Kolossiko lạgitʼ Pạul Apostolakʼ ciṭhi 3:24 - সান্তালী বাইবেল

²⁴ entepe baḍaegea, Probhu Isor do acʼren hoṛko lạgitʼ okae dohoakatʼ onage kuṛại lekate uni ṭhen khonpe ńama. Ar ape okoe ṭhenpe khaṭaokʼkan uni doe Probhu Jisu kana.

Santali Common Language New Testament

²⁴ entepe baḍaegea, Probhu acʼren hoṛko lạgitʼ okae doho akatʼ onage kuṛại lekate uni ṭhen khonpe ńama. Ar ape okoe ṭhenpe khaṭaokʼ kan uni doe Probhu Jisu kana.

Kolossiko lạgitʼ Pạul Apostolakʼ ciṭhi 3:24 Referans Kwoze

Ephesiko lạgitʼ Pạul Apostolakʼ ciṭhi 6:8

mimitʼ hoṛ jãhãnakʼ bogeye kạmi khan onatege Probhu Isor ṭhen khon kuṛạiye ńama, baṅ doe golam kan ar baṅ doe sạdhinicʼ kan.

Luk 14:14

Enḍekhan Isorakʼ bhorem ńama, ente onko do bako neota hala ruạṛ daṛeama. Ar dhoromko gocʼko khonko jiwetʼ beretʼ ocokʼre am do noa reakʼ halawama.”

Galathiko lạgitʼ Pạul Apostolakʼ ciṭhi 1:10

Noate iń do okoeyakʼ sarhao ńamjoṅ iń kurumuṭuyeda, manwa se Isorakʼ? Se manwa kusi ocoye reakʼ iń kurumuṭu kana? Ar ńit hạbicʼ manwa kusi ocoko lạgitʼ iń kurumuṭuyetʼ khan enḍekhan Mạsiren golam doń baṅkana.

1 Korinthiko 7:22

Golam tahenre Probhu Isor okoeye hohoakawade uni do Probhu Isor hotetegeye sạdhin ocoakana. Onkage okoe sạdhin tahenreye hoho ocoakan uni do Mạsiren golame hoyakana.

Aposkạmi 20:32

“Menkhan ńitokʼ do Isor ar uniyakʼ kathareń jimạkape kana. Isorakʼ katha do uniyakʼ daya reaṅe roṛa, ar apeko benao rakapʼpe reakʼ daṛe hõ ona katharege menakʼa. Ona chaḍa Isor do acʼren hoṛko lạgitʼ okae dohoakatʼ ona katha do apeko hõe em daṛeapea.

Ibriko 11:6

Biswạs begorte Isor kusi ocoye do baṅ hoedaṛeakʼa, ente Isor ṭhen okoeye calakʼ, uni do biswạsokʼ hoyokʼtaea je, Isor menaea ar uniyakʼ katha leka calakʼko do uniyakʼ ti khon kuṛạiko ńama.

Ibriko 10:35

Onate ape do dil alope aṛakʼ giḍitapea, ente noa reakʼ kuṛại do maraṅgea.

Ephesiko lạgitʼ Pạul Apostolakʼ ciṭhi 6:6

Hoṛ kusi ocoko lạgitʼ aperen kisạ̃ṛkoakʼ mẽtʼãhã samaṅre alope gobolokʼa; ona khon bickom Mạsiren golam leka Isorakʼ monsubạ do mon ar ontorte bataokate aperen kisạ̃ṛko ṭhen tabekʼpe.

Mathae 5:46

Okoe apeko dulạṛetʼpe eken onkogepe dulạṛetʼko khan enḍekhan cetʼ kuṛại menakʼtapea? Mạsul uṭhạuko hõ cetʼ bako onkayeda?

Mathae 5:12

Ape do rạskạ ar hulạsokʼpe, ente sermare ape lạgitʼ maraṅ kuṛại menakʼa. Ente ape laha okoe nạbikoko tahẽkan onko hõ nonkageko santaoletʼkoa.

Kạhtukko 11:18

Bedhoromkoakʼ rojgarakʼ do ạuṛiyakʼgetakoa, menkhan Isore botoraekan hoṛ okoe do itạye er uni do sạrige ona reakʼ phosole ira.

Jihudạwakʼ ciṭhi 1:1

Iń do Jisu Mạsiren golam ar Jakobren boeha Jihudạ kạnạń. Isor Baba okoekoe hoho are dulạṛ akatʼko ar Jisu Mạsi okoekoe rukhiyạ akatʼko onko ṭhen noa ciṭhi doń oletʼkana.

