Kolossiko lạgitʼ Pạul Apostolakʼ ciṭhi 2:18 - সান্তালী বাইবেল

¹⁸ Okoe apnarakʼ hoṛmo kosṭoko emakʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoyocoe. Nonkan hoṛ do okako ńelakatʼ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Santali Common Language New Testament

¹⁸ Okoe apnarakʼ hoṛmore kosṭoko emetʼkan ar serma goḍet sewawako reakʼ jạruṛko bujhạuetʼkan onko do apeakʼ jit siropa ńamokʼ horre tạkicʼakʼ jemon aloko hoeocoe. Nonkan hoṛ do okako ńelakat̕ menteko hudisetʼkan ona reaṅ ạḍi maraṅ maraṅ kathako roṛa ar ạuṛi bạḍạiteko phulạukʼa, ente onkoakʼ mon do jel reakʼ sanare gobol akantakoa.

Kolossiko lạgitʼ Pạul Apostolakʼ ciṭhi 2:18 Referans Kwoze

Kolossiko lạgitʼ Pạul Apostolakʼ ciṭhi 2:8

Sontor akae tahenpe, jemon okoe hõ hoṛakʼ bidiyạ ar ạuṛi lilkạrte aloe siboṛpema. Mạsi tulucʼ ona cecetʼakʼ reakʼ do jãhãn jurige bạnukʼa; manwakoakʼ ạri-cạli ar dhạrti reakʼ ạḍi lekan ạn-ạrirege ona do ṭehãḍokʼ kana.

1Timothi 1:7

Onko do nijạrakʼ kathage bako bujhạueda ar okaṭakʼ reaṅ murukteko roṛetʼkan ona do bako baḍaere hõ Moseyakʼ ạn-ạriren guru hoyokʼko menjoṅkana.

Kolossiko lạgitʼ Pạul Apostolakʼ ciṭhi 2:23

Ar noako ạri-cạli ńelokʼte do akelte perecʼakʼ lekage bujhạukʼa, ente cetʼ leka sewae hoyokʼa, cetʼleka apnarte huḍińokʼ hoyokʼa, cetʼleka apnarakʼ hoṛmore kosṭo emakʼ hoyokʼa, ona do noa ạri-cạlikogeye baḍae ocokoa, menkhan jel reakʼ sana koboj lạgitʼ noako do oka kaj reakʼ hõ baṅkana.

1Timothi 4:1

Sonot Jiu do pusṭạuteye menakada, darakan dinkore adom hoṛ do biswạs khonko bhingṛạukʼa ar bulạu jiuko ar bạṛicʼ jiukoakʼ bintiko moneyakʼa.

2 Korinthiko 11:3

Menkhaniń botorokʼ kana, uni biń do acʼakʼ bạṛicʼ phorphundite cetʼleka Hawae bulạulede onkage Mạsire menakʼtape soṛatetʼ ar napaetetʼ khon apehõkoe bulạu botecʼpea.

Romiko lạgitʼ Pạul Apostolakʼ ciṭhi 1:25

Isorakʼ sạriyakʼtetʼ bạgikate eṛeakʼko ataṅ akawana. Sisirjạuicʼ bạgikate uniyakʼ sirjạuakʼko sewawakʼ kana, menkhan sanam mạhima do jaejug hạbicʼ uni sisirjạuicʼakʼ kangea. Amen.

Mathae 24:24

ente aema eṛe Mạsi ar eṛe nạbikoko upelokʼa ar maraṅ maraṅ hahaṛa kạmi ar cinhạkoko uduga jemon Isorren bachao akan hoṛkoko bulạu daṛeako.

Johan sodor 3:11

Iń do ạḍi usạrageń daraekana. Amakʼ oka menakʼtam ona do sapʼuricʼ akae tahenme, okoe hõ amakʼ jitạukʼ reakʼ kuṛại do alo jemonko recʼme.

1 Johan 2:26

Okoe bạṛicʼ horte idipe lạgitʼko kurumuṭuyetʼkan, onko reaṅ iń do noakoń olatʼpea.

Ephesiko lạgitʼ Pạul Apostolakʼ ciṭhi 5:6

Ạuṛi sạuṛi kathate okoe hõ jemon aloko bulạupe ma, ar eṭakʼ horte aloko idipe ma, ente okoe bebatao iạte onako kạmi onkorege Isorakʼ sạjại do paṛaokʼa.

1 Korinthiko 8:1

Iń do ńitokʼ boṅga ṭhen samaṅakʼ jomakʼko reaṅ iń roṛeda. Baḍaegeabon, sanamkoakʼge akel menakʼtabona. Akel do manwae phulạu ocoyea, menkhan dulạṛ doe benao rakapʼa.

Daniel 11:38

Onko bodolte uni do aotan gaṛkoren debotakogeye manotkoa; ar okoe debotako do akoren hapṛamko bako oromakatʼko onkoge uni do sona, rupạ, damanakʼ mạnik dhiriko ar sandeskoteye manotkoa.

Jeheskel 13:3

Probhu Isore meneda, ‘Hae, onko bebuj nạbiko do, okoe do jãhãn dorson baṅ ńamkate hõ ạuṛiyakʼte nạbi kathako roṛetʼkan.

Numeri 25:18

ente Piorren debota sewawae ar Kosbiyakʼ katha iạte bhul horteko idiketʼpete onko do bạiriko hoyakana. Am dom baḍaegea, nui Kosbige onkoren peṛa ar mitʼṭen Midiạn sordarren hoponerae tahẽkana. Piorren Bakʼal debota sewawae iạte tinre ape talare mahamạri ńelena unre uni maejiugeye gocʼ ocolena.”

