Kolossiko lạgitʼ Pạul Apostolakʼ ciṭhi 3:23 - সান্তালী বাইবেল

²³ Jãhãnakʼgepe cekae, manwako lạgitʼ do alo, bickom Probhu Isor lạgitʼpe onkayetʼte mon ar ontorte kạmipe,

Santali Common Language New Testament

²³ Jãhãnakʼgepe cekae, manwako lạgitʼ do alo, bickom Probhu lạgitʼpe onkayetʼte mon ar ontorte kạmipe,

Kolossiko lạgitʼ Pạul Apostolakʼ ciṭhi 3:23 Referans Kwoze

Kolossiko lạgitʼ Pạul Apostolakʼ ciṭhi 3:17

Jãhãnakʼgepe roṛ ar jãhãnakʼgepe cekae ona do Probhu Jisu ńutumtege kạmipe ar uni hotete Isor Baba hõ gun manao joharaepe.

Romiko lạgitʼ Pạul Apostolakʼ ciṭhi 14:8

Abo jiwetʼ bon tahen khan abo do Probhu lạgitʼge jiwetʼ bon tahenkana, ar bon gujukʼkan khan Probhu lạgitʼge bon gujukʼkana. Enḍekhan jiwetʼ bon tahen se bon gujukʼ, abo do Probhu Isorren kangea bon.

2 Bõsbudạ 31:21

Isorakʼ sana leka calakʼ lạgitʼ Isorakʼ oṛakʼ reakʼ kạmi ar ạn-ạriko manao babotre jãhãnakʼgeye kạmiyetʼ tahẽkan ona do goṭa mon ar ontortegeye kạmiyetʼ tahẽkana, ar onatege uni doe jo bahakʼ kan tahẽkana.

Sosolhayic̕ 9:10

Amakʼ tire jãhãnakʼ kạmige hijukʼ ona do amakʼ goṭa daṛete kạmime, ente oka ṭhạ̃item calakʼkan ona gujukʼ jaegare jãhãn kạmi se hudis se bidiạ se ạkil mente cetʼge bạnukʼa.

1 Patras 2:15

Isorakʼ sana do noage, ape do bhage kạmite lelha hoṛkoakʼ bebuj kathako jemonpe cabaetako.

1 Patras 2:13

Ape do Probhu Isorren bakʼtaoko hoyokʼpe ar disạm cakʼlaoko tabere tahen aṅgocpe. Ar maharaj do jotoko khone maraṅgete uni tabere hõ tahenpe;

Sereńko 119:10

Ińakʼ goṭa ontorte iń do am baḍaeme lạgitʼ iń ahkaokʼ kana; amakʼ hukum bahre do alom dãṛã ocoyińạ.

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.

Romiko lạgitʼ Pạul Apostolakʼ ciṭhi 14:6

Din okoeye manaoetʼkan uni do Probhu Isor kusi ocoye lạgitʼgeye onkayeda. Ar okoe sanamakʼe jometʼkan uni do Probhu Isor kusi ocoye lạgitʼgeye jomeda, ente uni do Isore gunmanao joharae kana. Okoe sanamakʼ bae jometʼkan uni hõ Probhu Isor kusi ocoye lạgitʼge bae jomeda, ar uni hõ Isore gun manao joharae kana.

Sereńko 119:34

Iń bujhạu lạgitʼ daṛe emạńme, jemon amakʼ hukum lekań senokʼ ar ińakʼ sanam ontorte onań palon daṛeakʼ.

Jirimiạ 3:10

Ar niạko hoyenre hõ Israelren bepạtiạricʼ boeha kuṛi Jihudạ do acʼakʼ goṭa monte do baṅa menkhan eken iń ṭhen ruạṛ hijukʼ reakʼe bhankeda. Iń Probhu Isorge noa katha doń meneda.”

Sereńko 119:145

Ińakʼ goṭa ontorteń hohowam kana; E Probhu Isor, roṛ ruạṛạńme. Amakʼ sanam ạnkoń manaoa.

Mathae 6:16

“Apepe upạsre phạsiạrako leka mẽtãhã do alope mirluṅtapea. Ente onko do hoṛko ṭhen udugokʼ lạgitʼko upạseda ar bohokʼ ar mẽtãhãre torocʼko ojokʼ joṅkana. Sạrigeń metapekana onko do akoakʼ kuṛạiko ńam horayeda.

Ephesiko lạgitʼ Pạul Apostolakʼ ciṭhi 5:22

E maejiuko, Probhu Isorre cetʼleka tabe akan menakʼpe onkage apan ạpin jãwãe tabere tahenpe,

Sereńko 103:1

E ińakʼ jiwi, Probhu Isor sarhaoeme; E ińakʼ ontor, uniyakʼ ṭhonokʼ baṛe sarhaotaeme.