Kolossiko lạgitʼ Pạul Apostolakʼ ciṭhi 3:8 - সান্তালী বাইবেল

⁸ menkhan ńitokʼ do edre, raṅgao, dusṭạmi, opoman, ar nilạjiạ roṛ ape khon baṛe sahaṛokʼma.

Santali Common Language New Testament

⁸ menkhan ńitokʼ do edre, raṅgao, dusṭạmi, opoman, ar nilạjiạ roṛ ape khon baṛe sahaṛokʼma.

Kolossiko lạgitʼ Pạul Apostolakʼ ciṭhi 3:8 Referans Kwoze

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Ephesiko lạgitʼ Pạul Apostolakʼ ciṭhi 4:22

Ar noa sikhnạtpe ńamleda je, apeakʼ pạhil cạl-colon lekaten “Mare hoṛtetʼ ” kicricʼ leka totʼ giḍikaepe, ente lilkạr reakʼ lalocte uni “Mare hoṛtetʼ ” doe bạṛijokʼkana.

Ephesiko lạgitʼ Pạul Apostolakʼ ciṭhi 5:4

Ar sanam lekan lajao paṛaoakʼ colon se lelha roṛ ar bạṛicʼ umtạ umti katha hõ ape talare alo hoyokʼma, ente noako do baṅ sajaokʼa. Ona khon bickom ape do Isor sarhaoepe.

Kolossiko lạgitʼ Pạul Apostolakʼ ciṭhi 3:5

Onate apeakʼ jel reakʼ sana oka menakʼ ona marao giḍikakʼpe. Ente onare joto lekan loṭghuṭi, bin napaeakʼ, bạṛicʼ sana, laloc ar dhon lalocko menakʼa, one oka do boṅga sewawakʼ lekakan.

Ephesiko lạgitʼ Pạul Apostolakʼ ciṭhi 4:26

Arpe edre emanlen khan ona edre iạte alope kạiya; apeakʼ edre do siń cando ạuriye hạsurokʼrege cabakʼtapema,

Ibriko 12:1

Enḍekhan ńelokʼ kana, Isorre biswạs reakʼ goha lekate aema hoṛ do abo beṛhaeteko ṭhạurạ akana. Onate dela bon, mitʼke mitʼ tạkicʼakʼ ar oka kại abore laṭkao akan ona do sạṅgiń secʼ bon ṭhelao giḍikakʼte sombhuri salakʼ laha secʼ bon ńir calakʼma.

Kạhtukko 29:22

Edrekʼ hoṛ do jhogṛae salgaoa, ar etaṅ cạndi hoṛ do ạḍiye ghạṭa.

Kolossiko lạgitʼ Pạul Apostolakʼ ciṭhi 3:9

Alope eṛea, ente aperen “Mare hoṛtetʼpe” oḍok giḍi akadea ar uniyakʼ kạmiko sudhạ kicricʼ lekape totʼ giḍi akadea ar “Nãwã hoṛtetʼpe” horokʼ akawana. Uni “Nãwã hoṛtetʼ ” do arhõe nãwã arokʼkante acʼren sisirjạuicʼ lekae hoyokʼ kana jemon uni sisirjạuicʼ do purạtepe baḍae orom daṛeae.

1 Patras 2:1

Onate eṭakʼkoakʼ loksantako reakʼ joto lekan monejoṅakʼ, sanam lekan phorphundi, eṛeteakʼ, hiskạ ar sanam lekan nisṛạu kathako apeakʼ ontor khon oḍok giḍikakʼpe.

2 Korinthiko 12:20

Botorokʼ kạnạń, ape ṭheniń hijukʼre ińiń monejoṅ leka hoedaṛeakʼa bạń ńampea ar ape hõ cetʼleka ńeleńpe menjoṅkan onka do bape ńameńa. Ente botorokʼ kạnạń, reṭha reṭhi, hiskạ, raṅgao, torpha-turphi, okta, cugli, phulạukʼ gulmalge pasecʼ apere ńamokʼ.

1 Korinthiko 3:3

ente ńit hõ jel gobolrege menakʼpea. Ape talare hiskạ ar reṭha reṭhiko menakʼ khan enḍekhan cetʼ jelrenko dope baṅkana? Manwako leka do cetʼ bape coloneda?

