Kolossiko lạgitʼ Pạul Apostolakʼ ciṭhi 3:25 - সান্তালী বাইবেল

²⁵ Ente behokicʼ do acʼe behokakatʼ reakʼ kuṛạiye ńam ruạṛa; Probhu Isor ṭhen mẽtʼãhã beṅgetʼakʼ do bạnukʼ anaṅ.

Santali Common Language New Testament

²⁵ Ente behokicʼ do acʼe behokakatʼ reakʼe ńam ruạṛa; Probhu ṭhen mẽtʼãhã beṅgetʼakʼ do bạnukʼ anaṅ.

Kolossiko lạgitʼ Pạul Apostolakʼ ciṭhi 3:25 Referans Kwoze

Aposkạmi 10:34

Unre Patras do roroṛe ehopʼena, “Iń do ńitokʼ sạrigeń bujhạu daṛeakʼ kana, Isorakʼ mẽtʼãhã samaṅre do jotogeko somangea.

Romiko lạgitʼ Pạul Apostolakʼ ciṭhi 2:11

Ente Isor ṭhen mẽtʼãhã beṅgetʼakʼ do bạnukʼ anaṅ.

2 Korinthiko 5:10

Ente Mạsiyakʼ bicạr duṛupʼakʼ samaṅre abo sanamkoakʼ jotowakʼ do sodorokʼa, jemon abo mimitʼko noa hoṛmore tahẽkate oka bon kạmiakatʼ, baṅ do boge ar baṅ do bạṛicʼ ona lekage kuṛại bon ńama.

1 Thessalonikikko 4:6

Noa babotre okoe hõ jemon jãhãe boeha behok lekate aloe ṭhokaye. Ale do laharegele lại akatʼpea arle sontorakatʼpea, noako behokakʼ iạtege Probhu Isor doe sạjạipea,

Dosar Biboron 10:17

Aperen Probhu Isor do sanam isorkoren Isor ar sanam probhu koren Probhu kanae. Uni do maraṅ utạricʼ, daṛeanicʼ ar botoranicʼ Isor kanae. Uni do okoeyakʼ mẽtʼãhã hõ bae beṅgetʼakʼa ar ghushõ bae hataoa.

1 Patras 1:17

Isor Baba do mimitʼ manwakoakʼ kạmi lekae bicạrkoa, uni do mẽtʼãhã ńelte bae bicạra. Onate Baba mente unipe hohowaekan khan, enḍekhan noa dhạrtire tinạkʼ din upriạ leka menakʼpe unạkʼ din uni botorae salakʼ din khemaope.

Ephesiko lạgitʼ Pạul Apostolakʼ ciṭhi 6:9

E kisạ̃ṛko, aperen golamko sãote ape hõ onkage beoharpe. Onko do botor alope udukʼakoa, entepe baḍaegea, onko ar aperen doe ini mitʼ Probhu Isor kangeae ar uni do sermare menaea; uniyakʼ mẽtʼãhã samaṅre do jotogeko somangea.

2 Bõsbudạ 19:7

Probhu Isorge baṛe botoraepe. Ar sontorte bicạrpe, ente behok, mẽtʼãhã beṅgetʼakʼ ar ghus jojomko tulucʼ aboren Isorakʼ do cetʼ helmelge bạnukʼtaea.”

Dosar Biboron 1:17

Ar bicạrre okoeyakʼ mẽtʼãhã hõ alope beṅgetʼakʼa ar kạṭicʼ lạṭu sanamkoakʼ kathape ańjomtakoa. Bicạr reakʼ kạmi do Isorakʼkangea; onate okoe manwage alope botorakoa. Ar jãhãṭakʼ bicạr kuṭhingepe bujhạu khan ona do iń ṭhenpe ạguiya, ar iń do onań bicạr chinḍạukatakoa.

Ibriko 2:2

Serma goḍet hotete okaṭakʼ katha lại jạhirlen ona ma bacoṅ hante natelen; ona chaḍa jãhãege Isorakʼ hukume bebatao akatʼ ar uniyakʼ katha bae ańjometʼkan uni do acʼakʼ hok reakʼ kuṛạiye ńamakada.

Kolossiko lạgitʼ Pạul Apostolakʼ ciṭhi 4:1

E kisạ̃ṛko, sermare aperen hõ mitʼṭen kisạ̃ṛ menaea ar ona baḍaekate aperen golamko sãote bhage ar hok reakʼ beoharpe.

Luk 20:21

Onateko metadea, “E Guru, alele baḍaea am do ṭhik ṭhikem roṛeda arem cetʼako kana. Ar okoeyakʼ mẽtʼãhã hõ bam beṅgetʼakʼ kana ar Isorakʼ hor reaṅ sạri sạrigem cetʼakokana.

Jobakʼ 37:24

Ona iạte manwa do uniko botorae kana; ar okoe apnarte ạkilanko hudisotʼkan onko do bae beṅgetʼ ako kana.”

Jobakʼ 34:19

Uni do rapajkoakʼ mẽtʼãhã bae beṅgetʼatako kana, nacarko bạgi giḍikate kisạ̃ṛko maraṅ mente bae moneyako kana, ente onko jotoge uniyakʼ ti teakʼ kạmiko kangeako.

2 Samuel 14:14

Otre dakʼ dul giḍile khan cetʼleka ona ar baṅ hạr ruạṛokʼ onkage abo hõ bon gujukʼa. Menkhan Isor do jiwi bae hataoa bickom nonkae bebostaea jemon ocokʼ giḍi akade hoṛ acʼ khon pharakre aloe tahen.

Levitikus 19:15

“Behok lekate alope bicạra. Bicạr do alope kạṭicʼ lạṭuya; menkhan mimitʼko lạgitʼ hok reakʼ bicạr chinḍạupe.

Jihudạwakʼ ciṭhi 1:16

Noko hoṛ do jaogeko karacʼ kurujokʼa, ar akoakʼ bhạgko dusiya ar ontor reakʼ bạṛicʼ sana lekako calakʼa. Onko do akoteko sarhaokʼa ar lab joṅ lạgitʼ hoṛko heṛemakoa.

Philimon 1:18

Ar amakʼ jãhãnakʼe lokshan akatʼtam khan se am ṭhen jãhãnakʼ babotre rin menakʼtae khan ona do ińakʼ rin kana mente bujhạume.

Mathae 16:27

Manwa Hopon do acʼren goḍetko soṅgekate apat reakʼ ṭhonokanteye hijukʼa. Ar mimitʼ hoṛ akoakʼ kạmi lekae halawakoa.

Ephesiko lạgitʼ Pạul Apostolakʼ ciṭhi 6:8

mimitʼ hoṛ jãhãnakʼ bogeye kạmi khan onatege Probhu Isor ṭhen khon kuṛạiye ńama, baṅ doe golam kan ar baṅ doe sạdhinicʼ kan.

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;