Genesis 3:13

Unre Probhu Isor do uni maejiue metadea, “Noa do cetʼem ceka akada?” Maejiu do roṛ ruạṛketʼteye menkeda, “Biń do ińe bulạukedińa ar onate iń do onań jomkeda.”

Johan sodor 19:10

Unre iń do uni serma goḍetakʼ jaṅga ṭhen ombakʼenteń sewawadea. Menkhan uni doe metadińạ, “Noa do cetʼem cekayeda? Iń do amren são kạmiyạicʼ kạnạń. Isorge sewawaeme. Amren biswạsi boehako, okoe do Jisuakʼ cecetʼakʼko sapʼ dohoakatʼ, iń do onko modren mitʼ hoṛ kạnạń. Jisuakʼ cecetʼakʼge tahẽkana nạbikoakʼ asol katha do.”

Johan sodor 13:14

Ar okako hahaṛa kạmi lạgitʼ ektiạriye emocolen onako kạmikate hoṛko bhul horte idikoe ehopʼkeda. Ar Pạhilicʼ janwar okoe do tarwaṛeteye ghạl ocolenre hõ jiwetʼe tahẽkan, uni dosaricʼ janwar do hoṛkoe metatʼkoa jemon onko do uniyakʼ muṭhạnko benaotae.

Johan sodor 13:8

Okoe doko noa dhạrtirenkan, metakʼme dhạrti rehetʼ khon gocʼ ocolen Bheḍa Hoponakʼ jion puthire okoekoakʼ ńutum ol bạnukʼtako onko sanamko do Isor leka uniko sewawaea.

Johan sodor 12:9

Unre uni maraṅ okocʼ biń ar uniren soṅgeten goḍetko do dhạrtiteko lebda ńur ocoyena. Nui biń doe hoyokʼ kana uni mare bińge okoe do Diabol Soetanko metaekan. Uni do dhạrtiren sanam hoṛko bhul horteye idiyetʼkoa.

2 Patras 2:14

Onkoakʼ mẽtʼ do loṭghuṭite perecʼgea ar tisge kạkại do bako bạgiya. Onko do dhoromre nijor monanko lalocko udukʼakote bhul horteko idikoa. Onkoakʼ ontor do eken lalocgeye cetʼakada. Onkore sarap menakʼa. Onko do sojhe hor bạgikate bhul hor secʼko ghańjeṛ akana.

Kolossiko lạgitʼ Pạul Apostolakʼ ciṭhi 2:4

Iń do noa kathageń metapekana jemon okoe hõ ạuṛiyakʼ kathakote bhul horte aloko ạnḍicʼ idipe.

2 Korinthiko 12:20

Botorokʼ kạnạń, ape ṭheniń hijukʼre ińiń monejoṅ leka hoedaṛeakʼa bạń ńampea ar ape hõ cetʼleka ńeleńpe menjoṅkan onka do bape ńameńa. Ente botorokʼ kạnạń, reṭha reṭhi, hiskạ, raṅgao, torpha-turphi, okta, cugli, phulạukʼ gulmalge pasecʼ apere ńamokʼ.

1 Korinthiko 13:4

Dulạṛ doe soboria, dulạṛ doe susṭoba; dulạṛ do bae hiskạwa,

1 Korinthiko 9:24

Ape do cetʼ bape baḍaea ńir haparao enecʼre jotokogeko seledokʼa, menkhan eken mitʼ hoṛge kuṛại doe ńama? Onate ape hõ nonka dạṛpe jemon kuṛạipe ńam daṛeakʼ.

1 Korinthiko 4:18

Ape ṭhen bạń calakʼkante adom adomko do demagteko phulạu akana.

1 Korinthiko 3:3

ente ńit hõ jel gobolrege menakʼpea. Ape talare hiskạ ar reṭha reṭhiko menakʼ khan enḍekhan cetʼ jelrenko dope baṅkana? Manwako leka do cetʼ bape coloneda?

Romiko lạgitʼ Pạul Apostolakʼ ciṭhi 16:18

ente nonkanko hoṛ do aboren Probhu Mạsiren golam hoyokʼ baṅkate apnar lacʼgeko moneyakʼkana. Onko do sebel ar luhum suhum kathate sojhe monan hoṛko bulạuetʼkoa.

Jesaea 57:9

Am do jạitun sunum ojokʼkate raj ṭhenem senlena, ar ḍher mahkaokʼ sunumem beoharleda. Amren paṭhaonako do sạṅgiń disạmtem kol akatʼkoa, hẽ, Sheolte hõm kol akatʼkoa.

Jobakʼ 38:2

“Okoe kanae uni do, one uni bin bujan reakʼ kathate ińakʼ goṭawakʼteye tạkijokʼ kan?

Dosar Biboron 29:29

“Danaṅakʼ reakʼ jotowakʼko do aboren Probhu Isorakʼ bisoe kana, menkhan sodorakʼ jotowakʼ do jaejug lạgitʼ abo ar abokoren hopon ar hoponerako lạgitʼkana, jemon noa ạn-ạri reakʼ sanamakʼ kathako bon senakʼte ona bon purạu.

1 Korinthiko 4:6

E boehako, apeakʼ porho lạgitʼge iń do ińakʼ ar Apollossakʼ kathakoń roṛeda, jemon ạliń ṭhen khonpe cetʼ daṛeakʼ baṅma, oka olakan ona bahre calakʼ do baṅ ṭhika mente. Enḍekhan ape do mitʼ hoṛ bạgikate eṭagicʼ upạrte bape gorbokʼa.

Ephesiko lạgitʼ Pạul Apostolakʼ ciṭhi 4:17

Onateń meneda, Probhu Isor ńutumteń sikhạuetʼpe kana boṅgan hoṛ jạtrenko cetʼleka bạṛicʼ cintạ talate jionko khemaoetʼkan onka do alope khemaoa.