Mathae 5:22

Menkhan ińiń metapekana, okoe acʼren boeha cetanreye edrekʼ, uni do bicạrre dạyike hoyokʼa. Ar okoe acʼren boehae metae, ‘Eya orlo,’ uni do maraṅ bạisire dạyike hoyokʼa. Okoe acʼ boehae metae, ‘Eya dundhạ,’ uni do norok seṅgelre khadle ocokʼ leke hoyokʼa.

Sereńko 37:8

Edrekʼ do ikạkakʼme, hataṅ alom loloe tama; ar alom jal jalaokʼa, ente ona do eken bạṛicʼ secʼgeye ạyur idiya.

Galathiko lạgitʼ Pạul Apostolakʼ ciṭhi 5:15

Menkhan ape apepe jhogṛakʼ arpe hipiskạ kan khan men sontorokʼpe! Arpe nonkae khan ape do apetegepe maraokʼa.

Romiko lạgitʼ Pạul Apostolakʼ ciṭhi 13:13

Rij roṅ ar ńu bulokʼte do baṅ, loṭghuṭi ar lucạ lamoṭte do baṅ, reṭha reṭhi ar hiskạte do baṅ, menkhan siń marsalre dãṛãnkanko leka jion bon khemao ma.

Kạhtukko 17:14

Jhogṛa reakʼ ehopʼ do phoṛ oḍokokʼkan dakʼ leka, onate reṭepeṭe ehobokʼrege ona do ikạkakʼme.

Jihudạwakʼ ciṭhi 1:8

Enrehõ noko eṛe cecetʼko do onkage bạṛicʼ kukmukote apnarakʼ hoṛmoko bhonḍetʼtakoa, serma goḍetkoakʼ ḍanṭaoko bebataoeda ar onko sarhaokʼkanko upạrte bemanot kathako roṛeda.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.

Jakob 2:7

Okoeyakʼ ńutum lekatepe hoho ocokʼkan kĩsạ̃ṛko do cetʼ ona manot ńutum bako henostawakʼ kana?

1Timothi 1:20

Onko hoṛ modre Humenaeos ar Aleksander hõ menakʼkinạ. Onate unkin do Soetanakʼ tireń aṛakʼ akatʼkinạ, jemon noa sikhạunakin ńam baṅma, Isor opomane do baṅ ṭhika.

1Timothi 1:13

Lahate Mạsiyiń opomane kan ar khekhedicʼ ar ṭhok hoṛiń tahẽkanre hõ uni do noa kạmireye bahalkedińa. Uni do ińe daya akawạdińa, ente bepạtiạu ar bin baḍaete onakoń kạmikan tahẽkana.

Galathiko lạgitʼ Pạul Apostolakʼ ciṭhi 5:26

Michạ man ńam baṛako leka do alo bon hoyokʼma, ar alo bon ạṛis ocokoma ar alo bon hipiskạma.

Galathiko lạgitʼ Pạul Apostolakʼ ciṭhi 5:20

boṅga sewa, gukʼni, bene bạiri, kạphạriạu mẽtʼ jolokʼ, raṅgao, torpha turphi,

Mark 7:22

laloc, dusṭạmi, eṛe, umtạ umti, mẽtʼ jolokʼ, opoman, bạḍại ar bebujko oḍok hijukʼa.

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

Kạhtukko 19:19

Edre ḍhergetae hoṛ do ḍanḍom ocoaeme; entem rukhiyạ lekhan arhõ onkaetege hoyokʼtama.

Jihudạwakʼ ciṭhi 1:13

Noko do birbão talare jalapuri reakʼ ḍheoko leka kanako; ar jalapuri reakʼ photo leka nokoakʼ lajao paṛao kạmiko do capekʼ kana. Noko do ạcur baṛaekan ipil lekanako; jaejug lạgitʼ kaṛaṅ kucạṅ ńutge noko lạgitʼ do jogao dohoakana.

2 Patras 2:7

Menkhan uni do Loṭe rukhiyạledea. Loṭ do Isor bhokti hoṛe tahẽkana. Uni do onḍenko ạn-ạri bebataoetʼkan hoṛkoakʼ lucạlamoṭ iạte duke ńametʼ tahẽkana.

Ephesiko lạgitʼ Pạul Apostolakʼ ciṭhi 4:25

Onate eṛeakʼ do bạgi giḍiyakʼpe ar ape apere sạri kathako roṛpe, ente jotokoge mimitʼko sãote bon jopoṛaogea.