Daniel 10:11 - সান্তালী বাইবেল

¹¹ Uniye metadińạ, “E Isorren dulạṛiạ Daniel, iń okaṭakʼ katha lạiyam lạgitʼ ona do mońjte moneyakʼme. Ma beretʼme, ente iń do am ṭheniń kol ocoakana.” Uni noa kathae metadiń khan iń do thar tharaokʼ tulucʼ iń teṅgoyena.

Daniel 10:11 Referans Kwoze

Aposkạmi 26:16

“Probhu Isore menkeda, ‘iń doń Jisu kana, onem khedeńkan. Ma ńitokʼ do beretʼme ar amakʼ jaṅgate teṅgokʼme. Sapʼ sosoricʼ ar goha lekate bahalme lạgitʼge iń do am ṭheniń ńelocoyena. Ar cetʼlekam ńelkedeń ar okaṭakʼ iń udukʼ am ona do eṭakʼko ṭhenem lạiya.

Mark 16:8

Onko maejiu do cetʼhõ bako bujhạu daṛeatʼte thar tharaokʼ tulucʼ topa dander khon oḍokkateko dạṛkeda. Onko do nunạkʼko botorena je, botorte okoe hõ cetʼge bako lạiyatʼkoa.

Jeheskel 2:1

Uni do ińe metadińạ, “E manwa hopon, ma teṅgokʼme; iń do am tulucʼ iń galmaraoa.”

Aposkạmi 9:6

Uniye menkeda, “Iń doń Jisu kana, okoe amem khedeńkan. Ńitokʼ do beredokʼme ar nagrahate calakʼme. Ar cetʼ cekae hoyokʼtama ona dom lại ocokʼa.”

Johan 21:20

Patras do tayom secʼe beṅgetʼ ạcurketʼ khan, Jisui dulạṛedekan tahẽkan cela pańjakane ńelkedea. Nui celage, kedokʼ jokhecʼ Jisuakʼ koṛamre ṭenḍarkateye menletʼa, “E Probhu Isor, bạirikoakʼ tireye soprotme, uni doe okoe kana?”

Johan 13:23

Onko modren Jisu okoeye dulạṛede tahẽkan uni do Jisuakʼ koṛam pheḍreye ṭenḍar akan tahẽkana.

Daniel 10:19

Uni do ińe metadińạ, “E Isorren dulạṛiạ, alom botorokʼa. Amakʼ suluk baṛe hoyokʼma. Diljoṅme ar daṛean hoyokʼme.” Uni do iń sãote kathae roṛketʼ sãote iń do daṛe ńamketʼteń menkeda, “E ińren kisạ̃ṛ, ma roṛme, ente am do daṛem emadińạ.”

Daniel 10:3

Ona pe hapta ạuri mucạdokʼ hạbicʼ jãhãn bhage jomakʼ do bạń jomleda, jel se darkha rasa hõ bạń cakha ạikạuleda ar sunum hõ bạń ojokʼana.

Sereńko 45:11

Enḍekhan raj do amakʼ mońjtetʼreye hạ̃sakʼa; unige amren kisạ̃ṛ do, ar unige ḍobokʼaeme.

Jobakʼ 37:1

“Iń do botorteń thar tharaokʼ kana ińakʼ ontor do dhak dhakaokʼ kantińạ.

Soros sereń 7:10

Iń do ińren dulạṛiạren kạnạń ar ińrege uniyakʼ gagoj do menakʼtaea.

Jeheskel 14:14

ar onko pene hoṛ, metakʼme Noha, Daniel ar Jobge, ona talareko tahen, enḍekhan, onko hõ akoakʼ dhorom iạte eken akoakʼ jiwigeko rukhiyạ daṛeketakoa. Iń Probhu Isorge noa katha doń meneda.