2 Patras 1:1

Iń Simon Patras do Jisu Mạsiren mitʼṭen golam ar apostolge. Aboren Isor ar babańcaoicʼ Jisu Mạsi doe dhoromgea, ar ona iạte ape hõ ale leka inạ bin mucạtʼ damrepe biswạs akana. Ar noa iạtege ape ṭhen niạ ciṭhiń oletʼkana.

Kolossiko lạgitʼ Pạul Apostolakʼ ciṭhi 2:18

Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

1 Korinthiko 3:8

Rohoeyicʼ ar dakʼe emokʼicʼ unkinakʼ monsubạ do mitʼgea, menkhan unkin do apan ạpin kạmi leka kuṛạikin ńama,

Luk 6:35

Menkhan ape do aperen bạiriko dulạṛkope ar onko bhạlạikope. Ar baṅ ńam ruạṛokʼ reakʼ askate pańca emakope. Enḍekhan ape lạgitʼ maraṅ kuṛại menakʼa, ar ape do sanam dayawạnicʼ Isorren hoponpe hoyokʼa, ente uni do gun baṅ manaoko ar bạṛicʼko hõe dayawako kana.

Mathae 6:16

“Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Rut reakʼ kạhini 2:12

Onate Probhu Isor do ame bhoram kana. Ar Israelkoren Probhu Isor, okoeyakʼ phạ̃kṛạ̃kʼ latarre asray ńam lạgitʼem hecʼakan, uni do jemon amakʼ bakhratam purạteye emkatam.”

Mathae 6:5

“Apepe koejoṅre phạsiạra hoṛko leka do alope onkaea, ente onko do hoṛko ṭhen ńel ocokʼ lạgitʼ sunạgog ar dobạṭiạkore teṅgokate koejoṅko kusiyakʼ kana. Sạrigeń metapekana, onko do akoakʼ kuṛạiko ńam horayeda.

Genesis 15:1

“Ona tayom Probhu Isor do Abram dorsonteye metadea, “Abram, alom botorokʼa. Ḍhal leka iń do amiń rukhiyạmea, ar amakʼ kuṛại do maraṅ hoyokʼa.”

Romiko lạgitʼ Pạul Apostolakʼ ciṭhi 14:18

Okoe nonkate Mạsi ṭhen golame khaṭaokʼkan, Isor do unireye kusikʼkana ar hoṛko hõ uni do bhageko metaekana.

Romiko lạgitʼ Pạul Apostolakʼ ciṭhi 1:1

Iń Pạul Jisu Mạsiren golam do Rom nagraharen biswạsiko ṭhen noa ciṭhiń oletʼkana. Isor do acʼren apostol hoyokʼ lạgitʼe hoho akawạdińa ar uniyakʼ bhage sombat porcar lạgitʼ hõe bachao akadińạ.

Johan 12:26

Jãhãege ińakʼe kạmikan khan uni do ińe pańjańma. Iń okareń tahena ińren kạmiyạko hõ onḍegeko tahena. Jãhãege ińakʼe kạmikan khan Baba do uniye manotea.

Mathae 10:41

Mitʼṭen nạbi jãhãege nạbi menteye ataṅe, enḍekhan nạbi okaṭakʼ kuṛạiye ńam, uni hõ ona kuṛạigeye ńama. Isor sewawae hoṛ jãhãege Isor sewawae hoṛ menteye ataṅe enḍekhan Isor sewawae hoṛ oka kuṛạiye ńam, uni hõ ona kuṛạigeye ńama.

Ibriko 9:15

Isor do okoeko hohokate jaejug ạidạri emako lạgitʼe gokʼatʼko tahẽkan onko jemon onako ńam onate Mạsi do mitʼṭecʼ nãwã bondobos reakʼ dene banar secʼrene hoyena. Noa ạidạri ńam do manwa lạgitʼ leṭejokʼakʼ hoyakana, ente pạhil bondobos bahal tahẽkanre manwa okako kại akatʼ onako kại khon chaḍao reakʼ dam lekate Mạsi do jiwiye emleda.

1 Korinthiko 11:23

Okaṭakʼ iń cetʼ akawatʼpe ona do Probhu Isor ṭhen khongeń ńamakada. Oka ńindạ Probhu Isor do bạirikoakʼ tireye soprot ocolen,

1 Patras 1:4

metakʼme darakan dinkore nonkan mitʼṭecʼ dhon ńam reakʼ as bon ńam akada one ona do tishõ baṅ nosṭokʼ, onare bạṛicʼakʼ cetʼge baṅ tahena, ona do jaejug hạbicʼ nãwãge tahena. Ar noa dhon do sermare ape lạgitʼ doho jogao akana.