isor do ape são sãotege minạńa.

Johan 16:33

Iń do noakoń lạiyatʼpea jemon iń tulucʼ mitʼ akanpe tahente monre sulukpe ńam. Noa dhạrtire ape do harkhet ar sasetre menakʼpea, menkhan khạtirokʼpe; ińge dhạrti doń jitạuakada.”

Sakariạ 8:9

“Iń phạdkoren Probhu Isorgeń meneda, ińakʼ oṛakʼ benao lạgitʼ rehetʼ bạisạu jokhecʼ nạbiko do ona kathageko roṛleda, ar ńitokʼ ape do inạ kathagepe ańjomeda; onate ape do daṛeanko hoyokʼpe.

Daniel 10:18

Unre manwa leka ńelokʼicʼ uni serma goḍet do arhõ ińe joṭetʼkedińa ar daṛeye emadińa.

Jesaea 41:14

E am tejo Jakob, alom botorokʼa; ińge amiń goṛowama. Iń Probhu Isor do amren babańcaoicʼ Israelren uni sonoticʼge niạ katha doń meneda.

Jesaea 41:10

Onate alom botorạńạ, ente iń do am sãotegeń tahẽnkana; ar alom andesalekʼa, ente iń doń amren Isor kana. Iń doń daṛe ocomea ar khạṭigeń goṛowama ar ińakʼ jit reakʼ jojom titeń sapʼ ṭarhaomea.

Sereńko 138:3

Iń do tinreń hohowatʼmea unre am dom roṛ ruạṛạdińa; ińakʼ ontor reakʼ daṛete am do dilanicʼem hoyocokedińa.

Ephesiko lạgitʼ Pạul Apostolakʼ ciṭhi 6:10

Sarecʼ katha do nõkʼõe, Probhu Isor sãote mitʼakae tahẽkate uni emakʼ maraṅ daṛete daṛeanko hoyokʼpe.

Sakariạ 8:13

E Jihudạ ar Israel gharońjrenko, lahate jạt jạtren hoṛko do sarap lekate apeakʼ ńutumko ńumetʼ tahẽkana, menkhan ńitokʼ iń do apeń bańcaopea ar onko do apeakʼ ńutum bhor lekateko ńuma. Alope botorokʼa, bickom daṛeanko hoyokʼpe.