Biblia Todo Logo
Bib sou entènèt

- Piblisite -




Daniel 1:17 - সান্তালী বাইবেল

17 Ar Isor do ạkilte, bidiạte, sahittote ar joto lekan bujteye perecʼketʼkoa ar bujhạu reakʼ daṛe hõe danatʼkoa; ar Daniel do sanam lekan dorson ar kukmũ reakʼ bhedko hõe bhaṅgao daṛeakʼkan tahẽkana.

Gade chapit la Kopi




Daniel 1:17
36 Referans Kwoze  

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.


Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.


Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.


Sạrige manwa talare jiu do menaegea, ar sanam daṛeanicʼakʼ sahẽtʼge uni doe bujhạu ocoyedekana.


E ińren hapṛamkoren Isor, amiń sarhaoetʼme kana, ariń õṛhẽyetʼme kana, ente am do ạkil ar daṛeyem em akawạdińa; ale do okaṭakʼ am ṭhen khon baḍae joṅle khojletʼ ona do ińem baḍae ocoakadińạ; rajakʼ kukmũ reaṅ am do alem baḍae ocoakatʼlea.”


Onate ape reaṅ ańjom tayom khonge ạliń do jao ghuṛi ape lạgitʼ liń koejoṅ kana. Jiuteakʼ akel ar bud salakʼ Isorakʼ monejoṅakʼ jemon purạtepe bujhạu daṛeakʼ onate Isor ṭhenliń khojkana.


ente Probhu Isorge ạkil doe emokʼ kana, uniyakʼ moca khonge bud ar ạkil do oḍokokʼ kana.


Onko do Stephan sãote reṭepeṭekʼko ehopʼena, menkhan Stephan do sonot Jiu hotete akel salakʼe galmaraoatʼkoa. Onate onko do uni upạrte bako teṅgo daṛeada.


Jion reakʼ mimitʼ bhage ar niphuṭ dan do serma khon pheḍ hijukʼ kana, ona do Isor ṭhen khonge hijukʼ kana, ar uni do sanam marsalkoren Baba kanae. Uni do parom calakʼkan umul leka bae pheraokʼa.


Mose do Misorrenkoakʼ sanamakʼ akelte akelanicʼe hoyena, ar acʼakʼ katha ar kạmikote uni do daṛeanicʼe tahẽkana.


Parasren raj Koresakʼ rajokʼ tesarakʼ bochorre okoe do Beltesasare ńutum ocolen uni Daniel ṭhen mitʼṭecʼ katha sodorena. Katha do sạrikana ar ona do mitʼṭecʼ maraṅ kosṭo reaṅge. Mitʼṭecʼ dorson hotete uni doe bujhạu ocoyena.


Ńelme, Daniel khon hõm ạkilangea, jãhãn khạndri katha hõ am ṭhen do baṅ danaṅa;


Sakariạwakʼ oktere uni do Isorakʼ sana lekageye calakʼkan tahẽkana. Sakariạ do Isor botorae reakʼ sopolhae emaekan tahẽkana. Tinạkʼ din Probhu Isorakʼ sana lekae calaoen unạkʼ din Isor hõ uniye jo baha ocoyede tahẽkana.


Babelren raj Beltsasare rajokʼ pạhil bochorre Daniel do acʼakʼ aṭetʼreye giticʼakan tahẽkanre acʼakʼ bohokʼre hecʼen kukmũ ar dorsonkoe ńelkeda ar nokʼõe nonka onako reakʼ guṭtetʼe ol dohokeda. “Ńindạ jokhecʼ iń do dorsonteń ńelkeda, serma reakʼ ponea hoe do mitʼṭecʼ maraṅ jalapuriko uṭlạu rakapʼkeda.


Ado ńindạ jokhecʼ Daniel ṭhen ona baṅ baḍaeakʼ do dorson hotete sodorena. Unre Daniel do sermaren Isore gun manao joharadea.


ente iń do nonkan katha ar nonkan akeliń emapea, onape roṛ ruạṛakore aperen bạiriko do cetʼhõ bako roṛ daṛeakʼa, ar onahõ bako baṅ daṛeakʼa.


Uniren Isorge uni doe hukumaea ar ṭhik hor reakʼe cetʼaea.


Okoe Isore kusi ocoye uni do bud, ạkil ar rạskại danaea, menkhan kại hoṛ do dhon-durib jogaṛ lạgitʼ ar ona jogao reakʼ kạmiye emaea, jemon ona do uni hoṛe emawae one okoe do Isore kusi ocoyedekan. Noa hõ ạuṛiyakʼgea, hoe tayomte ńir calakʼkan chaḍa ar cetʼge baṅkana.


Iń do bud ar ạkil imạńme jemon ińakʼ dạyikiń purạu daṛeakʼ, ente amren noko maraṅ jạtrenko ḍanṭaoko reakʼ daṛe do okoeyakʼ menakʼa?”


Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.


Beltsasar rajakʼ rajokʼ tesarakʼ bochorre iń Daniel do ar mitʼṭecʼ dorsoniń ńelkeda.


Ińiń ańjomakada amre nonkanakʼko menakʼa oka do noa dhạrti reakʼ baṅkan, ar amre bujhạu reakʼ daṛe, bud ar bises ạkil hõ menakʼa.


Ona iạte am do bud ar ạkilem em ocoyena. Ona chaḍa iń do nonkan dhon-durib ar manotiń emama one am lahaten cele rajakʼge baṅ tahẽkan ar am tayom hõ baṅ tahentakoa.”


Onko juạnko do ńelokʼte mońj, ạkilan, niphuṭ, cecetʼakʼte perecʼ ar raj dorbarre kạmi lạgitʼ lek lekako hoyokʼ. Aspenas doe hukum ocoyena jemon uni do onko juạnko Babel reakʼ pạrsi ar sahitto reaṅe cetʼako.


Ado raj samaṅre onko juạnko idiko reakʼ okte hoyen khan uni cạkrạkoren sordar do Nebukadnesar samaṅre onkoe idiketʼkoa.


Ạkil ar bud ar jotowakʼ kathakore raj do onko kuliketʼkoteye bujhạu daṛeada, onko do acʼakʼ goṭa rajosṭiren sanam gukʼniko ar ojhako khon hõ gel doboṛko sorosgea.


Noa bin baḍaeakʼ sodor lạgitʼ eṭakʼko khon ińakʼ ạkil do sorosgea ona do baṅa, menkhan E maharaj, iń do noań men ocoakana jemon noa reakʼ manem baḍae daṛeakʼ ar amakʼ mon reakʼ ganḍonjoṅakʼ kom bujhạu daṛeakʼ.


Ona iạte ińakʼ kukmũ reakʼ bhed bhaṅgao lạgitʼ iń do Babelren sanam ạkilanko iń samaṅre ạguko lạgitʼ iń hukumkeda.


Swiv nou:

Piblisite


Piblisite