Kolossiko lạgitʼ Pạul Apostolakʼ ciṭhi 4:6 - সান্তালী বাইবেল

⁶ Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Santali Common Language New Testament

⁶ Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

Kolossiko lạgitʼ Pạul Apostolakʼ ciṭhi 4:6 Referans Kwoze

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

1 Patras 3:15

bickom Mạsi do apeakʼ ontorre Probhu Isor mente jaega emaepe. Apeakʼ as ar bhorsa reaṅ jãhãeko kulipe khan, enḍekhan roṛ ruạṛako lạgitʼ jaoge sapṛao akae tahenpe, menkhan ona reakʼ roṛruạṛ do mạ̃hir ar bhodro salakʼ emakope.

Sosolhayic̕ 10:12

Ạkilan hoṛakʼ moca kathare do daya menakʼa, menkhan bebujicʼ do acʼakʼ moca kathateye marao ocokʼa.

Mark 9:50

“Buluṅ ma bogege, menkhan sabakʼlen khan cekate ona do arhõ rahamkokʼa? Apeakʼ ontorre buluṅ tahentapema ar sanamko tulucʼ sulukte tahenpe.”

Kạhtukko 15:4

Mạ̃hir alaṅ do jion reakʼ daṛe kana, menkhan eṛe alaṅ do jiue talga tạuạga.

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kolossiko lạgitʼ Pạul Apostolakʼ ciṭhi 3:16

Mạsiyakʼ katha apeakʼ ontorre purạte girobas ocowakʼpe. Isorakʼ akelte lại cecetʼ ar sipikhạukʼpe, sereńko, sarhao sereńko ar Jiuteakʼ õṛhẽyakʼkote apeakʼ ontorre Isor gun manao tulucʼ sereńaepe.

Mathae 5:13

“Ape do dhạrti reakʼ buluṅ kanape, menkhan buluṅ sabakʼlen khan cekate rahamokʼa? Ona do ar okaṭakʼ kạmirege baṅ lagaokʼa. Eken bahrete giḍikakʼ ar hoṛko lebetʼakʼ lekge hoyokʼa.

Kạhtukko 10:21

Isor botoraekoakʼ luṭi do ḍher hoṛgeye ńeljutkoa, menkhan ạkil begorte bebuj hoṛ doko gujukʼa.

Sereńko 119:46

Am okakom menetʼkan ona do ińren raj samaṅreń roṛa; iń do bạń lajaokʼa.

Sereńko 105:2

Uni lạgitʼ sereńpe ar unige sarhaoepe; ar uniyakʼ sanam hahaṛa kạmi reakʼ katha lại jạhirpe.

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Sereńko 119:13

Amakʼ moca khon okako ạn oḍokokʼkan ona do ińakʼ mocageye sodortama.

Sereńko 66:16

Okoe Isorpe bhoktiaekan ape do ańjompe; iń lạgitʼ uni okaṭakʼe kạmi akatʼ onań lạiyapea.

1 Bõsbudạ 16:24

Eṭakʼ eṭakʼ jạtrenko modre uniyakʼ ṭhonok lại sodorpe; sanam hoṛko talare uniyakʼ sanam hahaṛa kạmiko reakʼ katha lại pasnaope.

Dosar Biboron 11:19

Ar aperen hoponko onakope cetʼakoa. Oṛakʼre duṛupʼkokʼ oktere, calakʼ oktere, gitijokʼ oktere ar beredokʼ oktere noako reaṅpe galmaraoakoa.

Levitikus 2:13

Jomakʼ samaṅokʼakʼ lạgitʼ okako jinis ạgukʼ onare do buluṅ emakʼ hoyokʼa. Israelren Isor onko lạgitʼ oka bondobose dohoakatʼ onate jomakʼ samaṅokʼakʼre buluṅ do baṅ badkakʼ hoyokʼa; joto lekan samaṅokʼakʼre buluṅ do emakʼtege hoyokʼa.